فضفض-ي

[وداد]

واحد من الحكماء-ماعرفه والله- قال :
لاتشكين مصائبك إلى الأخرين فإن نصفهم لايعبأ بها والنصف الأخر يشمتون بك.
صراحه هالمقوله حلوه وتقريبا تقريبا ميه بالميه صحيحه
بس الواحد اذا مااشتكا بينفجر يعني لازم يفضفض يسولف يقول اللي بقلبه, مومعقوله كل شي بنخشه بقلبنا ننفجر بووووم
بس في حل ممكن يعني الواحد يحاول يختار الشخص المقابل اللي نبي نفضفضله
يعني مثلا اولا نختار شخص يكون غريب عشان نفضفض وبعد مانشوف رقعة ويهه او ان نشوفه عالخفيف من مده لمده (مو كل يوم فيس تو فيس بتلوع جبدنا ها شصار وليش وماكوو فكه)
ثانيا ممكن نختار الشخص ان يكون عارفين او من خلال سالفه نعرف مقدار فهمه واتزانه هل الشخص هذا كلامه سليم فاهم ولا يخربط وماعنده سالفه
ثالثا اذا خذينا من الشخص النصيحه نوازنها بداخلنا الكلام منطقي ولا يتفلسفون
ماادري الموضوع شوي يمكن صعب وساعات الواحد تييله فترات ماكو وقت يقعد يدور ويطبق الشروط ويشوف هل الشخص مؤهل ولا لا
شنسوي؟
في شغله بعد مو شرط دائم الواحد بيفضفض عن مشاكل ساعات شغلات حلوه او مواضيع تصير الواحد بيسولفها مع شخص.
ياليت اسمع ارائكم ومناقشتكم

 

 

[~*~عاطفية~*~]

بالنسبة لى

انا أفضض حق اقرب الناس لى موشرط أختى مثلا يعنى عندى بنات اعرفهم واقرب الناس لى أفضض لهم اللى بداخلى

ومثل ما قلتى بعض مرات تكون الشغله حلوه يعنى يطلع موضوع قديم او ذكرى عندى يعنى مثلا نضحك عليها ..

بالنسبة اللى يتفلسفون أنا أساسا أوخر عنهم لانى اكيد أنا عرفه من شخصية الانسان اللى قدامى

وتسلمين يا وداد على الطرح

[Nathyaa]

ابحثي عن صديقه تستحق ان تكون صديقه دائمه لكي

ولكي تحافظ على اسرارك

لان الانسان بدون لا يتكلم او يستكي راح يموت وتطق جبده

اوصيج بالصجيقه الصادقه

تسلم لي الايادي ياعسل

[وداد]

وإني واياه كعين واختها وإني واياه ككف ومعصم (الحمداني)

اشكركم علمشاركة (مس نايت+نثيه)

[توفيق]

ودي أعبر علشان تعرفون أني واسع المعرفة ورومانسي ومن أهل الاختصاص , بس نثيوه أختصت في الرد وأنا موافق على ردها ولو الاملاء ضعيف فيه. يسلموووووووووووووو وداد + نثية + ميس.

[وداد]

اشكر مشاركتك