ظاهرة المكياج عند بناتنا ؟؟؟

[lolowa]

هي ظاهرة المكياج للأسواق والمجمعات ..

طبعا احنا عارفين البنات بطبيعتهم يحبون الاهتمام بنفسهم وبجمالهم وبشكلهم ..لكن مثل ما احنا عارفين كل شي وله حدود يعني مثلاً خاطري احط لي مكياج على آخر صيحه احطلي لكن مو قدام العالم كلها..ممكن تكون ف حفلات سواء حفلات اعراس او حتى عشاء او حتى بين زيارات الاقارب..

والحين راح اتكلم عن الناس الي نشوفهم ف المجمعات وما شاء الله فوق العين اكثر من 3 ألواان ولا الوان فاقعه وخطوط يمين ويسار ..انزين ليش هذا كله ..والروج الاحمر والاورانج وغيرها من الالوان ..يعني والله حرام وخاصة انهم بنات ما اعتقد كبار ف السن وايد وحتى الحين في بنات اعمارهم ماتزيد عن الـ 16 او الـ 17 وتشوفهم جذي ..وانا اخبر بنت كانت معاي ف المدرسة عمرها 12 سنة ونص يعني تقريبا 13 كانت لما تجي المدرسة فأردى حال ..مشمرة يد البلووزة وحالتها لله ويوم شفتها فمجمع حاطه الشدو الفيروزي والروج العنابي مادري اي لوون ..يعني الحين قدام البنات ما تتعدلين اشمعنى ف المجمعات ..

واكبر مشكلة ان البنات يوم يسوون هذا كله يظنون ان الشباب راح يمدحونهم او يتقدمون لهم بالعكس والله الا يضحكوون عليهم وعلى فكررة صار قدامي مثل هذا الموقف ..

في بنت الله يستر عليها ماخلت شي ماحطته ف وجهها والروج الاحمرر ,,ولا عاد انها مغطية وجهها لكن الغطاء خفيف ..يعني بعد وجهها وملامح وجهها تبين وطبعا الشباب رايحين وجايين يطالعونها ..و يمر عليها واحد هو كبير ف السن يعني ممكن عمره 39 او 38 ..وقط عليها كلمة ..تبون الصح انا فرحت ان قال لها لان يمكن البنت تستحي على وجها وماتعيدها ولو ان بين عليها I Don't Care وقال لها جدام 5 شباب "مالت عليج مايتنزلون يطالعونك " ..انا من الصدمه فتحت عيني وامي تقول زين سوى فيها ..يعني ليش البنت تخلي نفسها عرضة للكلام ,,
وفي ظنكم شنهي الاسباب ..احنا مانبي نقط كل شي على الاهل ..بس بعد لهم تأثير ..يعني الي تترك بنتها تروح مع صديقاتها وهم توهم مادري جم عمرهم ..وفي بعض الاهالي يظنون لما بنتهم تسوي كذا راح يجيها نصيبها وتتزوج ..وبعدين مافي وازع ديني "ولا تتبرجن تبرج الجاهلية" ..والله ان البنت مالها الا سمعتها ,, وشراح تستفيد من هذا كله,,,




أتمنى ان الموضوع نال على اعجابكم ولا تبخلوون عليه بالردود الوافية

 

 

[Nathyaa]

تسلمين ياقلبي للطرح

وفعلا هذي مشكله كبيره

والسبب الرئيسي هو اهمال الاهل

اشلون يخلون بنتهم تطلع بهالشكل

صدقوني الريال اذا شاف جذي يلحقها ويلعب عليها واخر شي يخليها تولي مثلها مثل غيرها

تسلمين ياقلبي للنصيحه الغاليه

واتمنى من كل البنات انهم يقرون وجهة نظرج

تسلم لي الايادي

[VIP]

الف شكر على المشاركه

[~*~عاطفية~*~]

تسلمين على الموضوع

وانا أوافق على الرأى

ولأسف ظاهرة صارت موجوده بين بناتنا خاااصة المراهقين

يسلمووووووووووووووووووووووو على الطرح