| الرئيسية | الشروط والقوانين | سياسة الخصوصية | اتصل بنا | الأرشيف | RSS |
|
 |
|
|
يمنع منعا باتا طرح موضوع إعلاني دون مخاطبة الأدارة |
|
|||||||
| منـتدى الشعـر وهمـس القـوافـي كل مايخص الشعر والأدب العربي العام , الجاهلي والحديث |
|
|
أدوات الموضوع |
|
#1
05-11-2006, 03:43 AM
|
||||
|
||||
][ ثــَِـلآثَ سـَِـنَيَنـَ ][
][ ثلاث سنين ][ ثلاث سنين انا اخطط لهذا اليوم ياأبو سعود تيسْر حالي وجاهز أوفـّي وعدي بوقته وفجأه جتني تتعذر تقول تأخرت الوعود وأنا مستغرب واسمع كأني وعدها خنته حسبت انها تمازحني وتتصنع جفاء وصدود ضحكت بوجهها من قلب مع انها بايخه النكته وقالت : إرضى بالواقع , قلبي ماهو المعهود. . تغير كل شيء صوبك , نصيبي ما أظن انتا كنت بيوم محبوبي .. ولكن ماأظن نعود وصل من قبل ماتوصل , وأنا ذاك الصبر عفته ولكن تكفى صدقني ويشهد ربي المعبود ترى ماخنتك بغفله , ولا كلمته وشفته صراحه / اهلي قالوا لي بأنه ولد أصل وجود وجتني أمه بالصوره , وبكلمات المدح أخته سْكتّ وقلت هي فرصه مادام الجود في الموجود وقالوا كل من حولي .. علامات الرضى سكته وأنا فكرت دام أمه وأخته ماعليهم زود اكيد إني بأراضيهم إذا وافقت واخترته وأراضي اهلي وأخواني مادام إن الفرح مقصود عطيت الناس انا كلمه ومعاهم وقتي حددته ولا أقدر اغيرها .. ترى عند العرب منقود أوافق واعتذر باكر واقول الرأي غيرته ؟؟؟ ... تبي تشرح لي المنقود !!! , تصدق عاد ياأبو سعود تبيني اقتنع وأرضى بحالٍ عمري ماعشته ... انا ماني بقايلها عسى يفرش ثراها ورود بعد ماحطمت قلبي وطعم الموت جربته عسى بفستانها اشواك وفي ثوبه عقارب سود ونارٍ تحرق الكوشه , وتحرق بيتهم حتى وموتٍ بليلة الدخله يبرد حرتي ياكود ولا أحس انها بحضنه يلامس خد لامسته عليّ أهون إذا ماتوا .. ولا بنفس السرير رقود ترى صعبٍ علي اتخيل اللي ماتخيلته عسى قاع الثرى يقسى ويتحول صخر جلمود وحفار القبر يرفض يسوي فوق مقدرته ترى دفنت عديم الذات تلوع حتى كبد الدود ومن خان العهود ومات تعافه حتى مقبرته عسى ربي يجازيهم بحبلٍ من مسد ممدود يعلقهم من أطرافه وفوقه نارٍ وتحته انا ماني حقود وشين .. ولاني من نسل نمرود ومن حط نفسه بوضعي بيقول اللي انا قلته مادام الفعل له ردة فعل , والله ابشري بردود بدعي دامني حي , وبأغرس للدعاء نبته وبسقيها نزيف القلب ودمعٍ مارحم الخدود وتكبر والثمر ثاري من اللي خانني وخنته انا نذرٍ عليّ اكتب وافجر هالقصيد رعود واسمّع كل بشر صوتي , عجبته وإلا زعلته وأردد للي يسمعني (إذا حبيت حط حدود) انا حبيت دون حدود وشوف اللي تكبدته ثلاث سنين انا ابني وجت صوره بكل برود خذت مني شقى عمري وحلمٍ قلت حققته ثلاث سنين انا اخطط لهذا اليوم ياأبو سعود وتوافق من كلام أخته , وصوره أربعه في سته !!! م ن ق و ل
|
|
05-11-2006, 04:03 AM
|
رقم المشاركة : 2 | |
|
يسلمووو على المشاركة :) |
|
|
06-11-2006, 07:22 PM
|
رقم المشاركة : 4 | |
|
نورت متصفحي اخوي ،، |
|
|
06-11-2006, 07:32 PM
|
رقم المشاركة : 6 | |
|
|
صح بدنكـ اسعدني تواجدكـ يالرائعه |
|
|
06-11-2006, 07:34 PM
|
رقم المشاركة : 7 | |
|
|
شرفني تواجدكـ ،، |
|
|
07-11-2006, 09:49 AM
|
رقم المشاركة : 8 | |
|
اختيار راائع |
|
|
10-11-2006, 06:53 PM
|
رقم المشاركة : 10 | |
|
|
الله يسلمكـ مروركـ اروع ياقلبي |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
الساعة الآن 08:52 AM
|
