(((الطلاااااق))) لماذا بهذة السهولة والسرعة ؟؟؟

[توفيق]

مرت سنة على زواجها تقريبا
وكانت في قمة سعادتها اذكر ذلك جيدا ليلة زفافها ومن منا لايفرح بتلك الليلة
بعد شهور قلائل سمعنا انها بيت اهلها لمشاكل زوجية
الحمدلله عدت على خير وعادت لبيت زوجها
لكن اليوم سمعنا انها ((((( تطلقت)))))
فلماذا ؟؟؟؟؟؟

اخواني اخواتي
ألا تلاحظون ازدياد نسب الطلاق؟؟
في الحقيقة انا الاحظها كثيرا حولي
بنات متأكدة من صلاحهن سمعت انهن طلقن
وشباب متأكدة من صلاحهم سمعت انهم طلقوا

فلماذااا؟
أين الخلل؟

شارك برأيك
شاركينا برأيكِ
لعل وعسى نحصر الاسباب
فنفيد ونستفيد

وجزاكم الله خيرا مسبقا

 

 

[Nathyaa]

الف شكر اخي الفاضل لفتح باب المناقشه

بالنسبه للطلاق اسبابه كثيره

ولو بكتب لك الاسباب راح اخلص حبر المنتدى وانا ماخلصت كلامي :)

بس اقدر اعطيك كذا نقطه

@ الزواج المبكر

@ عدم تأهيل البنت او الولد قبل الزواج


@ عدم التكافئ الاجتماعي والثقافي والفكري


@ عدم التكافئ بالعمر


@ التهور والعصبيه والدلع

@ المفهوم الخاطأ للزواج

@ تدخل الاهل والاقارب في المشاكل اللي تحصل بين الازواج


@ الخيانات بانواعها

@ اهمال الزوجه لزوجها واهمال الزوج لزوجته

[توفيق]

تسلميين يالنثيه على مشاركتك القيمة وأبداء رأيك بكل صراحة ولك كل الشكر , وأتمنى مشاركة الجميع كذلك.

[مودي الحساس]

الصراحه لأنه ماكو عقل ....
وكله ببالهم هذا حل الأمور.....
وببالهم انه تيي غير الوحده عشر....
اهيه الخسرانه يا تسوي اللي اقوله يا اطلقها واحط العيب فيها
واتزوج غيرها......

[الفيلسوفه]

الاحصائيات تقول أكثر أسباب الطلاق اهيا الزواج المبكر .... و من بعدها أنا أتوقع عدم التكافئ الاجتماعي والثقافي والفكري ......
و الصراحه اكثر شباب هالايام متهورين الحمدلله و الشكر عمره 19 ما ادري 20 يروح حق أمه يقولها أبي أتزوج وين قاعدين الدنيا فوضه توه ما خذ الليسن و يبي يتزوج ..... يعني أصغر شي المفروض يكون 26 و يكون ناضج و عارف الدنيا و مو كل من هب و دب يتزوج و لازم تكون المره الي بيتزوجها بمستواه عشان ما يعذبها و لا اهيا تعذبه ... و الصراحه هذا رأيي و انا أقول مو كل الشباب بعضهم ... و أسفه على الطواله بالحجي و مشكور على القضيه المهمه أخوي

[Nathyaa]

الفيلسوفه

فعلا كلامج صحيح 100 %


الزواج المبكر مشكله

ذكرتيني قبل اسبوع تقريبا رايحه عرس ناس

الريال 19 سنه عمره والبنت 15 سنه


بالله عليكم هذا اسمه زواج والا لعب ؟؟


هذول وين يتحملون مسؤوليه

[وداد]

يعطيكم العافيه
انا برايي هالاسباب اللي ذكرتوها صح ممكن تكون سبب للطلاق بس موشرط
لانه في ناس احسنلهم يتزوجون بسرعه حفاظا على نفسهم وماشاء الله في شباب صج صغير بس تفكيره كبير وراقي يمكن شوي يكون موهذاك الزود بس انا برايي مع شوية تدخل من ناس لهم التاثير والفكر العالي مثل الابو او الاخو اللي اكبر يمكن اذا ظهر مشكله يحاولون يساعدونه
بس في بعد مشاكل ثانيه تظهر ومنها الريال اللي يتزوج وحاط باله افكار معينه, يكون حاط باله انه المره دايما حاطه بالها انها بتتحكم فيه وتشوفه بس تزوج يبي يثبت انها غلطانه ويمكن البنت واعليه ماتدري شسالفه.
في بعد سبب انه في رياييل كله يعدون روحهم كبار يعني صج تفكيره اكبر من سنه وهالشي حلووو وممتاز بس هالشي مفروض ماتاثر عليه يعني عقله يكون كبير موضروري اهو يكبر نفسه انه والله خلاص راحت عليه وانه اهو شايب واي متعه بالحياه مو له ولزوجته وانما للناس الصغار (اللي يمكن من طقة عمره) بس مع الاسف يمنع على نفسه واهله الفرفشه والحياة ويبدلها الى كآبه وضيقة خلق.
وفي شغله بعد الضغط كثرة الضغط يسبب الانفجار ماخذينها بالفيزيا (ههههه يعني شوفوني اللي مايدري انا علمي)
طبعا هالامور للطرفين البنت والريال واذا الواحد بيتحجه فيها على قولة الاخت نثيه مانخلص.