بسم الله الرحمن الرحيم
قبل فترة
شريت فيديو سي دي حق أحمد ديدات الله يرحمه
وهو مناظرة مع القسيس جيمس ستيغوارت
وحكر له وواجد ناس أسلموا في المناظرة
جاني واحد من ربعي عقب ما اعتمرنا في مكة
وقالي أنا أفكر دايما في هالسؤال
هل ديننا الإسلامي هو الصح
والأديان الثانية غلط
قلتله تعوذ من ابليس
واقرأ عن الاعجاز القرآني
وهاك السي دي
تدرون ان المسلمين يزيدون في أوروبا
وينقصون في أفريقيا
ليش لأنهم أشطر منا في نشر دينهم
يدفعون المليارات واحنا 1% من المبلغ اللي يدفعونه هم ما ندفعه
ولا حظت ملاحظة تدلك على انهم أحسن منا في العمل التبشيري
تدرون ان كل المنتديات العربية النصرانية أو اليهودية أو العلمانية أو الشيعية أو الصوفية يحاولون ينشرون دينهم ويقارنون بين الأديان
واحنا مانسوي شي
يقولون لنا طائفية وانت جذي تساعدهم وتنشر مواقعهم
حتا أقرب الأمثلة قصة صارت في قطر
واحد سني صار شيعي الربيع اللي فات وقصته طويلة
وتوفى عقب القصة بشوي
ونفس الشي يصير في أفريقيا مع النصارى والتنصير
اقرأ هذي القصة للكاتبة الوحيدة .......
اقتباس
((خلاص هذي القصة)) <<< مب قصة أي حد ((قصتي أنا))
من فتره جي سنه تقريبًا ماكنت وايد مع الله يعني صلاتي بعد زلزال وأصلاًمحد كان يحن علي وايد غير أمي نادرًا وأنا كنت من مدمني النت يعني كنت أواصل عليه وأسير المدرسه مواصله يعني تخيلوا شكلي ولا احلى حتى أتذكر كانت فترة أمتحانات كنت أمتحن وأرقد ويوم يخلص الوقت أشل عمري وأرد البيت على النت وتميت جي فتره طويله
وكنت من مدمني لعب ال-------- ضاع الأسم تأنتظروا بتذكر شو يربي أسمها هيه ((البليارد))
وكنت يوميًا ألعبها على واحد من المواقع
وأنا من طبعي فضوليه لدرجه فظيعه فمره دش واحد كان نكه ((جبريل)) وطول ماهو موجود كان في الشات العام يسب الأسلام والمسلمين ويعطي تشبيهات لنا محد يرضاها وكان اربع وعشرين ساعه يسب وفي هالموقع أذا أحد يلعب يقدر يلعب معاج بس يطلب منج أول وفي مكان اللعبه في مكان للشات ((يعني بس تعارف)) أدريبكم وين راح تفكيركم
فطلب أنه يلعب معاي وهذا كان حلمي وتحقق بس مب لغاية في نفسي بس كنت أبا أعرف شو سبب هذي التصرفات
فقبل طبعًا أول كم دوره هو كان يفوز بعدين بديت أنا أثبت جدارتي عليه وبين اللعب كان في شات طبعًا أول شي شو أسمج قلت له أسم مب أسمي وقلت له أنت وقال لي فهد وسألني ديانتي قلت مسلمه وسألته طبعًا قال لي أنا مرتد عن الأسلام قلت له مع أنه أسمع أسم مسلم قال هيه يوم كنت مسلم غيرته بس ألحين أرتديت وسؤال بديهي مني قلت له ليش؟؟
قال لي أنا ما أرتحت في الأسلام حاولت بس ماقدرت بعدي قال لي أنا مرتاح في ديانتي اليديده وتم يقول لي أحس أني يوم أسلمت ماكان الله معاي وتميت أقول لها أنت كون معاه وأطلب منه وهو طبعًا معاك الله مايترك عبده ولو شو صار بعدين قالي لي أنا قصة حياته أنه كان يشرب وكان يفعل المنكر مع أنه طبيب جراح في دول الخارج بعدين سكت وتمت يسألني أسأله مثل ليش أحنا في الحياه شو يوم القيامه ليش أنه بنات حواء متحجبات شو السبب ويعني المختصر ((طلع روحي))
بعدين قال لي بطلب قلت له شو ((الصراحه كان واااااايد غريب)) تعرفون شو قالي لي أنه بيسلم على أيدي وبينطع الشهادة ألحين بس بشرط ((أكيد كلكم الحين فاتحين عيونكم تبون تعرفون الشرط))
قال لي لكل شي فعل ثلاثي ((أصل)) على قولته قلت له أوكي شو الطلب قال لي شو الفعل الثلاثي لكلمة الله أنا الصراحه أنربط لساني ((((والصراحه فوق هاكله أنا ما كنت أعرف)))) فقلت له ماعرفت قال لي شفتي وتم يقول لي أنه مايحس أنه موجود وبعدين قال لي أنا ألحين على ديانت عيسى عليه السلام وتم يرسل لي كتابهم الأنجيل على ما أظن عشان أسمعه و الترانيمو أنا أكتب وخايفه ((أتنافض)) بقرة كان ماكلمته من الأول <<< هذا أكيد أنتو تقولونه في صدركم
بس الصدمه الكبرى اللي ما كنت متوقعتنها ولا أنتوا وكلكم بتتفاجؤن
أنه
أنه أهو
يعني هو اللي كلمته
صدق تخيلوا
أنه خله سبع مــــــســــلــــمـــــات يرتدن عن الأسلام
يعني تخيلوا كيف تحسون يعني الوحد في صيحه وما يعرف كيف يظهرها والله حرام عليه ولا بعد كان يباني منم بس ماقدر علي ((قدها وقدود))
تعرفون شو السبب لأني في هذيك الفتره كنت تعبانه نفسيًا ومب وايد مع صلاتي ويومي كله أغاني ونت فحس أني فريسه سهله ((يعني سهل أصطيادي))
يعني اللي أتوقعه أنه كل البنات اللي أرتدو معاه كانوا في هذيج الفتره ضعاف بس وين أحنا أذا أهم خلوهم على النت يرتدون والبلاد سلبوها منهم يعني تركوا لنا شي بعد سلبوا أرض أخواننا وهويتنا وبعد ديانتنا هذا الشي خلاني أوعى على عمري وأقوم من النوم اللي كنت فيه
أنا اقول ياريت نبدأ حملة أسلمة وياريت تصوتون في هذا الموضوع على السؤالين
01-05-2006, 09:53 AM
وساوس الشيطان ----و أشك في ديني
المواضيع المتشابهه
