صينية الدجاج بالتوست .. !!! جربوها اكيد راح تعجبكم

[maryoooma]

[frame="4 80"]المقادير هي:
دجاجه مسلوقه وتقطعينها بدون العظم
جزرتين كبار مبشورات
فلفل اخضر بارد مقطع شرائح
بصله كبيره مقطعه شرائح
مكعب ماجي
ملح
فلفل اسود
فطر مقطع شرائح
توست بس تشيلين الاطراف يعني تصير بيضه كلها: بس إحتفظي بالأطراف راح نحتاجها
كريمه كي دي دي لون العلبه وردي(في كريمة المراعي بس كلش موحلوه انا جربتها حاست الطبخه
جبن مبشور أي نوع ( أنا أحط موزاريلا )
واذا تبين تحطين بقدونس كيفج
:a61:

الطريقه:
تجيبين البايركس وتتصفين قطع التوست في كل الجهات ماتخلين ولا فتحه
الدجاجه اذا سلقتيها وقطعتيها حطيها على جنب
بعدين اقلي البصل مع الفلفل الاخضر
بعدين اذا كان الزيت كثير شيلي نصه بعدين حطي فوق البصل والفلفل الأخضر الجزر المبشور والدجاجه المقطعه شرائح والفطر.. بعدين حطي مكعب ماجي وحطي ملح وفلفل أسود حسب الرغبه.. بعدين حطي فوقهم الكريمه ..
وذوقيها إذا ناقصها ملح زيدي مو تكتينه كت
ألحين إخذي خلطة الدجاج وحطيها بالبايركس فوق التوست
ألحين يجي دور أطراف التوست ( للزينه )
حطيها فوق خلطة الدجاج بالطول والعرض ( إضغطي عليها بإيدك عالخفيف )
بعدها رشي الجبن المبشور.. بعدين دخليها بالفرن من فوق بس .. لحد ما تتشقر الجبنه
وعليكم بالعافية .. [/frame]

 

 

[Nathyaa]

تسلم هالايادي ياقلبي

[maryoooma]

الله يسلمج وعليج بالف عافيه يا نثيه

[المرعب]

[frame="4 80"]المقادير هي: دجاجه مسلوقه وتقطعينها بدون العظم جزرتين كبار مبشورات فلفل اخضر بارد مقطع شرائح بصله كبيره مقطعه شرائح مكعب ماجي ملح فلفل اسود فطر مقطع شرائح توست بس تشيلين الاطراف يعني تصير بيضه كلها: بس إحتفظي بالأطراف راح نحتاجها كريمه كي دي دي لون العلبه وردي(في كريمة المراعي بس كلش موحلوه انا جربتها حاست الطبخه جبن مبشور أي نوع ( أنا أحط موزاريلا ) واذا تبين تحطين بقدونس كيفج :a61: الطريقه: تجيبين البايركس وتتصفين قطع التوست في كل الجهات ماتخلين ولا فتحه الدجاجه اذا سلقتيها وقطعتيها حطيها على جنب بعدين اقلي البصل مع الفلفل الاخضر بعدين اذا كان الزيت كثير شيلي نصه بعدين حطي فوق البصل والفلفل الأخضر الجزر المبشور والدجاجه المقطعه شرائح والفطر.. بعدين حطي مكعب ماجي وحطي ملح وفلفل أسود حسب الرغبه.. بعدين حطي فوقهم الكريمه .. وذوقيها إذا ناقصها ملح زيدي مو تكتينه كت ألحين إخذي خلطة الدجاج وحطيها بالبايركس فوق التوست ألحين يجي دور أطراف التوست ( للزينه ) حطيها فوق خلطة الدجاج بالطول والعرض ( إضغطي عليها بإيدك عالخفيف ) بعدها رشي الجبن المبشور.. بعدين دخليها بالفرن من فوق بس .. لحد ما تتشقر الجبنه وعليكم بالعافية .. [/frame]

دام انتي مسويتها شلون ماكلها
اخليالوالده تسويها
يعطيج العافية

[maryoooma]

شكرا يا المرعب على المروووور
يعطيك العافيه