كليب صايم ههههههه

[Nathyaa]

[glow1=FF3399]كليب صايم

اليوم بوريكم شي قديــــــم وحلو اهوه اسكتش صايم للفنان عبدالحسين عبدالرضا وزينب الضاحي ... صج اللي ماله اول ماله تالي ... راح تشوفون شلون الابداع كان في السابق من الكلمات والتلحين والاداء مع قلة الامكانيات ... على عكس هالوقت وجود امكانيات لكن لاوجود للقيم والابداع ... ههههه شكو القيم بالموضوع ؟؟؟؟

تعالوا نشوف الاسكتش مع الكلمات ... بالنسبه للجيل القديم واللي شايفين الاسكتش راح يغنون مع الصور اما بالنسبه للجيل الجديد واللي ماشافوا الاسكتش انصحهم بسماع الاسكتش وانا متأكده الف بالاميه انهم راح يحبونه طبعا اهيه الكلمات راح تكون شوي مو مفهومه للأخوه والاخوات العرب لكن الاكيد انها راح تكون واضحه

[


بداية الاسكتش يعني صايمين ورايحين حق مراجعاتهم عند احد الموظفين والموظف المختص مو موجود متأخر عن الزّام ومخلي الفراش يقعد مكانه ههههه

[



المراجعين : صايمينٍ صايمين ... احنا ناسٍ صايمين
من عملنا ظاهرين من عملنا ظاهرين ... لي متى احنا لي متى احنا لي متى احنا ناطرين ... صايمينٍ صايمين

[

وصل الموظف المختص وقام بحذف الفراش من على المكتب ليجلس هو




الموظف :
شنهي هاللغوه تراها ... دوختني ربربتكم لعوزتني غربلتني
شنهي هاللغوه تراها ... دوختني ربربتكم لعوزتني غربلتني
كاني حاضر عندكم واقف معاكم .... ياي اخلص شغلكم الله يهداكم
كاني حاضر عندكم واقف معاكم .... ياي اخلص شغلكم الله يهداكم
روحوا عني روحوا عني ... دندرتكم دودهتني واك واك ... دهوقتني واك واك




المراجع :
كل ذولا معاملات ... يالله خلصنا زتات
كل ذولا معاملات ... يالله خلصنا زتات




لي متى احنا صابرين لي متى احنا ناطرين صايميـــن صايمين

الموظف : ابتلشت ونخ ياعالم معاكم ... ابعدوا عن مكتبي روحوا وراكم
ابتلشت ونخ ياعالم معاكم ... ابعدوا عن مكتبي روحوا وراكم

صج انا مليت من كثر الحجي ... صج انا مليت من كٌتر الحكي ... هم انا مليت من كثر الحجي
وان صبرتوا زين والا على هواكم ... على هواكم ... على هواكم




المراجع : هاك وقع لي بروح ... تكفى ياولد الحلال

الموظف : اللي صايم روح روح .. ياولد باجر تعال




وصل احد المراجعين اللي فيه شر ويبي يتهاوش




المراجع : لي شهر وانا اتردد مالقيت الا الكلام

الموظف : ياولد اركد تهيض ذا الحجي كثره حرام



المراجع : لي شهر وانا اتردد مالقيت الا الكلام

الموظف : روح بقوم انا اتيدد احنا في شهر الصيام


يالله خلصنا ترانا مثلك احنا موظفين
يالله خلصنا ترانا مثلك احنا موظفين
يالله خلصنا ترانا مثلك احنا موظفين
يالله خلصنا ترانا مثلك احنا موظفين
صايم ماجنكم دارين ... صايم واتيون مصيفين
وخرهم ياسعيد ... صايم
خلهم عني بعيد .. صايم
وخرهم ياسعيد ... صايم
خلهم عني بعيد .. صايم
واعدهم ياسعيد باجر لاايوون مصيفين



--------------------------------------------------------------------------------
الآن نذهب لنرى مايحدث في البيت من طباخ ولويه قبل الفطور ونرى مأساة الحريم بالاكل





يقولكم اهم شي بالسالفه اهوه تقصيص البصل صج يابنات ؟؟؟




حال لسان الزوجه يقول :
انا محتاره بطلب هالزوج لصيامه ... لاصبي عندي ولا بالبيت خدامه
يبغي أمية 100 نوع مني للفطور ... هذا غير اللي يبي حق السحور
صرت انا من قرقته جني احطبة دامه جني حطبة دامه



--------------------------------------------------------------------------------


الحين نروح حق جبرة الخضره ونشوف الزوج شقاعد يسوي



انا بسوق الخضره الحين بمحي وامرد هالعشرين
أسمع ياراعي الدكان خل عيونك بالميزان




ياحمّالي شيل اغراضي ولك أميه وخمسين 150 ... شرايك ؟؟

طبعا قصده 150 فلس ها ؟ ترى كانت تسوي شغل قبل



--------------------------------------------------------------------------------


والحين رجع الزوج للبيت ومعاه الاغراض اللي اشتراهم من جبرة الخضره




وينج وينج وينج وينج ياام سهيل




الزوجه : كاني كاني كاني كاني بدار الجيل
الزوج : اخذي كل الخير يالله ولاتحتاجي الغير
قولي ياام سهيل شنهو زهبتي لليل ؟؟؟ زهبتي لليل
الزوجه : روح المطبخ روح المطبخ روح المطبخ روح وشوف اشفيه
الزوج : قولي شاللي قولي شاللي قولي شاللي شاللي شاللي شاللي سويتيه ؟
الزوجه : تشريب ومجبوس وجديرٍ محروس
تشريب ومجبوس وجديرٍ محروس

بس ؟؟؟!!! طبعا ماعجبه الزوج هالاكل يبي اكثر بعد




بس ؟؟!! بس هذا أم سهيل اكلج ؟؟؟ بس هذا أم سهيل اكلج ؟؟؟
ليش ليش ليش ليش ليش ليش ليش مانوّعتيه ؟؟؟


الزوجه :اكلك هذا مايكفيك بس اسكت الله يخليك
الزوج : اكلج لا مايكفيني كله مايترس عيني
صايم واتيوعين زوجج واكله قصرتيه هييييييييييييييييييييييييييه



قلبك يابوسهيل جاسي وصراخك دوّخ راسي
في البيت بروحي وحيده اذكر جان إنك ناسي اذكر جان انك ناسي




وين البرغل ياام سهيل والكبّه .. والتمريه ... وين الجبده المحموسه .. واللحمه المقليه
وين البرغل ياام سهيل والكبّه .. والتمريه ... وين الجبده المحموسه .. واللحمه المقليه
والجلي وصب القفشه ... والزبيديه المشويه ... والمرقوق والقبوط والمرقوق والقبوط ....
واليريشه الاصليه الاصليه الاصليه هااااااه هااااااااه



جدامك اكلك ياسعود ... بصماطك عندك ممدود
جدامك اكلك ياسعود ... بصماطك عندك ممدود




يوعان انا انا يوعااااان انا
يوعان انا انا ياام سهيــــل
مني ترى ترى منــــــــي ترا
مني ترى ترى باد الحيــــــل
يوعان انا انا يوعااااان انا
يوعان انا انا ياام سهيــــل
مني ترى ترى منــــــــي ترا
مني ترى ترى باد الحيــــــل ... باد الحيل باد الحيل باد الحيل




مسيجين يوعتـّه زوجته وعليـّه عليه مسيجين




طبع الصايم طبع الصايم طبع الصايم قبل المدفع
طبع الصايم طبع الصايم اشيجري عليها اقلها يشبع
طبع الصايم طبع الصايم طبع الصايم قبل المدفع
طبع الصايم طبع الصايم اشيجري عليها اقلها يشبع




--------------------------------------------------------------------------------



سلامتكم وتعيشون هذا كان اسكتش صايم اتمنى يكون عجبكم طبعا شي يعور القلب لما الواحد يشوف هالدرر القديمه ويتحسر على المسخره اللي تصير الحين ماكو مقارنه بين الحين وقبل الاكيد انه قبل احلى بألف مره ونصيحه للجيل اليديد انه يشوف القديم ويشوف الفرق

وعيدكم مبااااااااااااااااارك مقدما[/glow1]

 

 

[وا ســـطه]

لوووووووووووول نثيه الله يعطيج العافيه والصحه
جهودج واضحه فى المنتدى
يسلمووووو خيتو
تقبلى تحياتى...................................

[Nathyaa]

«®°·.¸.•°°·.¸¸.•°°·.¸.•°®»[glow1=FF3399]تسلم اخوي علي مروووووووووووووووووورك[/glow1]«®°·.¸.•°°·.¸¸.•°°·.¸.•°®»

[Love]

23 دقيقه قرآءه صامته والله يعطيج الف عافيه وشقول بعد يا نثيا الى الامام :)

[Nathyaa]

«®°·.¸.•°°·.¸¸.•°°·.¸.•°®»[glow1=FF3399]ههههههههههااااااااااي معلش لوف هالموضوع حطيته اول مادشيت المنتدي يعني ماكنت عارفه شي كنت قاعده اتعلم بس بفضلك وبفضل اخوي vip صرت الحين حريفه هههههههه

ميرسي علي ردودك [/glow1]«®°·.¸.•°°·.¸¸.•°°·.¸.•°®»

[Klly4you]

لا انا اسرع منك صارلي 20 دقيقه وحولت عيني بعد ههههههههههههه
مشكوره نثيه على المجهود الحلو

[Nathyaa]

يسلمووو كيلي علي المرور والله يعينك خيووووووووو