زواج الصغرى قبل الكبرى مشكلةاوجدها المجتمع

[Nathyaa]

ساقدم مقدمه لكم:

يتقدم الشاب حسن الخلق والدين لخطبة إحدى بنات العائلة فيقف الوالدان فى حيرة بين نداء العقل والدين الذى يحتم قبول هذا الخاطب عملاً بقول رسول الله " ص "إذا جاءكم من ترضون دينه وخلقه فزوجوه ....." الحديث، ونداء العاطفة التى تتمزق بين البنتين، فإن تمت الموافقة سعدت الصغرى وتألمت الكبرى نفسيا، وإن تم الرفض وقع الظلم على الصغري!!
هذا المشهد يتكرر فى كثير من بيوتنا فماذا يفعل الآباء؟ وإلى متى تحول العادات والتقاليد - التى قد تتناقض مع تعاليم ديننا - دون اتخاذ قرارات تسعدنا وتسعد أبناءنا؟!خطبة الصغري



قد يتصور البعض بما فيهم الأخت الكبرى أن مجرد خطبة الصغرى قبلها يعنى تفوقها فى الجمال أو الذكاء، وهذا التصور غالباً ما يكون خاطئاً فقد تكون الخطبة من قبل أناس لا يعرفون الكبرى كان تأتى عن طريق الزميلات فى المدرسة أو الجامعة أو العمل.



إن زواج الأخت الكبرى كان هو المبدأ الثابت فى الزواج قديماً، وكان لذلك أسبابه وظروفه حيث كان من المعروف أن فلاناً أب لفلانة وفلانة. وعندما يتقدم أحد الشباب إليه راغباً فى نسبه يطلب الكبرى لأنها هى الجاهزة للزواج، أما الآن وبعد أن خرجت الفتاة للتعليم والعمل فقد اختلفت الأمور وأصبح الشاب وهو فى طريقه للارتباط يعرف كل شيء تقريباً عمن يرغب فى أن تشاركه حياته ولا يرضى بها بديلاً.



فما رأيك انت اخي او اختي في هذه المسأله الاجتماعيه التي تفاقمت في ايامنا هذه

 

 

[><LORY><]

[align=center]
برأيي المسأله ترجع للأهل. .

اذا اخذوا الموضوع ببساطه وسهوله ولين

ماراح يكون فيه مشاكل لا بين الأخوات ولا الأهل

. . لكن اذا الاهل ضخموا الامر وأخذوا الموقف

بحساسيه وقاموا يطالعون الكبيره كأنها الغلطانه

بيكون الوضع جداً حساس

. . . الدعوه في الاهل التقاليد مالها اي دور في هالموضوع

خاصةً في هالوقت .

وسلامتكم

يسلمووووووووووووو ناثيا وانشاء الله كفيت ووفيت

_______[/align]

[Nathyaa]

كفيتي ووفيتي يا قلبي

اوكي انا بعرف وين الغلط هل هو من الاهل او المجتمع او العادات والتقاليد

وشنو راح يكون ردة فعل الاخت الكبيره ونضرة الناس لها

[kuwait]

اول شي مشكوره يا عزيزتي نثيه على هالموضوع الهادف واللي حاصل في مجتمعنا
بس انا من وجهت نظري الزواج قسمه ونصيب
يعني لو صرت بهالموقف بالعكس بنتي الصغيره ياها نصيبها ومثل ما يأ النصيب حق الصغيره لابد انه ايي حق الكبيره واللي تفكر انه لا اختها اكثر ذكاء منها او حلا او اي شي ثاني فهاذي تعتبر غيره يعني مخها صغير اللي تفكر بهالاشياء اللي تظهر الانسان من الخارج بس
اهم شي الاخلاق والاخلاق ما تبين الا لمن تتعرف على الشخص او تسمع عنهها كل علم طيب
يعني انا لو يكون عندي اختيارين راح اختار البنت اللي اخلاقها عاليه وقلبها كبير
ومراح اختار الجميله ممكن يكون قلبها اسود
ومافي انسان كامل في هالدنيا
مو كامل غير وجهه الله عز وجل
والله يعطيج العافيه يا غاليتي نثيه موضوعج حلو وشيق وجميييييييييييييييل جدا

[بنت السويدي]

مثل ماقال كويت قسمه ونصيب يعني البنت ونصيبها مافيها شي اذا الصغيره عرست قبل الكبيره ومثل ماقلتي يمكن الناس شافوا الضغيره وما يعرفون الكبيره وطبعا فنفس الوقت الكبيره راح تتحسس بموضوع اختها بأنها عرست قبلها واكيد اتفكر بأنها كبيره ومحد يباها وهذا تفكير البنت فهالايام وهذا شي طبيعي واصلا هذا كله قسمه ونصيب بس الناس ماترحم ويوم يشوفون الكبيره محد ماخذنها يقولون اكيد فيها شي عسب جي محد يخذها ويظلمون البنت بس ماقول غير هاي حال الدنيا بس في ناس اتفكر بالجمال والحلاه ولاتفكر بالاخلاق يعني لو الصغيره احلى عن الكبيره راح يختارون الصغيره لانها احلى عنها وهذا الي يفكرون فيه الناس فأيامنا الجمال قبل الاخلاق.......

[بنت السويدي]

من كثر اني متحمسه للموضوع نسيت اشكرج


يسلمووووووووووووووو نثيووووووووووووه عالموضوع الحلوووووو والله لايحرمني منج

[Nathyaa]

كويت :

كلامك صحيح

بس للاسف في بعض الاسر لين الحين علي تفكير اول

واسر كثيره بعد

انزين ماقلت لي شنو نضرة الرجل الثاني لما يي يخطب البنت الكبيره ويقولون له ان اختها الصغيره متزوجه قبلها

شنو تفكيره هني ؟؟

[Nathyaa]

بنت السويد :

يسلمو قلبي

بس انا ابي شنو شعور الكبيره لما تتزوج الصغيره وهي لاااااااا

شنو راح تصير نفسيتها

وهل انتي مع زواج الصغيره قبل الكبيره ولا لا ء ؟

[g6waa]

.. .. بصراحه الزواج قسمه ونصيب ,
صج ممكن ان الفتاه الكبرى تتأثر ولو بشي بسيط ,
لان هذي سنة الحياه وهذي النصيب ,
واعتقد اللحين مو مثل قبل موجوده هالمشكله وخاصه في المجتمعات الفاهمه ,
تسلمين يا قلبوووو ..

[بنت السويدي]

راح تتأثر الكبيره شي اكيد ونفسيتها راح اتكون تعبانه شي اكيد لان اتشوف نفسها كل سنه ورا سنه عمرها يتقدم واذا البنت كبرت فالعمر فشي اكيد راح اتفكر انهه مب مرغوب فيها وان محد يباها لان هذا الي يصير في ايامنا وحتى لو انشوف البنت فهالايام راح اتوافق على اي شخص يتقدملها لانها اتشوف عمرها انها كبيره ومجد راح يرضى فيها وهالايام انشوف الرياييل يوم يبون يتزوجون يختارووون الصغيره ماعرف ليش يمكن لان تفكيرهم لان البنت صغيره احسن وينقص عليها بكم كلمه وانها ماتعرف فالدنيا وايد عكس اذا الوحده كبيره اتكون فاهمه الدنيا عدل وماينقص عليها بس انا اكون من الطرفين يا الصغيره او الكبيره ترا قسمه ونصيب ، الصغيره راح تتزوج وعقب سنه او سنتين الكبيره راح تتزوج ترا كل السالفه قسمه ونصيب والي مكتوب راح يصير