بيرقم غصب طيب

[وداد]

ياهلاااا وحيالله اللي دشوا بهالموضوع
عسى يارب يكوووون يومكم من هالحزه الضحى العالي لدشة الظهر كلها خير وبركه
(يمكن البعض يسئل اشمعنه بس هالحزه, اقولكم لاتصيرون طماعين بالطلب وبنفس الوقت لاتصيرون بخيلين بالدعاء عشان بكل حزه ندعي دعوه حلوه من ربنا,-اسئلوني فاستجب لكم-)
المهم الموضوع اولا صوره وصلتني عبر الايميل حلوه فكاهيه شي ما بس في شغلات ومواضيع تطرح بالفكاهه بس وراها مواضيع جاده
يعني خنشوف هالصوره ونبدا

https://www.kwety.net/kwety1/q88/Al-Qallaf-BentAl...jpg

(طبعا اشكر الحيران على الطريقه المميزه بدال سالفه المشاركه عشان الواحد بس يشوف الصور وطريقته واايد سهلت السالفه ندعيله الله يسهل عليه دوووم مثل ماسهل علينا ياارب امين)

اعتقد وااايد من الناس دايما يعلقون على الانثى بانها دوووم اهيه ساس البلا(صج اهي ساس البلا بس بلا حلووو يعني لايكرون الشباب بانه هم يدورون هالبلا دواره هههه) المهم دايما يحطون بالهم اذا الوحده البست تمكيجت او مثلا عبايه مخصره او الخ بانها خلاص حلال لهم اخذ عاد الحجي ...
يعني انا بعرف وين الحريه الشخصيه وين الامانه وين غض الابصار انا تره ماادافع عن البنات واقول والله شغلهم عدل وماننكر انه مو حرام لا بالعكس حرام والمفروض اهلهم او ريلها او اخوها مثلا مايرضه تطلع جذي (وهذا ممكن تعتبرونه تعليق لبعض مواضيع الاخوان حاطين موضوع مقارب لهالسالفه)
بس يعني اذا انتوا تعتبرون المره ناقصات عقل ودين فماله داعي تحاسبونها بهالقوه وانتو تطلعون منها مثل الشعره من العجينه.
اللي بوصله يا زملائي بالمنتدى انه اذا الوحده اطلعت بهالصوره مو المفروض الواحد يلحقها غصب واذا لحقها موغصب يرقمها اهو عليه انه يبي يرقم خلاص رقم وتوكل على الله لاتزعل اذا قالتلك لا, لاتتضايق وتقعد تعلق وتتحجه واخرتها سب هذا كله عشان ماعطته ويه ويحط باله انها مغروره وشايفه روحها واهيه واعليه ولا بالبال يمكن.
يمكن يااخي موعاجبها ماتبي ,مالها خلقك خوووموغصب يعني
بعدين مو تفكرون انه دايما الوحده لازم معناته اذا طلعت جذي خلاص يعني رايحه فيها تره في وايد حريم يحبون التكشخ ويطلعون بصوره حلوه, فاانت اهني دورك ولا تنزل راسك وتمشي (غض البصر) ولاتخز وتستغفر ربك
وكل يشيل ذنبه محد بيشيل ذنب الثاني ولاتفكرون بانه الله بيحاسبنا على ذنوبكم لانه انتو عندكم عقل ودين والمفروض الريال يكون قوي ومتحكم
فلا يتحيي بانه البنات يلبسون ومادري شنوووو
واعيد مره ثانيه ليس هدفي تشجيع البنات عاللبس والتبرج وانما توضيح فكره معينه بانه اللي يلحقله وحده موغصب ولازم يواجه قبول (الدنيا حظوظ هههه) واليايات اكثر
وفي اضافه بسيطه ادري طولتها واهيه قصيره, في شباب مع الاسف الشديد اذا الوحده مارضت تلتفتله يسوي طريقه او حركه يحاول يلفت نظرها (ومايشوف عينك الا النور) جك ولا ماخذ صوره من التلفون (احد الاخوان ذكر هالمسئله الخطيره في موضوعه) مع الاسف يعني اتمنى انه يكون نوع من الادب (حتى بالمغازل) يعني اهم الشي يكون في نوع من الاحترام من الطرفين-ادري الشغله غلط وموعدله بس هالشي بس لااقل لااقل يعني يكون في نوع من التحضر في التعامل والحجي بعد للبنات اللي بترد على واحد موتقوله اقلب ويهك ولا سليمه تصكك تكتفي مثلا بالابتعاد او ادور ويها .

يسلم راسكم واسفه عالطواااله وتره شكركم واصل ومايحتاي تشكروني عزيزين وغالين والله الا اذا بعد في راي او تعليق فعلى راسي من فوق
ويسعدني طبعا حضوركم وسماع ارائكم
الله يوفقكم

 

 

[آسيل5]

شوفي اختي وداد أن القاسم مشترك والعيب في الاثنين ويجب عدم توجيه اللوم على واحد من دون الاخر.أنا دائما امشي بأحترامي ويستحوون الشباب يقربون لي . واليوم اللي أنا أحب أمزح معاهم القاهم يتهافتون علي مثل النمل بس المزح يكون مزح عاقل والا عيونك ماتشوف النور. شكريا.

[Nathyaa]

[Nathyaa]

الخطأ مشترك ياقلبي

يعني وحده رايحه السوق او البحر وتارسه ويهها ميك اب ولابسه ضيق ومطلعه صدرها شنو معناها

والحين موضى يديده طبعا الملابس الداخليه فوق والبنطلون تحت

في اي شرع هذا ؟؟

الغلط مشترك ياقلبي

تسلمين ياقلبي على فتح باب المناقشه

انا موضد ان البنت تلبس وتكشخ بس بالحدود المعقوله

وهم غلط من شبابنا عسى ماشافوا بنت الا طردي وركضه وراها

شالسالفه

يعني الحين الريال يرضى ان واحد يلحق اخته ؟؟

[وداد]

اشكر مروركم (اسيل+نثيه)
نثيه قصدج ال low west اللي البنطلون نازل
صح كلامكم الغلط مشترك ماختلفنا بس عاد موشرط يعني غصب بيرقمهم
يعني الحين لبست وسوت نفس ماقلتي بس الريال االلي بيلحقهم شكووو غصب بيرقم واللي يبط الجبد اذا ماعطته ويه يحسبها مغروره ولا يقعد يسب
اي شكوو يعني اهو الحين كلش شريييف روماااا الاخ والبنت رايحه فيهااااا
اكرر واقول انا ماقلت البنيه موغلطانه بس عاد الشباب بعد مفروض يكون طريقته واسلوبه صنع بعد والله مافي نصيب بس يروح يتوكل على الله مووو يقعد يشخط بسيارته ومادري شيسوي (يعني كلش متحطم)
يعني حتى الغلط المفروض الواحد يلملم منه مو عالبوو غلط خلاص يوصله للحضيض-نفس الميك اب احنا ندري ونقول انه حرام وغلط بس اذا الوحده كلش موقادره وتبي تحط, تحط على صنع مو تروح تمطق بويها وتصير يا هويله تهولي
والله يهدي الجميع ان شالله شكرا لكم

[King]

وداد اولا اشكرج على قلمج الاكثر من رائع والله
ومواضيعج دايما مفيده وعيني عليج بارده
الموضوع وايد حلو ويستاهل النقاش
خلونا نتكلم بشي مقنع ومفيد وشي صريح
يعني البنت اللي تتمكيج وتلبس ضيج وقصير وعطرها واصل ليه اخر المكان اللي تكون فيه سواء بمجمع او مستوصف او جمعيه يعني شي طبيعي هذي فتن والعين تشوف اي شي غريب حتى لو كانت نظره وطبعا مو كل الشباب لما يشوفون هالشي لازم يتحرشون او يعلقون لا طبعا في ناس محترمه وماتنظر للاشياء هذي وفي ناس شبعانه من هالشي يعني مو شرط وفي ناس فئه معينه مثل ماتفضلتي بالموضوع يتحرشون ويعلقون؟
انزين انتي من الاساس لما تلبسين هالشي وقصير واذا كان شفاف ويبين اي شي من جسمج وماتبين احد يطالع او يتحرش؟ مستحيل ( طبعا مو انتي وداد اقصد البنت اللي تلبس هالشي ) مو معقوله ان وحده تلبس هالشي وماتبي احد يتحرش فيها شنو الناس تصير عميان لا طبعا
ونفس الشي في سلبيات من الطرفين سواء من البنات او الشباب وهالشي وارد بكل مكان سواء بالكويت او بالخليج او بالوطن العربي
وعسالله يستر عليكم وعلى اهلنا وعلى جميع المسلمات
ويعني زبده الكلام لاتفصخين وتلبسين لبس فاضح ومكياجج سابحه فيه جنها زالقه بمرسم او تلبسين عبايه مخصره علشان يعني شوفو جسمي واكثر البنات كروش واللهم لاشماته
واسف يمكن طلع من عندي لفظ غير منطقي فا اطلب منكم السموحه
وتحياتي لج يا وداد ولاتحرمينا من مواضيعج

[وداد]

الشكر لك الملك
تقول :(مو معقوله ان وحده تلبس هالشي وماتبي احد يتحرش فيها )
انا معاك ومتفقين كلنا بانه هالشي غلط وانا وضحته فوق بكلامي ندري حرام وندري كل شي (عشان تيوزون تقولون عنه ناقصات عاد اخذواا)
بس انا اللي بقيت اوضحه صراحه في شباب اذا ماعطت البنت له ريج حلو حتى لو مثلا دارت ويها لااا يعصب وتعال شوف غصب طيب لازم تاخذين رقمي وهالايام الشباب تعلموا مايرضه تاخذ البنت الرقم ويمشي لااا يبااا دقي على لو رنه بس عشان يضمن الرقم (يبدي معاها نظام رنه وهذا ويهي بعدين لما يطيح الفاس براس ماتنقلب الايه واهو يبلش رنه)
المهم القصد انه يعني ميخالف انت حاط في بالك اهيه والله يمكن تبي تتغازل وعاجبها وضعها (عشان مانحط بذمتنا البعض وليس الكل) انت سوي اللي عليك رقمها حاول شوي واذا مافي مجال بس خلاص موو في ناس ماتهد وهذول اللي شوي لك عليهم (الهيلق) ياخذ بلوتوث عاد مادري شنو بيسوي
والله حتى بالسياره لو ماعطت ويه لف عليها ويقحص والله عليهم حركات يعني ساعات الوحده تييها الضحكه والسبه سوالفهم هههههه (تذكرت وحده من سوالفهم)
وتره مو كل البنات يلطخون بالويه ماشالله في وايد تعلموا ويحطون باتزان وفي الله يسامحهم يحبون الوان قوس قزح وبعض الاخر يحبون يطيحون تخرع بالعالم
وعلى اجسامهم عاد انت تقول يمكن شفاف ويمكن يمكن والله هذي امتحانات من رب العباد ولازم تقاوم ولا تقط عذرك عليها يعني بالله سافرت دير بره وتشوف الاحمر والابيض والكاكاوي والمحروق شبتسوي هااا
ماااقول انهم صح هالبنات اكرر ادري انهم غلط وانهم يثيرون بس انا قاعده اتكلم على خيط صغير بين الموضوعين بين الرفض والاتفاق بين الطرفين (الناعم والخشن يااا عيني)
فاتمنى اوضحت الصوره
وبعدين تعال موشرط الوحده تتمكيج او لبس ضيق نفس ماتفضلت ويعاكسونها في تره جمالهم طبيعي وبدون هالسوالف ونفس القصه
شكرا والله يحفضنا ان شالله

[albader]

[FRAME="15 70"]أنا مايحر جبدى ولا يزهقنى ولا يخلينى اطلع من طورى

الا

تصوير البنات هاليوم بأنهم مساكين فقارة مايسووون شى

يجماعة هذا قبل كل مايصير شى نقول الشباااب ألحين لا وألف لا

ألحين كل مايصير شى تلقون راس البلا والدودة والحية اهى البنت

أتذكر حديث الرسول صلى الله وعليه وسلم ( أتقوا فتنة النساء فأن أول فتنة لبنى أسرائيل كانت النساء ) ... الله يفكنا من بلاويهم

خلاص راح عصر الشباب الى غير رجعة الان انعكس الوضع تماماً واصبحت البنات هن اللي يدورون على الشباب ويرقمونهم ويلاحقونهم .

بعضكم المتشدد والمتعصب بيقول وشلون ؟؟

روحو الى المجمعات والاسواق والمطاعم والشاليهات وشوفو أستعراض البنات ومطاردهم للشباب وبعين قوية .

أنا مو ذابحنى الا ام عباية والنقاب

العباية اللى على الراس المستورة خلوها وبدلوها بمخصر تشوف اردوف البنت من وراه حتى خط !!

والباقى الا من رحم ربى

الثياب القصيرة فوق الركب والبطن مفتوح والجنز ضيق والنهود طالع نصفها .

طيب في هذه الحالة منه اللي يلاحق ورى الاخر البنات او الشباب ؟؟

اجيبو ايها العقال ... يامحترمين ... يامن تشنون على الشباب الحرب الطاحنه وتنسون اصلاً المتسبب والفاعل .

شاب مراهق مايخلى فلم مايطالعه ولا قناة فاسدة مايشوفها شنو تترجون من وراه اذا طلع في الشارع وشاف هالبنات الصيع

شنو تكون ردة فعله ردة فعلة ؟؟ بيروح بدون ان يسوي شي او بيقول شي مستحيل إلا في حالة ان هذا الشاب ماعندة احساس ولدية برود عاطفي وجنسي .

البنات فصخو بالمرة ويلومون الشباب على تصرفاتهم ياناس عيب عليكم وليش كل هذه المكابره أصلحو البنات

ثم تكلمو على الشباب .

والله يصلح الحال .

سبحان الله حنا في وقت العجائب والمصائب ماصرنا نستغرب أى شى أما تحميل الشباب مسؤلية المعاكسات غلطة كبيرة فـ لابد النظر الى الدوافع والمسببات وشيء اكيد انفساخ الحياء من الفتيات يعتبر دافع قوي كذلك قلة الإيمان لدى الفتيات والشباب واهمال اولياء الأمور لبناتهم بهذا الشكل

استغرب عندما تخرج الفتاة من منزل اهلها . الا يكون عليها رقيب من اولياء امرها ؟؟؟

ام اننا فعلاً وصلنا الى مرحلة فقدان الغيرة !!!

الله المستعان في السابق كانت الفتاة عندما تذهب الى الاماكن العامه من اسواق وغيرها تسير وعينها في الأرض لا ترفع رأسها ابداً اما الآن فهي تسير ولا تأبه ممن هو امامها وتنظر الى الشباب بكل وقاحة بل انها تغرية على معاكستها وفي زعمها انها قد ملكت قلبة وعقله وهي لا تعلم انه لا ينظر اليها الا نظرة الساقطة بحثاً عن المتعه بجسدها .

تحياتى لكم والى أم المشاكل

ودادو

ماتجيب الا المواضيع اللى تعور القلب وتحرق الجبد لا وتقول البنااات بعد... مافى بنااات الحين كله سحاااالى

وبعد كم سنة ينقرضووون ونفتك من شرورهم

ألف شكر لك

يالغالية[/FRAME]

[وداد]

اخاااف بس يا البدر مطالع الاولي والتالي وتقول اساس الفتنه ههههه
يا مئطع السمكه وذيلهااا
ابووي البدر اشكر تعليقك بس تره انت ولا موقاري الموضوع عدل ولافاهمني غلط ولاانت ضد الولاياااا (دحنا ولايااا والاجر علىالله هههههه)
تره الاغراء موجود من ايام سيدنا آدم لما انغره بالتفاحه من ايد امنا حواء بس الله ماعاقب امنا بروحها ونزل العقاب على ابونا وامنا ليييش ياااتره؟
لانه الاثنين (الجنسين) مسؤولين عن افعالهم والعقاب والجزاء للاثنين(الجنسين)
المقصود كلا عقله براسه يعرف خلاصه
واذا كنتوا انتو الرياييل ماتتحملون اغراءات البنات عيل ابوووي لو طلعتوا دير بره ورحتوا جزر مالديف وشفتوا البكيني والوانه شبتسووووووون؟؟؟؟؟؟(مابي اعرف)
بعدين انا تره مادافعت عن البنات ولاقلت صح لانه المواضيع اللي اكتبها او ردودي على هالنوع من المواضيع اللي اكتبها اذا دققتوا القراءه عدل بتفهم اني ماادافع كثر مااني احاول اخفف
انا بموضوعي هذا كنت اتسائل او بالاحرى متعجبه ليش اللي بيرقم غصب لازم البنت تاخذ رقمه؟
انت تقول الشاب يشوف الاغراء ومايتحمل شيسوي؟ شلون والخ..
اقولك اهني تيي دور الاهل المدرسه التوعيه المجتمع الاعلام ..... لازم يحصنونهم
يربونهم عشان هالشاب لوانحط بهالموقف وين ماكان مايضعف (اقصد التوعيه للشاب والبنت)
لاتقولي البنت لابسه مخصر ومطلعه مادري شنو وخط الاستوا والجو حار والناس ذايبه والدنيا مشتطه وانا قمت اخوره ههههه تره هالاشياء كلها يرجع للرجل
لانكم انتو الرياييل المسؤولين (كلكم راع وكل راع مسؤول عن رعيته) اذا الريال ريال بصنع ومنطق يثقف بنته ومرته واخته ماكانت النتيجه اللي تقول عنها
لو كانوا يتحملون المسؤوليه بالحق ويأدون واجباتهم ويقومون بأدوارهم ...(لو يفتح عمل الشيطان فمابي اكمل فيها)
بس بنفس الوقت تره انا دايما اكرر واكرر الجنسين الجنسين هما المسؤولان هما الاثنين اللي يمشون القارب في بحر الدنيا وهما بتكاتفهما يستطيعان التغلب على امواج الصعاب.(الرجل والمرأه والايد الوحده ماطق اصبع).
اشكرك الجميع على التعليقات مع انه لالحين ماوصلت للاجابه اللي محيرتني
ليش اذا البنت دارت ويها عنك تتضايق؟ موووانت تقول اللي خلقها خلق غيرها؟ ولا السالفه سالفة عناد ولاهالمركب ولامااركب
شكرالكم واعذروني عالاطاله وتره انا بالي طويل هههههه يعني افرح دائما بأي تعليق ونقاش

[دلــوعـــة 83]

مشكوره اختي وداد على هالموضوع
بصراحة موضوع يستحق النقاش الجدي بين الجنسين ....
بصراحة وبدون زعل للجنسين راح اتكلمـ عن الاثنين بصراحة اوكي....
اول شي راح اتكلمـ عن حواء ...
( السبب الرئيسي في طرد ادم من الجنة )....
حواء هي سبب في بعض الاحيان في المعاكسة وفي بعض الاحيان تسيء للبنات الاخريات...
وفي بنات يموتون قهر و تطق جبدهم اذا ما ماترقمو او حتى لو في مالحقهم ( بدون زعل اوكي )
وترى يا اخواني ( أدم ) مو كل البنات مثل بعض واصابعكمـ مو مثل بعض صح ولا لاء

ثاني شي راح اتكلم عنكمـ انتوا يا الشباب...
اتمووووتون اذا البنت قالت اسفة او لاء ليش دايمـ اتشوفون ان البنات كلهم وحده او مثل بعض
ولي عندكمـ سؤالين ابي اعرف اجابتهم اذا ممكن طبعا ....

اولا... ليش اتحبون تتحرشون بالبنت الي مو حاطة ميل اب؟؟؟؟؟
ثانيا...ليش دايم اتحكمون على البنات من التجربه القديمة ؟؟؟؟؟

مشكوره اختي وتسلمـ ايدج على هالموضوع.....