السؤال الثالث .. !
يانبي الأمه ومفني جهلها
خير من ارسل على كل البشر
شسع نعلك بالدنِمارك واهلها
لوملوا كل الجرايد بالصور
عالي ومعصوم عن واطي سفلها
سمّهم في نابهم يرجع قهر
فارغين من الحياة ومن نفلها
ناضبين ولو على مجرى نهر
بأبي أنت َ وأمي يا أملها
أمّة الإسلام في يوم الحشر
السهام بقوس خاسي من نبَـلها
مظلم ٍ في نيّـته يلغي فجر !
نابع ٍ من بيئة ٍ ينضح وحلها
ارضها عن نبتة المعنى دهر
وش خذت " بقــّـه " من البحر بعملها
يالسؤال الثالث بوسط القبر !
وانت وصفك فوق الايام ودولها
اصعب من النفس وابسط من عطر
بالمكارم بالديار وماوصلها
بالمحارم بالكبار وبالشجر !
بالحصير وبالصدور وماحفلها
بالهجير وبالفــْـجور وبالظفر !
باخشبين الطايف وحلم ٍ شملها
وبالذهين العايف وشوك ٍ نثر !
مااكثرك ماانتهيك .. وبه وجلها
أحرف ٍ من عبد في سكة سفر !
قلتها تعطير ماهي من زعلها
ذكرك لعطشى عروقي من مطر
سيّدي " ياراعي الأمه ".. واملها
مايقلل قيمتك .. " راعي بقر " !
مع التحية .
09-05-2006, 11:13 AM
صلى الله عليه وسلم .. !
المواضيع المتشابهه
