سلـيّت نفسي بالشعر والطـواريق
لاضاق صدري من عمايل زماني
جمعت انا همومي وراحت مفاريق
هـمٍ يخـلينـي وهـم ايـحدانـي
لكن لو ان جروح صدري مفاتيق
والله ما اخضـع لو تبيد المحاني
وثقت اسمي بصفحة الشعر توثيق
اسمي يبي يبقى ولـوكنت فـاني
مدامني شـاهق وبين الشـواهيق
والله ليبطي حاسـدي ما قـواني
ومدام عيني ترقب الدرب وتويق
نذرٍ علي لاشـد منهـو قـراني
يبقى قصيـدي معتلي قمة طويق
ويبقى على روس المعالي مكاني
يومن غيري ماكل الجو تصفيق
اكلت انا غيري بقـو المعـاني
يا رب ليه صدورهم قامت تضيق
اليا طـرا اسمي وغنـى لسـاني
ذولا بشر ما قـــّدرت هالمواثيق
عاملتهم بالطيـب وجـات تهجاني
قامت تصب السب من فم الابريق
لين استوت عندي جميع الامـاني
المسأله ما ضكت اقصى المعاليق
يعني شعر .. والشعر ماعز شاني
يعتز شـاني لاعـرفت المطاليق
وقـّدرت منهو لا تضايق نصاني
والا الردي يبطي وهو ناشف الريق
بدري عليه يطـول شمـخ المباني
المـسـألـه ذي كلـبوها توافيق
وانا على النيه وربي عطــاني
مدامني لاضقت سقت الطواريق
اللي تسلي خاطري من زمـاني
ببقى انا الشاهق وبين الشواهيق
ومثله بيبطي ما يوصّـل مكاني
م ن ق و ل
08-07-2006, 05:57 PM
المواضيع المتشابهه
