إماراتيه ـ سعودية ـ كويتية

[Nathyaa]

إماراتية - سعودية - كويتية

فرق اللغه والمعنى
v

v

v

v




الامارات .. السعوديه .. الكويت

ماي === مويه === ماي

جاهي === شاهي === جاي

ريوق === فطور === ريوق

تاير === كفر === تاير

قزوز === شكمان === قزوز

جسر === كبري=== جسر

بيض طماط === شكشوكه === بيض طماط

ييدار === جدار === طوفه

لزق === شطرطون === تيب لزاق

سكروب === سكروب === درنفيس

تنكر === وايت=== تنكر

اشحالك === كيفك === شلونك

صدق والله === بالله عليك === والله صج

موبايل === جوال === موبايل

ربيعتي === صديقتي === رفيجتي

ياختي روحي === ياشيخه روحي === يمعوده روحي

والله انك مضيعه === صدقيني انك منسمه === والله انك رايحه فيها

تصدقين اني احبها وايد === تصدقين اني احبها مره=== تصدقين اني احبها حيل


يالله عاد لا تقصرون اللي يعرف يضيف ولا يبخل علينا

 

 

[بقايا الليل]

ييدار === جدار === طوفه

ههههههه

كلمات تتشابة بين مواطنى الخليج

[Nathyaa]

تقريبا نفس اللهجه بس كلمات مختلفه شوي

يالله يا بقايا عطنا كلمات قطريه خلينا نعرف ونتعلم منك

ميرسي علي مرورك

[بنت السويدي]

لزق === شطرطون === تيب لزاق


شطرطون حلوووووووووووووووه


وايد= حيل واااااااااااااااو

[Nathyaa]

هههههههههههههههههه

نبي كلمات يديده منج يا سوسو

فديتج وفديت مرورج

[بنت السويدي]

عندج


الرمسه= الحجي

اريد+ ابغي = ابغي

شو = شنو

اشلك= انت شكو

واذا في شي بعد بزيدكم

[ملسونه وعنيده]

تسلمين والله انووووووووثه على هالموضوع


انا بزيد كم كلمه حسب خبرتي ههههههههههههههههههههههههههههههههههه


الكويت -- السعوديه -- الامارات

أبي -- ابغي -- اريد

حجي -- هرج -- رمسه

رقي -- جح -- يح

ابي انام -- ابغي ارقد -- اريد ارقد

قعدت من النوم -- صحيت من النوم -- نشيت من الرقاد

السرير -- السرير -- الشبريه

خدامه -- شغاله -- بشكاره

عندك -- عندك -- عدالك

اي -- ايوه -- هيه

=======


الكويت -- قطر -- السعوديه -- الامارات

جاي حليب == كرك = = شاهي مع حليب == كرك

زباله == كشره == زباله == كشره (( الله يكرمكم ))

الغنفه == الكنب == الكنب == الكنب << مو متأكده من اهل الامارات جذيه صح او انا غلطانه نسيت والله

السايق == الدريول == السواق == الدريول



ولي عوده لما اذكر :)

[بنت السويدي]

ماشالله عليج يا ملسونه شكلج تاخذين دروووووووس من ورانا لوووووووووول


تسلمين حبوبه


الله احلى شي الشبريه ابا انااااااااااااااااااااام :a42:

[Nathyaa]

ماشاء الله عليكم طلعتوا لغات

ههههههههههه

انا اموت واتعلم

بعد ياقلبي االلي عنده اظافه لا يحرمنا

انا في كلمه دايما تقولها سوسو وماعرف معناها

دايما اتقول نشيت

الحين عرفت معناها

يالله شدوا حيلكم

[الذهبي]

صدق والله === بالله عليك === والله صج

اي والله صاجة

**

الكويت -- قطر -- السعوديه -- الامارات

جاي حليب == كرك = = شاهي مع حليب == كرك


ههههههههههههههههههههههههههههههههههههههههههههههههههههههههههههههههههه

أنا أبي أعرف من وين عرفتي هالشغلات

بس حلوة الكرك ههههههههههههههههههههه عجيبه

تسلمين يانثيه على الموضوع الزقرتي وربي