بسم الله الرحمن الرحيم
ححكيلكم قصه واقعيه حصلت لي اناواهلي
صدقوني ما راح انسي ذاك اليوم اللي كنا حنروح في خبر كان
بتاريخ 8/6/1426هـ يوم الثلاثاء ونشر الخبر في جريده عكاظ يوم الخميس
المهم اقولكم القصه............
ذاك اليوم كان من اوله نحس
نحنا عائله مكونه من 3 اولاد و5 بنات ومعانا عمي واولاده السته كنا رايحين لد يره في الطايف اسمها (.....)
اول ما قمنا من النوم راحت اختي (ن) واختي(ش) للكليه علشان يسجلون فيها ونلطعوا من الساعه8 الصباح الى الساعه 3 العصر وما قبلوها ولا في اي قسم الا اللغه العربيه اللي تكرهها اختي (ن) كره العمى ولكن دخلت وقالت ححول بعد ترم
ونحنا قاعدين في البيت مقطوعه عننا الكهرباء وانتوا عارفين جو جده
المهم خرجنا من البيت الساعه 5 العصر وسلمنا على اخوي لانه ماراح يروح معنا حيبقي بسبب عمله سلمنا عليه ولاول مرة ضميناه ؟؟؟؟؟؟؟؟؟؟؟
ركبنا السياره وكل العده انقسمنا قسمين اللي مع عمى واللي مع ابوي
انا واخواتي (غ)و(د) واخواني (ع) و(ح) ومعانا عمي (ع) وطبعا ابوي وامي والباقبين مع عمي ......... اول ما ركب ابوي السياره كان معصب وقال: شكله ماراح يعدي هذا اليوم على خير .. الله يستر بس..
مشينا وطلعنا من جده ووصلنا لمنطقه اسمها (....).. وقبل ما ندخلها كنا نتكلم عن الجنون بسم الله علينا كان عمى يحكيلنا عنهم .................
على كره ابوي خبير براري ... المهم ماندري كيف لف ابوي مع لفه مهي اللفه اللي تودينا الديره لكن عمي ما قال شئ بس قال : شكله عنده طريف مختصر وجا ورانا ساق ابوي السياره بسرعه جنونيه في البر
ونحنا نصيح عليه ولا يرد علينا وكان ماسك الدركسون بكل قوته لدرجه ان عروق يدينه كانت طالعه من القوة اللي شاد فيها مشينا حتي وقفنا ودخنت السياره في وسط البر الدنيا ليل الساعه تسعه ونص وظلام دامس
قالت اختي(د): خلونا نصلي العشاء ونقعد شوي ان شاء الله تمر سياره ونشوف احنا فين ......
طبعا ً نحنا متعودين على طلعات البر .. قال اخوي(ع) : اعتبروها رحله
ضحكنا شوي ................
صارت الساعه 10 وبعدين 11 وبعدين 12 ومحد جانا ( نحسبنا على طريق )
صاحت اختي (ن) : اف كل هذا وما فقدونا والله ما يستحون ..
خليني اقولكم ويش صار مع عمى طبعا ً جو ورانا لكنهم غرزو في نص الطريق نزولو ا تحفرون على امل تطلع السياره وبعد ساعتين لقط الجوال برج وقدرو يدقوا على اهلنا ويقولونهم على انهم مغرزين وجوهم وساعدهم الدفاع المدني وراحوا يحسبونا قدامهم .... ما دروا انا اعبر منهم ,,
ارجع لنا ذ لحين ...... جات الساعه وحده الليل نحنا على اعصابنا اخوي (ح) الصغير نام من كثره الخوف وامي بس تبكي وتمسح دموعها علشان ما نشوفها تبكي.. وعمي وابوي واخوي(ع) راكبين فوق السياره على امل يشوفوا اي سياره ماره......... لكن لا حياه لمن تنادي......... شوي جاتنا سياره فيها خمسه شباب عربجيين ( عقلهم مدخلينها وسط روسهم والشنب شئ خيالي) .. يوم شافهم ابوي طلع الحدايد من تحت مرتبه السياره واعطا عمي واخوي كل واحد منهم عصى .. استغرب ابوي طلب هذولا الشباب تخيلوا كانوا يدورون على حفله في هذي الصحراء قالهم ابوي انه ما يعرف هذي المنطقه ولا يدري ان فيها سكان بعدين راحوا يادوب مشو اختفوا ... امي وابوي يوم شافوهم قالوا .معانا بنات مشكله !!!!!!!!!!
قام ابوي دخلني جو السياره وجاب الاغراض اللي في صندوق السياره عندي ( تري السياره هايلكس) وركب اخواتي(د)و(غ) في الصندوق وحط عليهم الفرشه علشان يغطيهم اذا جاء احد ..
وطبعا ً عمي واخواتي وكل اهلنا ينتضرونا على احر من الجمر جات الساعه 3 الفجر ومحد لقانا والله ما قصر الدفاع المدني دور علينا لكن بلا فائده .. اخواتي وخالاتي وعماتي قاعدين يبكون ويدعون ربي يرجعنا بالسلامه جاهم عمي قال مالقيناهم قالت اختي (ن) : يعني انشقت الارض وبلعتهم وين راحوا .. وقعدوا يبكون ...طبعا ً اكثر من صلى ودعا جداتي ام امي مستقبله القبله وتصلي وتدعي اما ام ابوي طلعت تجري في الشارع وتقول : ودوني محل مالفوا وانا بروح ادورهم بنفسي ......
واخوي اللي في جده قالوه الساعه3 طبعا ً اخوي قعد يبكي ويقول: اهلي دوبهم كانوا عندي يعني ما راح اشوفهم مره ثانيه . ولو ان ولد عمي ما كان معه يهديه ويصبره لكن انجن اخوي ..(صعب الاحساس فقط بفقدان الاهل)
مرت الساعات ونحنا ننتضر احد يجينا .. انا وامي كنا داخل السياره كنا نطالع في ناس .. وجمال.. ووخيام .. ونطالع في بعضنا بنضرات رعب وخوف.. اما اختي (غ) فكانت في قمه الرعب والخوف .. اذن الفجر طبعا ما سمعناه لكن خمنا لان الساعه جات 5 الفجر صلينا ونحنا في حاله يرثا لها طلعت الشمس المكان صحراء خاليه من كل شئ حتى النباتات صحراء على مد النظرطالعنا انا وامي في بعض وقلنا فين الجمال والخيام والناس اللي كانوا هنا الرصيف بعيد عنا ربي رزقنا بواحد بدوي كان مار بسيارته رايح شافنا ماقصر حا ول يساعدنا لكن ما قدر بس اعطيناه رقم عمي وقلناله دق عليه وقله عن مكانا راح عند محطه للبنزين يعني صغيره نزل الرجال من السياره على اساس يروح يدق على الرقم اللي اعطاه اياه ابوي راح الرجال فجاه مسكه خالي يساله عنا قال له : اخوي لوسمحت ما شفت هايلكس مغرزه وانت جاي قاله انت فلان بن فلان قال لا بس اعرفه قال اجل وصلت ربعك عانهم في المكان الفلاني جو ولله الحمد طلعونا وودونا البيت وكاتن هذيك المره اول مرة اشوف ابوي يبكي بهذي الطريقه
رجعنا اليبت مهلوكين تعبانين وبقين اثار هذي الرحله فينا اسبوع كامل وسولنا عشاء كبير بمناسبه رجوعنا بالسلامه
..........................................................................................
والحمد الله على سلامتنا
تخيلوا انفسكم 7 ساعات في صحراء خاليه
31-07-2006, 09:09 AM
يوم لا ينتسى في حياتي
المواضيع المتشابهه
