اكيد الكل يطالع التلفزيون.. ومن منا ما يطالع ... وصار شي روتيني .. وشي طبيعي انك تمسك الريموت وتقلب في هالقنوات.. وتشوف الي يوسع صدرك.. في الاونه الاخيره ... صارت موضه .. كل من صار عنده راس مال جاه وفتح قناة ... وماتدري وش هدفها ... مسجات ولا اغاني .. ولا بس كلام فاضي .. >>
ولفت نظر الواي فاي هالشباب الفاشل ؟؟؟الي يسولف ويطرش مسجات على هالقنوات ؟؟>>
تحصله يسولف ويمسج ويعصب ويشكر ويسلم ويهني وحاطله نك نيم ومدري شو وصاير نجم الاسبوع ؟؟؟ على شنو؟؟ ماعندك سالفه يالشاب غير انك تمسج من تصبح الي تمسي .. بيزاتك ع البحر محصلها ؟؟ اعتقد ان الي يشارك كأنه يشتري السمج بالبحر ؟؟؟ هاذي نقطه ... طبعا الشاب اقصد فيها الذكر والنثيه والواي فاي دايمن يحب يطمش ويقرا و يضحك على هالغباء..>>
وفي نقطه غير اهم واخطر ؟؟برامج المسابقات او استار اكاديمي ونجوم الخليج ؟؟ وباخص نجوم الخليج الي مشاركين كمن واحد قطريين..او الي عادين روحهم قطريين مب كلهم .. اثنين منهم .. الي ما اعرفو يعكسون صورة بلادهم بطريقه تليق فيهم وتليق ببلادهم قطر ؟؟؟؟ الحين انا مشارك وبمثل بلادي ... اطلع مربي شعري على الاخر ومسوي استشوار وجل ومدري شو .. حتى البنت تستحي تسوي هشكل قدام اخوانها ؟؟والبس جينز امرصرص .. وفانيله مدري من وين واقعد اغني واتحيس واقلب في هاليد يعلها الكسرهاذي مب حريه شخصيه الحريه الشخصيه ما اقدمهاعلى بلادي .. غصبن من ورا خشم الي مايرضى واذا مب عاجبك كلامي يالشاب (الي اخصك بالكلام) انزل الحركه السادسه وعلى شحم و تراب رايك ؟؟هاذيلا شباب قطر ؟؟ هاذي اخرتها ياشباب .. تجنزون وتتنعمون وتغنون؟؟؟>>
لو بناخذ السالفه من جذرها .. بنحصل هاذيلا .. ابهاتهم متفرقين ... او افشلو بدراستهم .. او دلع بنات وماعندهم سالفه ويبون اكسبرينس.. اما الباقي ف ممكن يسون شي لانهم يمكن شغالين في فرق شعبيه ولا دارسين فنون لانهم يحاولون و الله يهديهم بعد لانهم هم يغنون بس ممثلين صورة بلادهم ... برجوله؟؟؟ اما بنطلع بنتحيس ف الواي فاي يقولهم .. قعدو .. مب مستفيدين من اصواتكم شي .. اصلن ماعندهم اصوات ... يتنهوصون الحمدالله والشكر مدري من قص عليهم وقالهم انتو احلى مخلوقات ونوعكم فريد .... ناطر ردودكم ... >>
كلمه اخيره ... جعل مابلاهم يعافينا ..
02-05-2006, 11:26 AM
من سوه روحه سبوس العبت به الدياي
المواضيع المتشابهه
