الجرح

[Nathyaa]

[frame="1 80"]



الجرح



مؤلمة هي الجروح التي لا تنسى كلنا مرّ بها

فهل ترد لجارحك جرحاً أيا كانت الجروح


وهل هذا من حقك كما ترى

أم تسامحه وهل تستطيع



أم تتركها للأيام فالأيام كفيلة

أم تنسى .....



كيف ترون ذلك



ودي اشوف تفاعلكم مع الموضوع بصدق


[/frame]

 

 

[جمايل]

صدقتي ياقلبي الجرح مر ويألم

بس له فائده عظيمه وهي تقويه

الشخص ويعطيه قوه اراده على تحديات الصعاب

[Nathyaa]

اااااااااااااااااااااخ وجم اااااااااااااااااااخ تتحمل ياقلب

حبيبة قلبي ابي انتي شنو تتصرفين اذا انجرحتي ؟؟

يسلمووووووو حبي علي هالطله

[ROLZ]

اعظم نعمة على العبد
نعمة النسيان
مهما انجرحنا لابد لنا ان ندمل الجراح ونستمر في الحياه
ومن انجرح ولم يتعلم وينهض سريعا
سيعيش ضعيفا
-
-
-
-
-
-
-
-
-
-
شاكر لج اختي نثيه طرح الموضوع

[Nathyaa]

رولز :

الحمد لله علي نعمة النسيان

وفعلا كل طيحه تخليك اقوي اقوي

بس شنو تتصرف مع من جرحك ؟؟؟

تسلم استاذي علي مرورك

[ROLZ]

اذا هو غالي حيل وزل ادمح غلطته واعطيه فرصه ثانيه
اذا هو مايسوى عندي شي يجرح والا مايجرح دربه اخضر مايشوف شر
-
:)

[albader]

بإختصار :


بعض الجروح أن جت من أغراب عادي 000 الجرح موت الجرح لا جا من أحباب

لـو كنت أنـا الغلطان ... لـو كنت بـــادي 000 مـــا طـاب لي نـوم ولا خـاطري طـاب

صــــار الأمـــل قـــدام عــيـنـي رمــادي 000 الله يـــــوم انـــه كـمـا سـهـيـل جـذاب

مــــا كـل هــمٍّ يـسـكـن الـقـلـب غـــادي 000 وراعي الهوى مـا يستر همومه ثياب

شـبـيـت نـــاري وأنـطـفـت فـي سـهادي 000 الـلـيـل نــام وطـاري الجرح مـا غـاب

(الشاعر .. عبدالاله المطرف)

الموضوع صعب وان ابحرنا فيه تذكرنا الماضى
نبى ننسى

مشكوووورة يالغالية على ابداعك

[الذهبي]

طرح يفوق الوصف

***

أنا أقول برأيي

بأنه يجب علينا عدم الإلتفات إلى الجراح فإنها لم تزيد في عمرك ولم تحل لك مشاكلك

يجب أن ندفنها ونمحي أثرها ... فالباحث عن الجراح يتلذذ في يأس الحياة .... ونحن نقول ... لا يأس مع الحياة ولا حياة مع اليأس

أدفن وإعدم أثرها وستتفوقك في مستقبلك المزدهر

**

أشكركِ غلاوية على نثر الإبداع في كل زاوية من زوايا منتدانا العزيز

أشكركِ بعنف

الذهبي

مع أطيب التمنيات ،،،

[Nathyaa]

رولز :

يعني اللي افهمه منك ان تنسي الجرح وماتعاتبه ؟؟؟

[Nathyaa]

البدر :

صح لسانك لاهنت

بس ياريت اعرف اذا انجرحت شتسوي ؟؟

هل تعاتبه او هل تنساه او شنو التصرف اللي تلجأ له

شاكره مشاركتك الغاليه