قلت وقالت

[القلب الكبير]

[align=center]قلت وقالت



كل البشر في صوب وهالبنت في صوب

الكامل الله كامله ماتعابــــــــي



ترفه وهي تمشي مسافات ودروب

في عز رحلات الشقا والعذابي



لامن مشت في يدها تسحب الثوب

كل يناديها وهي تقول مابي



من الدلع سميتها شيخة العوب

حتى دلعها منحني له عجابي



لحقتها والهرج زاهب ومكتوب

لأي موقف كنت عامل حسابي



قلت السلام وردت بإيش مطلوب

قلت الخفوق بخفة الدم ذابي



قالت وش اللي حدك لناري تذوب

قلت المشاعر ماعليها عتابي



قالت تمثل دور عاشق ومحبوب

قلت الحقيقه افتديك بشبابي



قالت اخيرا الحب ناهب ومنهوب

قلت انهبيني قبل لانقل صوابي



قالت متى تكبر عن الحب وتتوب

قلت الخبل من شاف زينك وتابي



قالت صراحه ماتوقعتك اسلوب

قلت افهم انك معجبه في جوابي



فجأه عرض لي واحد عرضة خروب

سلم علي وخاطر البنت طابي



جاني مطفي ضارب فياض وشطوب

ومن قو عينه قال يامرحبا بي



واخذ يسولف لي وانا فيه مغصوب

يسأل عن احوالي وسبة غيابي



مايدري انه بعرضته كسر قلوب

لا واعذابي منه لا واعذابي



رقد على كبدي وانا بوقت محسوب

البنت راحت والرجاء منه خابي



وقفت عاجز كــني انسان مغلوب

من قرد حظي كل هذا جرى لي



اتلى عهدها تلتفت لفت رعبوب

مالله كتبها قسمه في كتابي



أقفت تمشي في مسافات ودروب

قلبي يناديها وهي تقول مابي


القلب الكبير[/align]

 

 

[Nathyaa]

هههههههههههههههههههههههههااي

حسبي الله عليه جانه رز ويهه ونحش البنت

مسكين حصل له سب سنه بساعه

والله انا اقرا الابيات واسبه بقلبي صج مو وقته رزت ويهه

يسلمووو يا كبير

بصراحه روعه روعه روعه

هذا الشي مو غريب عليك الابداع

بس اقولك شي

احمد ربك ان هالريال تعرض طريقك علشان تمشي البنت وماتتولع فيها اكثر وتحبها

لان مثلك عارف شنو نهاية الحب

فرب ضارة نافعه

يسلمووو يا كبير

[القلب الكبير]

نثيه الحنونه

ردودك تخلق فيني الأبتسامه الله لايحرمني منك

اعتز برأيك ولكن !!!

كيف الحياة تصير من غير الحب عادي

مالها لون ولاطعم لونها رمادي وحلو الحياة تكون فيها كل الألوان

تشوفينها وتحسين بجمالها

نثيه الغاليه

هل كل الورد له ريحه حلوه طبعا لا

فيختلف فيه ورد له ريحه حلوه وورد له ريحه حلوه بس موقويه وورد بدون ريحه وورد له ريحه قبيحه

فكذلك الحب يتنوع ويتقدر على حسب الشخص الي نختاره

الأصابع في الأيدين الواحده ماهي سوا

والحب اذا جاء ماينتظرراي الأخر ولا وصيه فهو الشي الوحيد الي يدخل من غير استئذان

صدقني هو اسمى شي في الدنيا

احساسه غير وشعوره غريب بس حلو

وما اجمل من احساس انسان يكون غرقان حب ووناسه

ولا انسان عايش من غير شعور الحب اعتقد انه فيه نوع من الجفى

والحرمان

نثيه الحب الناس تحتاجه وهو مايحتاجنا

الحب هو نبض القلوب من جربه لازم يدوخ هذا هو الحب الصحيح اما كذا ولا بلاش

بس الأختيار ثم الأختيار والمشكله مو الأختيار الى العين والقلب

والموضوع اصلا مو بكيفك والله اذا جاء انك تفزين له اقصد الحب من غير شعور

[Nathyaa]

اكيد الحب اذا دخل محد يقدر يرده

بس في شغله علي كل شخص انه يسويها

يحط كنترول علي نفسه او يخلي له خط تراجع

وهذي ابسط انواع الحمايه

كيف الحياة تصير من غير الحب عادي مالها لون ولاطعم لونها رمادي وحلو الحياة تكون فيها كل الألوان

انا افضل حياتي تصير باللون الرمادي افضل من اللون الاسود

مافي قصة حب استمرت الي النهايه لابد وان يأتي الجرح والغدر في نهاية العلاقه

والعيب مو من الحب

العيب من البشر اللي حولوا معني الحب الي مصالح للاسف

بصراحه تسعدني المناقشه معاك

دمت لنا سالم معافا

[القلب الكبير]

سعد ت بتواصلك ياروح المنتدى

[نوووف]

تسلم يالقلب الكبير وصح السانك ولاهنت وسلمت اناملك


رووووووووووووعه القصيدة وحسيت فيها كثير.على فكرة القصيدة قريتها لامي

وتقوول عزالله انه شاعر وصح الساااانه ولاهان اتمنى لك دوام الصحه والعافيه وانك ماتحرمنا من جديدك


أختك نوووووووووووووف

سحـــــ نجـــــــــدّيه ــــــاايب

[القلب الكبير]

نوووف الغاليه

تسلمي وتسلم والدتك وعساها دوم بصحه وعافيه والله يخليها لك وارجوك بلغيها سلامي وتحياتي

شكرا لك ماتوفيك حقك وياليت عندي اكبر منها لقدمتها لك هديه لشعورك الأخوي الحنون

[نوووف]

الله يسلمك ياخوي الغالي القلب الكبير


وفعلا اسم على مسمى ,والله يسلمك من كل شر وهي بعد تسلم عليك

وتدعي لك بالتوفيق


وشووفتكم وشوف جديدك اكبر هديه عندي ياخوي


ودمت لغالينك

[القلب الكبير]

الله لا يحرمنا منك

[MillaN]

صح السانك فديتك وفديت اسمك يا القلب الكبير