الكيكه البيضه بالشكولاته

[بنت الامارات]

مقاديرها سهله ومضبوطه

مقادير الكيكه :

خمس بيضات

1 ونص قلاص طحين

1 ونص قلاص سكر ناعم

ثلث قلاص زيت

ست ملاعق اكل حليب سائل

فانيلا + بيجن باودر

الطريقه :

نخلط البيض جيدا حتى يبيض لونه
ونضيف له الفانيلا

نضيف بعدها الزيت ونخلط

ونضيف السكر ونخلط جيدا حتى يتجانس تماما

ونضيف بعدها الطحين والبيجن باورد

ونخلطها جيدا .... ثم نضعها في قالب الفرن بعد دهنه ورشه بقليل من الطحين

ولا نفتح الفرن الا بعد مرور ثلث ساعه وخليها على درجة 150 درجه حتى تنضج
واهني ما اقصد مدة الكيكه ونضجها ثلث ساعه لا طبعا اقصد لا تفتحين الفرن عليها لمدة ثلث ساعه حتى لا تتشقق الكيكه ... ودعيها حتى تنضج وممكن تاخذ نص ساعه واكثر اشوي وحسب القالب وحسب الفرن


في هذا الوقت نسوي صوص الشوكلاته وهو عباره عن :

1 علبة قشطه
8 ملاعق كاكاو باودر نستله
ونخلطهم مع بعض جيدا
ونضعهم على النار حتى يتجانس ويتغير لونه ويصير فيه لمعه وماياخذ اكثر من الخمس دقايق
لا تخلينه يطبخ وايد
واخير تغطى وتترك بالثلاجه وبالعافيه عليكم ان شالله

 

 

[بنت السويدي]

يــــــــــــــــــــــــم يــــــــــــــــــــــــــم


يسلموووووو عالكيكه

ويعطيج العافيه بنت الامارات

[بنت الامارات]

مشكوره الغاليه والله يبارك فيج ان شالله

[Nathyaa]

تسلم ايدج يا حياتي

[بنت الامارات]

الله يسلكج من كل شر ان شالله
مشكوره الغاليه نثيه عالمرور

[لاجئ سياسي]

مشكوره الغليه وتسلم ايدج ماقصرتي

والحين شوفي لج حل شهيتينا بالكيك وانا بطيني صراحه

يعني يوم انا صغير أمي الله يرحمها اتيب لنا كراتين مينو في البيت والسبب انا

<<<<<<<< يطالع الليث الابيض وخمس باكيتات رايحه وخمس جايه لؤؤؤؤؤل

مشكوره الغاليه والله يعطيج العافيه

[بنت الامارات]

الله يرحمها ان شالله
مشكور اخوي عالمرور
****
اليوم سويت هالكيكه هههههههه لكن شو صار هههههه
احترقت من فوق هههههههه انا كنت مغتره بعمري قلت ازود الدرجه فوق عشان تنضى ههههههههه
لكنها الحمدلله اخير طالعه زينه
وعلى فكره
ترا المكونات مزوددين فيها
انا سويت 2 بيض بدال 5 يعني مش معقوله الصراحه
اعطيكم بعد صلصه الشكولاه من عندي :
3 ملاعق شوكولاه كبيره
قوطي حليب مركز
كوب حليب واحد
__________
طبعا نسوي حمام مطبخي لان الشكولاه بتحترق لو كانت على الحراره مباشر
وتضيفن المقادير وتصير جاهزه
حتى الصلصه تتطلع خفيفه ومش وايد مشكره يعني وايد اوكي هههههههه
يلا عاد بنات نريد همه لو سمحتن

[لاجئ سياسي]

لؤؤؤؤؤؤؤؤؤؤؤؤؤؤل

لا خلاص ماريد السالفه فيها محروقه شوي من فوق واذا جيت باكل بالقاااااه الطبقه العليا كلها محروقه والطبقه السفلى لازقه في الفرن لا لا لا لا لا مشكوره انا الدكتور ناصحني عن السكريات:)

[بنت الامارات]

ههههههههههه
لا اطمنى اخوي بعوضك بغيرها ان شالله هههههههه
محد كامل لا زم في شوي تخبيص هههههه حتى الشيف رمزي كانت تحترق عنده الطبخه
على الاقل انا اكلي نظيف مش مال المطاعم
_____________
خواني خذوا بالكم هاليومين يقولون ان اكل المطاعم مسبب الايدز الله يعافيكم منه ان شالله

[لاجئ سياسي]

والله محد كثري ياكل من المطاعم اختي وجبتين الغدا والعشاء من المطعم

بس نقول الله المسلُم من كل شر


مشكوره على التنبيه

وبعدين وين ماشوفج في المسابقه؟؟ ماتعودنا عليج جيه يالله قدامي ابغيج تحرقيين الاقسام اللي فيهن المسابقه