[FRAME="7 10"]اول شئ السلام على الجميع.
بعد اجازه شهر حاولة ادور موضوع يسوى ولا أحد سبقني له وبما اني تو راجع من اجازه برا المملكه شفت فيها العجايب من تصرفات ربعنا حولت اختصرها لكم في بعض المشاهد اللي مرة علي في هالسفره او السفرات اللي راحت (مسوي راعي سفرات)
المشهد الأول
ثلاثة شباب واقفين عند شباك الحجوزات في مطار الملك خالد ويسالون الموظف اقرب حجز ok على وين
الموظف : اقرب حجز فيه رحلة (مانيلا .براغ.تيبيه. بوخارست)
واحد من الشباب :وهذي كلها وين فيه
الموظف :لاتعطلني وراك ناس قلي وين بتروح واحجزلك
الشاب يشاور ربعه: عيال مانيلا اسمها حلو ولو اني ما ادري وينها فيه قدام عيال
الشباب : قدام ابو عجب
وانت واقف تتفرج يمر من جنبك ولد وسيم من نفس الفصيله اللي بتروح مانيلا وهو يكلم خويه على السبيكر
يقول لخويه:والله ابد ابو نايف طالع جاكرته
ابونايف:اخس يا الزاحف خربته لاندونيسيا
الوسيم:لا يابونايف ماهي اندونيسيا اقولك جاكرته
سلملي على مدرسين الجغرافيا والمناهج
المشهد الثاني
المكان/ بيروت . مطل الروشه
الزمن / اي يوم في الاجازه بعد العصر (الكلام قبل الحرب)
المتواجدون/ اغلبهم خليجيين والسيارات لوحاتها سعوديه وبرقام مميزه كانك فالتحلية
والشغله قالبه ترقيم ومضربات وهياط بين بناتنا وعيالنا اللي كل واحد ماخذ معه اثنين خوال ومسوي شيخ
المشهد الثالث
في كابريه على طريق التل في الشام 8 شباب على طاوله وحده وكلهم خارج التغطيه واشكالهم تقول انهم طالعين قطه من سرقة الأسطوانات او نشل جوالات
وهات ياتنقيط وعيد في (فوق هام السحب) يصير ما قدامك الا تقوم تحيي السنغال .الهند.موزنبيق او حتى اسرائيل اهم ما تكون سعودي
المشهد الرابع
في الغردقه او شرم الشيخ لان نفس المشهد متكرر كثر
شاب سعودي عضلات جالس على البحر قدام الشاليه حقهم وبنات لبسات من غير هدوم يسبحن او جالسات على الشاطئ.
وكل ما قرب احد شكله يعطي سعودي نط في حلقه قال ايش لا تناظر محارمنا
يبلغ
المشاهد كثيره لكن ما ابغى اطول
المشهد الاخير
رحلة الخطوط السعودية القادمة من باريس والمتجهه الى جدة
الطائره مليانه بنات شقر وعيون زرقوالملابس قطعتين بس وحده على الصدر واثانيه تحت اشوي وانت تقول في نفسك كل ها الخوجات ناصين ديرتنا ماشاء الله
اعزي المسافرين ارجاء العوده الى مقاعدكم وربط احزمة السلامه
بعد الاعلان وفجاة تقلب الطائره ظلماء من كثر العبايات طلعن تبعنا
في النهايه ما اقول اني انا مثالي والا احسن من غيري لكن احاول ما اسي لنفسي وللبلد اللي انتمي له
منقوووووووووووووووووول[/FRAME]
22-08-2006, 12:10 PM
شوفوا ربعنا برا كيف حالهم
المواضيع المتشابهه
