امـــــــراة اخرى في حياة زوجي

[Nathyaa]

[FRAME="14 70"]
اسعد اللة صباحكم وعم عليكم يومك هذا بالفرح والمسرات



امــــراة اخرى في حياة زوجـــــــــــي

كل فتيات الكون يرفضن ان يكون هناك امراة اخرى تشاركها نصفها الثاني وتشاركها في حقوقها المراة ترى في زوجها نصفها الثاني ترى فية كل كيانها ---- وحياتها المستقبلية --- فكيف لها ان ترضى ان تاتي امراة تشاركها احلامها مع هذا الرجل
ولكن قد تجري الرياح بملا تشتهي السفن---- وتجبر المراة بالقبول وذالك قد يكون لعدة اسباب

\\

\\

\\

السبب الاول

نظرة مجتمعنا للمطلقة وكانها قد ارتكبت ذنبا عظيم يجب ان تعاقب علية
مدى الحياة ---والنظرة السوداوية اللذي ستحاط فيها اذا اقدمت على ذالك ---مجتمعنا يحكم على اي علاقة مستمرة فهي ناجحة-- بقض النظر عما تنطوية تلك العلاقة من خبايا

\\

\\

\\

السبب الثاني

وجود الاطفال قد يجبرها ذالك عن القدوم على الانفصال لانها اذا قررت ذالك ستكون انانية في قرارها حيث انها لم تفكر بمصير هؤلاء الاطفال من بعد الطلاق

\\

\\

\\

السبب الثالث

وقد يكون اعظم هولا عند المراة واصعب خيار اذا كانت تعشق هذا الرجل--- سترفض في بداية الامر --ولكن بعدها ستقبل -- وستقدم تنازلها على ورقة بيضاء --لسبب بسيط -- هو انها تعي وتدرك-- ان ليس لها حياة من دونة

\\

\\

\\

انا في طرحي هذا لارفض فكرة الزواج والارتباط باخرى ولكن

جئت هنا لانقل لكم ماتشعر بة المراة

فماهو رأيكم

هل تقبلين بأن تكون في حياة زوجك امرأه ثانيه ؟؟[/FRAME]

 

 

[صمت المشاعر]

يسلمووووووو نثيه عالموضوع ...

يعطيج العافية ...

[أنـــــوسـه ^_^]

وحده داشه عرض

هل تقبلين بأن تكون في حياة زوجك امرأه ثانيه ؟؟
اكيييد لا لو اني متزوجه

ويعطيج الف عافيه

[الفيلسوفه]

هل تقبلين بأن تكون في حياة زوجك امرأه ثانيه ؟؟

طبعا لأ .... يعني بالمستقبل
أيييد و ما في وحده تقبل
و لكن اذا القصد ان يعالجون مشكله العنوسه و المطلقات في علاجات اخرى
مثلا يعطون حقوق حق الي متزوجه من اجنبي هذا حل من الحلول


و تسلميين حبوبه على الطرح الرائع

[Nathyaa]

تسلمون للمرور

بس يارايت اعرف شنو سبب رفضكم ؟؟

يعني اتفضلون الطلاق ؟؟

تتشتت الاولاد ؟؟

[وداد]

نثيه اشكرج عالموضوع او بالاحرى على المشكله الازليه التي ستظل دائما موضوع نقاش ازلي مهما تعددت الاراء او الاسباب سيظل دائما نفس الاجوبه ولكن من زوايا مختلفه.
انا اقولج لو المرأه شايفه كل امورها ومضبطه عمرها مع الريال وايد صعبه عليها تتقبل زوجه ثانيه عليها وطبعا راح تطالب انه بشنو قصرت وليش واشحقه وليش اذا المراه قصرت بسرعه لازم الريال يشوف غيرها في حين المرأه يااااامه يااااامه تشوف بلاوي وتسكت وحتى لو سوت لها شوية حركات مردها بتنسه عشان نفس ماتفضلتي ماتبي الطلاق او عشان اعيالها او حتى لانها يمكن تحب هالزوج وماتبي تخسره وتحاول تعطيه فرصه.
انا مع السيدات اللاتي يرفضن زواج الرجل من اخرى الا اذا كان عنده سبب قوي جدا جدا يعني صج تكون زوجته ماتستاهل العيشه معاها بس والله يبي يتزوج عليها عشان يحب التنوع او من النوع اللي يتحجج ويبي بس يعيش حياته وماله خلق مسئوليه, لا يبا انا اصارخ من قمة راسي لا والف لا يتزوج على واقعدله اربي اعياله واشيل مسئوليه والحبيب داير مع غيري يستانس, شبي فيه اييله بالمعروف والحجي الحلو واقوله هالمشكله ولازم نحلها والله طلع ريال وشقردي كان بها ولا اذا طلع اذن من طين واذن من ماي (يعني ماكو فايده) لا خلاص ليش اعيش بعذاب شلي يجبرني, الزم ماعلى صحتى وكرامتي
وسلامتج شكرا لج وايد

[Nathyaa]

فديتج

يعني اللي افهمه انج تطلبين الخلع منه

لان القاضي ماراح يطلقج اذا كان السبب هو زواجه من امرأه ثانيه

فتظطرين هني للخلع منه والتنازل عن حقوقج كامله

[وداد]

هههههههه عيل وين راح مكر النسا
وينج عن الايه الكريمه اللي تقول *ان كيدهن عظيم*
بلاااج يا نثيه ماتعرفين المرأه اللي تنداس واهيه تكون صاحبة حق خاصة اذا كانت امرأه بمعنى الكلمه امرأه قول وفعل امرأه اللي تنازل عنها الريال بيكون خسر الكون كله
هالنوع من النساء مو هن اللي يتنازلون عن حقوقهم ولا هن اللي يخسرون
واذا بتقولين عيل شلون ماقدرت تضبط ريلها عشان لاتوصل بهالمواصيل اقولج لكل قاعده استثناء ومع الاسف ساعات الحظ مايكون حليف الوحده (والعكس صحيح بالنسبه للرجل مع زوجته)
ساعات في شغلات تقابل الواحد يمكن مافي انسان يتخيله ولااحد يقدر يبوحه (يبوحه معناته يظهرها ولااقصد الفلم المصري بوحه)
عشان جذي انا كلامي عن المرأه صاحبة حق ولكن طبعا المرأه اللي مريضه او في عيوب او مشاكل معينه يتراوالي يكون الزواج عليها بالاتفاق انه مايظلمها ويكون عادل والا فليسرحها بالمعروف. مع اني افضل بهالحاله انها تظل معاه اذا كان خوش ريال وحقاني.
وسلامتج يالغاليه

[Nathyaa]

هههههههه عيل وين راح مكر النسا

ههههههههههههههههههههههههههههههههههه


طيب هني شنو تستفيد المرأه من الطلاق خصوصا اذا عندها اولاد

والله مسكينه المرأه

صارت مثل اللي بالعه موس

اذا بلعته جرحها واذا طلعته فضحها

اذا قبلت بالاستمرار عاشت حياتها بعذاب وغيره

واذا رفضت الاسترار هم عاشت بعذاب خصوصا اذا عندها اولاد

[وداد]

شوفي يا نثيه
الحمدلله الحياه اللي احنا نعيشها من اسمها دنيا معناته ياي من اسفل درجات الحياه واهو اقل الاماكن عشان جذي المرأه لو كانت صاحبة حق وتبي تاخذ حقها راح تكون خذت حقها بالدنيا وخلاص ومن جانب اخر لو كانت مظلومه وضعيفه وتقرر تعيش حياتها نفس ماتفضلتي تبلع موس عشان اعيالها ه موخسرانه اذا حطت في بالها انه كل شي بأجره وهالدنيا فاني وعليه بلعافيه (الريال) وعلى انا (المرأه) العافيه الاجر والثواب والاخره الطيبه.
وتري هالمصائب والبلاوي والقهر والحسره كلها نعم من سبحانه يبتلي المؤمن عشان يحصل اكبر قدر ممكن من الثواب ومسح الذنوب
فهنيئا لهم ولهن (طبعا لهم للرجال اللي ينظلمون مع نساء واكرر هالمسائل تواجه الطرفين موبس الصبايا)
شكرا لج نثيه