[align=center]هذا كان فيه واحد شمالي شاعر كان يحب له وحده حب خيالي قوي وانعرف بحبها وكانوا متفقين يتزوجون بس
للأسف مالله قسم ولا تزوجوا. و زوجوها اهلها واحد ثاني غيره ..
وراحت سنين وانقطعت علومها وهو كان يدرس وتخرج وعينوه بديره بعيد وراح الرجال وداوم
واول يوم دخل الصف ثاني ابتدائي اللي كان يدرسه وهو يشوف كل الأطفال يتليقفون ويلعبون الاواحد
شد انتباهه جالس لحاله وهادي ومؤدب .. من ناظر له الأستاذ الشمالي اعطاه نظره وابتسم له يوم شافه الأستاذ
ابتسم وناداه وسأله عن اسمه قال انا فلان بن فلان
وهذي كانت المفاجأه قال الأستاذ امك فلانه ؟؟؟
قال ايه
طلعت الحبيبه السابقه
سبحان الله عمر ولدها سبع سنين وتذكر الأستاذ الماضي وهلت عبرته وحضن الولد وكتب له هذيك القصيده
الراااااااائعه واعطاه قال ودها لامك
والقصيده كانت تقول:
غابت ثمان سنيـن حـل وترحـال
غـابـت ثـمـان كلها مدلهـمـه
غابـت سنيـن وشهـور وليـال
مافيـه قطـر غيـر وجـه يمـه
وعقب الثمان اللي تعبها برى الحال
جاب الزمـان الكارثـه والمطمـه
جاني ولدها مبتسم بيـن الأطفـال
ومن بسمته ذكرت انا بسمة امـه
ركضت له ودمعي على الخد همـال
من كثر شوقي قمت بلحيل اضمـه
ساعة حظنته والطفل في يدي مال
شميت ريحها على اطـراف كمـه
واليوم بنت الناس في بيت رجـال
حب على غير الشرف لـي مذمـه
مجبور اعود واشتكي لكل الأجيـال
بنفـس حزينـه تايهـه مستهمـه
برجع غريب سكنـه بـر ورمـال
يحيـا يمـوت ويندفـن مايهمـه[/align]
15-03-2005, 01:38 PM
آآآه يالحظ
المواضيع المتشابهه
