العصــمة في يــــــد المرأة " .. هل هـــي حــــل لمشكلة الطـــلاق ؟

[Nathyaa]

[FRAME="8 70"]العصــمة في يــــــد المرأة " .. هل هـــي حــــل لمشكلة الطـــلاق ؟


هل الرجل يعتبر ذلك إنتقاصاً للرجل .. وإحساسه بفقد القوامة التي منها مسئوليته في إنهاء رابطة الزواج .. وقد يؤدي ذلك إلى عدم المبالاة والمسئولية طالما أنه لايملك الحق في إستمرار الزواج من عدمه ؟



هل ينظر المجتمع لهذا الزوج نظرة إحترام أم أنهم يعتبرون هذا الزواج كان لمصلحة من الزوج وأطماع ؟



وهل تحترم الزوجة زوجها في هذه الحالة خاصة أنها ستشعر بالقوة ؟

ماهو حال الأبناء تجاه والدهم .. هل يمكن النظر إليه أنه رجل ضعيف تهدده أمهم بالطلاق وبالتالي فإنهم سيلجأون لوالدتهم التي تملك القوة ؟


ادلي برأيك لو سمحت [/FRAME]

 

 

[~*~عاطفية~*~]

والله يا نثيه اذا الريال مايدرى عن بيته وعياله بعد شكو الزوجة تعيش معاه

أنا اشووووف وايد حريم جذى تكون العصمه بيدهم والريال مع الاسف شايل ايده

وبعضهم يشوفون ان الريال ماله شغل تلجأ الزوجه الى الطلاق


وتسلمين حبوبه

[Nathyaa]

تتوقعين ان بهالطريقه راح تقل حالات الطلاق ؟؟

تتسلمين يااحلى مراقبه لابداء رأيج

[~*~عاطفية~*~]

تبين الصراحه ماادرى

بس الصراحه عندى وحده بالدوام دايم تشتكى من زوجها يعنى تقوووووول انه ماله شغل بالبيت بس يعطيها معاش الخدم واغراض البيت و الباقى عليها

طبعا كونها موظفه أكيد عندها سيارة اهى اللى تروح الجمعية وتشترى الاغراض اهى اللى تروح الطبيب علشان عيالها

وتقوول أنها مو مرتاحه معاه وماتبى تطلب الطلاق علشان عيالها الصغار

يعنى العوض ولا القطيعه :(

[Nathyaa]

صح

انا معاج ان اغلب شبابنا للاسف متكلين اتكال كلي على الزوجه

طيب انا بعرف شنو فايدة الرجل هني ؟؟

وانا اقول ان الحل الوحيد لحل هالمشكله

ان الزوجه تاخذ اجازه سنه بدون مرتب وتقول لزوجها انا تركت الشغل


علشان تجبره انه ينتبه على البيت ويتكفل بالبيت

لان بصراحه ظاهرة اخمال الازواج للبيت ظاهذه منتشره وكل مالها قاعده تزيدد

[وداد]

موضوع العصمه بيد المرأه :
كان الحين مافي وحده متزوجه وما كان في زواج مستمر واذا استمر لو كلش كلش بالتلزق والتفال (مكرم السامعين و القارئين) مواكثر من 5 سنوات هذا كلش يعني لو طولوا
عشان جذي الشرع مايسمح بان يكون العصمه بيد المرأه ولازم يكون بيد الريال واعتقد انه هذا الصح والطبيعي
عاد اذا في رياييل مقصرين او موهذاك الزود هذا ماله علاقه بالعصمه
واذا الوحده بتطلق تطلب الطلاق للضرر اللي شايفته منه مع انه مع الاسف في رياييل مايتفهمون مايرضون يطلقون ويتمسكون (لايرحم ولايخلى رحمة الله تنزل) عاد هذا موضوع ثاني.
بس العصمة انا مقتنعه فيها ميه بالميه انها بيد الريال وشي طبيعي انها تعطي قوه للرجل مع هيبه وسلطه (ليس جورا وانما احترام) وبنفس الوقت يقوي من تحكم الرجل على زمام الامور
وغير سالفة المشاعر والعواطف لانه معروف بان المرأه حساسه شويه حبتين
بعدين هالريال هذا اللي العصمة موبيده شخانته بالله, شلون بيكون موقفه جدام اعياله, جدام نفسه بعد, شلون يتقبل؟
مع انه اعتقد هاذي امنية واايد من النساء ولكن (وعسى ان تكرهوا شيئا وهو خيرا لكم)
شكرا لج نثيه عالموضوع المميز

[Nathyaa]

وجهة نظر احترمها

انا معاج ان الرجال قوامون على النساء

بس كثرة حالات الطلاق والظلم في مجتمعاتنا بشكر كبير

تقدرين تقولين عنها ظاهره صارت

ماتتوقعين لو تكون العصمه بيد المرأه راح تخف حالات الطلاق ؟؟

فديت هالطله ياقلبي

بانتظار ردج

[وداد]

وجهة نظر احترمها انا معاج ان الرجال قوامون على النساء بس كثرة حالات الطلاق والظلم في مجتمعاتنا بشكر كبير تقدرين تقولين عنها ظاهره صارت ماتتوقعين لو تكون العصمه بيد المرأه راح تخف حالات الطلاق ؟؟ فديت هالطله ياقلبي بانتظار ردج

اسفه على التاخير بالرد
لا مااعتقد بتقل بلعكس احس انها بتزيد وبكثره
ومااعتقد احد بيتم متزوج اكثر من سنتين او بالكثير خمس سنين
بتشوفين الكل مطلق وبعدين تصير عندنا مشكلة وازمة المطلقين الرياييل ههههه شنغبر فيهم هذول
خلينا على مينونا احسن
بس تره لو في طريقه يعني يحاولون يعالجون المشكله بدون ماتتحول العصمه بيد المراه يعني مثلا تتطلق بدون مشاكل او كراهيه
مافيها شي لو اطلقوا فريندلي ليش يعني لازم الطلاق تكون مصاحبه للكراهيه وحقد ومشاكل
حتى الله سبحانه وتعالى ذكر بالايه الكريمه امسكوهن او اسرحوهن بالمعروف (موذاكره النص بالضبط) المهم اتمنى يكون الطلاق بالتفاهم ومحبه عشان لحد يدفع الثمن من الاطفال او الاهل او خسائر من اي جانب

شكرا لج نثيه

[Nathyaa]

تطلبين المستحيل هههههههههههههههههه


خصوصا بالكويت

تلقين كل واحد حاقد على الثاني

[boba]

انا من رايى ان لقوامة الرجل على المرأة لابد ان تكون العصمة بيده
ولكنى اراى ايضا انه اذا استحالت العشرة بين اثنين ان يتم الطلاق او الانفصال بهدوء فمن ذا الذى يستطيع ان يحيا مع شخص لا يحبه ومن يقبل على كرامته ان يعيش مع انثى تكرهه