عيب عليكم يابنات الكويت والله عيب عليكم للاسف

[Nathyaa]

" هنا يستنكر الشباب الرياض الكويتي الغيور على دينه وأخلاقه , والغيور على الأخلاق الإسلامية الشرعية , والغيور على الأخلاق الإسلامية ما قامت به بعض المراهقات والفتيات في مباراة البرازيل والكويت في الكويت امس من تشجيع لمنتخب البرازيل ضد الكويت !!! من اجل احد اللاعبين ( كاكا المغرور الحقير الذي اهان احد لاعبي الكويت بعد ناية المباراة اثناء تبادل الفانيلات فرفض إهائه الفانية وإحتقره )) ,

اقول يا بنات الكويت : الناس شافوكم بالتلفزيون وفي الملعب , اللي سويتوه عيب عيب عيب ,, راح الدين وراحت الوطنية وراحت الأخلاق افسلامية والحياء ؟؟ عيب يا بنات , وارفق تعليقات الشباب الرياض بالكويت




أنا ماراح أتكلم كثيرا عن المباراة (الكويتي-البرازيل) هزيمة عادية ويعطيهم العافية لاعبي الكويتي ((وكنت أتمنى أن لايشارك نجوم الأنديه بنادي الكويت فى هالمباراة)) لانه السبب واضح غير متجانسين وغير متفاهمين تماما

عالعموم راح أتكلم عن الجمهور النسائي الكويتي اللى حضر المباراة

ياخواني بكل بقعه بالأرض وبكل دولة بالعالم لابد الجمهور يشجع فريقه الوطني مهما كان السبب وحتى لو كان ضعيف على الأقل يرفع من الروح المعنويه ((خصوصا عنده مبارايات خارجية مهمه))

لكن اللى حصل اليوم شئ مخزي وعار على الكرة الكويتية

الكل شاهد وسمع (طوال 92 دقيقة) البنات يصارخون ((واااي كاكا)) ((كاكااا كاااكاااا)) ((والكلمات السخيفه ماله داعي اذكرها أظن الكل سمعها)) وبصرخات هستيريه يعني والله لو مارادونا على ايام عزه ماحصل هالشئ

وخصوصا بعد الهدف اللى سجله كاكا البنات قاموا يرقصون ويصرخون ((يعني حتى لو سجل الكويت ماراح يسوون هالأحتفال بالهدف))

هل تغلب التشجيع (الذاتي والأعمى) على الروح الوطنية ؟

بغض النظر سواء انت قدساوي او عرباوي متعصب هذا ماله علاقه نهائيا (لو نادي الفحيحيل) يلعب اكيد بنكون معه قلبا وقالبا لانه بالأخير يمثل الكرة الكويتية ولا يسعني إلا أن أقول وداعاً للعادات والتقاليد الأسلاميه

وداعاً للأخلاق الفاضله

وداعاً للرجولة اللتي سمحت لمثل المراهقات بالخروج من البيت والذهاب للملعب

وداعاً للأمومه اللتى سمحت ببناتهن بالخروج للملعب والرقص والهز والصراخ الهستيري ((حتى بالتلفزيون الواحد ينفجر اذنه من كثر الصراخ البناتي))

ياخواني نفترض أن المنتخب الأفغاني يلعب ضد البرازيل الجمهور الأفغاني بكل تأكيد سيقف خلف منتخب بلاده مهما كان الأمر ((واهو عارف انه منتخب بلاده ماراح يقدم شئ))

وفريق الكرامة السوري ؟ صحيح سوريا عندها حريه أكثر من الكويت ولكن هل تتوقعون ان يفعل الجمهور النسائي السوري مثل مافعله اليوم الجمهور النسائي الكويتي ؟ أستحاله

من كان يتوقع الكرامة يهزم الأتحاد السعودي ب 4 مقابل لا شئ ؟ الفوز اتى الله ثم جمهورهم لدرجه ان حكم المباراة بدأ يعطي قرارات عسكية لمصلحة الكرامة بسبب الجمهور والتشجيع الرجولي اللى فجر الملعب كله

منتخب أوزباكستان المعروف انه ماينهزم على ارضه ماهما كان خصمه وهذا بفضل من ؟ جمهوره اللذي يهز أركان الملعب ويرعب الخصم مهما كان سواء نادي اوزبكي او حتى المنتخب نفسه

بصراحه شئ مأسف اللى شفته اليوم الجمهور الكويتي كله لابس أصفر ؟ الله واكبر الحين عارفين انها مباراة ودية ولكن ياخوان هذي مباراة ستكون خالدة في أذهان كل مواطن كويتي وبالطبع دخلت من ظمن التاريخ الكويتي

شاهدنا مباريات كثيرة مع المنتخبات الخليجية (قطر-الأرجنتين) (الأمارات-البرازيل) وغيرها الكثير ياخي شفنا الجمهور واقف خلف منتخب بلادهم ويشجعونه ومافي سالفه البنات هذي ورأصني ياقدع وكلام فاضي واصراخ وماني عارف شنو

هل تغلب التشجيع الذاتي على الروح الوطنية ؟ لهذي الدرجه وصلوا من السخافه ؟

واللى يبط جبدي سالفه البنات اللى يصيحون (لو واحد خاطفها) ماكان صاحت كثر هالصيحات هذي نهائيا

يعني اوكي قلتي كاكا

والريال ماهو داري عن ويهج ولا هو ملتفت ورى نهائيا

صرختي وصرختي واللى قاعدين جنبج اكيد جاهم جلطه بالأذن ادري معمرها صارت جلطة بالأذن لكن بعد اللى حصل

اكيد بتكتشفون هالمرض هذا ((الجلطه الأذنيه)) حالها من حال أنفلوزا الطيور وجنون البقر وألخ يعني مادري شنو اللى تبي توصله ؟

لا رقم ولا ايميل ولا كلام ولا حتى نظره إين العادات والأخلاق الأسلاميه الحميده

إين عزه النفس إين الكرامه

هل وصلت درجة سخافه البنات لهذي االمستوى ؟ الفاضح والمحزن ؟

ومع هذا شفتوا حركة كاكا باللاعب القدير الخلوق جراح العتيقي ؟

يبي يسلم عليه ويبي يبدل الفانيله وكاكا رافع الخشم ونظره استحقار وعطاه بلوك وتجاهل وطاف تماما الله يستر من الجاي

والله يا اخوي كلامك عين العقل بس اذا لم تستحي افعل ما شئت وشنو نسوي اذا منعوهم قالو متخلفين واذا خلوهم سووو الي قلت عنه كله عموما المبارات راحت بحلوها ومرها وبعضهم لبسهم مو محتشم أول ما شفتهم حسبالي برازيليات اطلعو كويتيات ! الحضور أغلبه من البنات ! وين راحو الشباب انقرضو ! وين تبون الله يوفقنا بشي ! والله معاك حق بكل كلمه قلتها مانرفزني بالمباراه ألا هالأشكال اللي حاضره أصلا مالها داعي حضور النساء للمباريات اووكي بتحضرون حضروا بس بليز تستروا وين قاعدين انتوا بامريكا والله استغربت وانا اطالع اللقطات اللي يحطها المخرج للبنات ومن كثر ماني متفاجاه أقول لخواتي مستحيل هذول كويتيات .؟؟ شنو هذا وين الحيا شهالصراخ هذا يا مال القصم الشرهه على أهاليهم والله .. هذا مستوى بعض البنات الى يروحون الملاعب بعد شبيدك تسوي خلوها مستوره لا تحتر يا اخوي لانك مثل ما يقولون تنفخ بجربه مقضوضه ملاحظه: التشجيع اليوم صفر على الشمال صراحه يفشل ......... الحين يتهمونك انك رجعي و غير متفتح وضد حقوق المرأه والمساواه وحقوق الإنسان والحيوان ! طز بالإنفتاح اذا كان جذي .. انا استغرب في بنت ما تحب الاحتشام !! ليش تقلل من كرامتها و تستحقر نفسها !! زمن اغبر قواك الله على الموضوع . فعلا عندنا بالجمهور ماكو حياء لبعض السيدات والبنات لابد يكون التشجيع فيه احترام الشهر الفضيل لكن نقول لاحول ولاقوة الابالله العظيم لتكون صورتنا اللتى تنقل على الفظائيات محترمه مع الاسف ....؟ قمـة المصخرة .. فعـلا ً قمة المصخره .. ما قمنا نفرق بين الكويتيات و الاجنبيات .. إن لم تستحي فأفعل ما شئت !! وبعدين اهي حبكت على كاكا والمباراة؟ هالاشكال يهمها الشكل سواء كان لاعب او مغني او ممثل بس مع احترامي لهم وهؤلاء عددهم لاباس به لانقص على نفسنا ونقول قلة بس ماننكر في عوايل كانت محترمة والله يستر عليهم كلهم بس الوضع شوي كان مسخرة يعني ماله داعي هالبنات اللي يصارخون يكونون "خفاف" جذي لانها موحلوة بسمعة البنت مادري هالشي حاصل بس بالكويت؟ مادري عمري ماشفت او سمعت مدريديات او انجليزيات مشجعات يصارخون بإسم بيكهام ولا اوين، مع انهم فري اكثر بس شي غريب الوضع وعندنا صراحة وبعدين كل هذول اللي ينادون كاكا اخاف بس يايين عشان المباراة ولا يستمتعون بالسحرة؟ هذول تلقا مايعرفون شي اسمه اوف سايد يايين عشان اللي خبري خبرك والله يستر عليهم وياليت ينظبطون شوي لاسيما احنا بهالشهر الفضيل اا بالتلفزيون وبطوو اذني!! الله يعين الي يمهم!! شنو قله هالحياا..!! منااقز..جدام الكاميرة وصراااخ...!! المشكله لو تسألهم كاكا اي نادي يلعب ..مايدرون! الي يعروفونه ان احلى واحد في البرازيل!! وين الحيا ابي افهم! واحنا بشهر فضيل..الناس توها طالعه من التروايح ..وهذوول صراخ..ومناقز!! انا بـقول شغله وحده .. الشرهه مو عليهم لانهم مراهقات وطايشات الشرهه والله على الرجال اللي وراهم .. انت يالابو انت يالاخو ما تشـوف اختك شلابسه ووين رايحه ؟ مكان كـله رجال شموديها ؟ والا انتـي يالام ما تقدرين تقولين لبنتج قعدي ؟ اعتقد اذا بتتلكم لاتتكلم عن المباريات وحضور البنات فيها .. لان هذا نتاج الي بالسوقه يفترون ..هذا نتيجـة لكـل " انفصاخ " اقصد الانفتاح الي حاصل .. والي تصايح بالملعب انا ورا التلفزيون اسمعهم اوكي درينا تحبيـن كاكا تصارخين ليش ؟؟ للاسف الحيـاء راح من البعض ............... فعلا شيء مخزي لكن ان كان رب البيت بالدف ضاربااا ............... اخوي العزيز والله سمعناهم وشفناهم واشوى اني في المدرج المقابل كان فيه مثل هالنوعيه بس ارحم من اللي في الدرجه الاولى وللاسف يا ليت صرااخ بس لبس غير محتشم وعين قوووي الله يستر على اهالينا بس

 

 

[ac_milan]

الله يستر بناتنا والله فشلونا شنو يقولون عنه شوف بنات لكويت شنو يسووون

[الفيلسوفه]

لوووووووووووووووووووووووووووووووووووووووووووووووول

اصلا نادي الكويت يابو البرازيل عشان الناس تبي هالمنتخب فاكيد الجمهور بيون

المباراه عشان يشوفونهم ويشجعونهم فاكيد بيلبسون اصفر

وعلى سالفة البنات وكاكا لووووووووووووووووووول والله من حقهم شحلاته ويلعب

جبالهم وصراحه كان موقفه خايس مع جراح بس كيفه شنسويله مو غصب يعطيه
بلوزته

[مجرمة قديمة]

فشلونا :(:(

يسلمووو نثيه للموضوع

[OK]

أستغفر الله .. شفيهم تقول مو شايفين حلوين بالديره :)

بس صج فضيحه ... لا وعلى الهواء الكل شاف

يسلمؤؤؤؤؤؤؤ ع الموضوع

[عادل ابو الهنا]

عيب والله اخوتى مع انى لم اشاهد المباراه ولكنه تقليد اعمى للغرب

[Nathyaa]

الف شكر للتواصل الرائع

[بنت^جابر]

خخخخخخ
مرض البنات
صج ان اهوا حلوو واينن بس والله ما يصك على جمال شباب الكويت كل واحد احلى من الثاني
وسمر وبيض وخوال بس كلهم يهبلون احلى منه ومن اشكاله

وعلى البلوزات حرام لا تظلمونهم كانوا ثلاث ترباع الجمهور لابس ابيض
اما قليل الي لابس اصفر فلا تظلمونهم

يسلمووو نثيه :)

[مودي الحساس]

اف حده فشلوووونا شبقوولوون عنهم ..

صراحتا بنات الكويت صارو اللهم يكافو ولا فيهم ذرة ثقل ..

بالله الصراخ اللي سووه جنه عزه ..



وسوري اكمل كلامي بعدين تسلمين نثيه حبيبتي ..

[أحلى^بنوتة]

صح كلامج بنوتة جابر "كاكا" ما يصك على جمال شباب الكويت كل واحد احلى من الثاني
صج فشلونة
"؟..,}(جذي يابنات الكويت جذي){,..؟"

مشكورة يانثية ع الموضوع