بسم الله الرحمن الرحيم
نتكلم سوي عن البطاله . من وجهة نظري المتواضعه جدا ان في العام 2010 سوف يكون هناك شباب وشابات في خليجنا العربي متسدحين انسداحا على الارصفه امام مكاتب العمل بأمل الحصول على وظيفه ... الله المستعان ..
اليكم بعض تخيلاتي لعام 2010 اطال الله عمرنا واعماركم .
اتخيل الان شاب خليجي حسن المظهر هندامه ولا اروع واقف على احد الارصفه بجوار احد البنوك وبيده قيثار او عود او يمكن ناي وامامه طاقيه او علبه فاضيه اضن انها تنكه وشغال اخينا في الله يعزف للناس الرايحه والجايه والناس يضعون له المقسوم في تلك الطاقيه او العلبه الفاضيه و أضن انها التنكه . مسكين طلع جامعي عاطل.
واتخيل واحد ثاني بس لابس فرنجي ومعه قرد مربوط في حبل والحبل مربوط في بنطلون صاحبنا ( من شان شو الحبل ... من شان القرد مايفل ) المهم صاحبنا معلم القرد اللغه مدري القرد معلمه وشغال يطمر على ذا ويمزح على ذاك .
ملاحظه: عنده نفس الطاقيه او العلبه الفاضيه واضن انها تنكه اللي عند صاحبنا اللي فوق والناس برضه بتحط له المقسوم فيها. مسكين طلع حامل مؤهل ثانوي عاطل.
واتخيل واحد ثالث وخير اللهم اجعله خير قال ايه قال عامل في محل خضار وبصراحه وقفت اراقب الموقف وابغى اشوف ايش مصير العامل هذا ؟ ممكن تسألوني ليش ؟ اقولكم ليش .. هذا يا اخوان لاني ماشفت قدامه طاقيه ولا علبه فاضيه ولا اللي اضن انها تنكه .. وفرحت قلت يمكن المحل ملكه ... وكنت ابغى اشوف كيف اخرتها معه .. المهم راقبته من الساعه 5 فجرا وجلست اراقبه الى الساعه 6 مساء يعني حوالي 13 ساعه متواصله .. بصراحه تعبت بس قلت لازم اشوف اخرتها( على فكره انا لزقه ) . فجاءة ظهر ذلك الشخص الذي اعرفه منذ زمن بعيد جدا انه كومار الهندي وقد كان عاملا عند احد الاشخاص اللذين اعرفهم واقترب من هذا الشاب الذي اراقبه 13 ساعه واقتربت لا سمع ماذا يقول له وسمعت شيء لم اصدقه. شوفوا الكلام اللي صار وسوف اقوم بترجمة كلام كومار من اللغه الهندوعربيه الى العربيه:
كومار : انته يا فلد ( يقصد انته يا ولد )
العامل : نعم عمي كومار الله يحيك عمي
كومار : اما في اينك اش كلام هذا ليس تفاح انت مافيه بيع ليس برتقال انت مافيه رص ليس موز انت مافيه علق ( يقول كومار عمى في عينك ليش ماتبيع التفاح وليش ماترص البرتقال وليش ماتعلق الموز )
العامل : معليش عمي بس والله اليوم الشغل كثير وما امداني اسوي اللي قلت .
كومار : مايمدي انتا هاه مايمدي والله انت سيطان كبير انتا ممكن في هند انا سوي انتا خروز نهائي ( يتريق عليه كومار ويقله انت شيطان ولو انه معاه بالهند كان سواله خروج نهائي )
العامل : سا محني عمي سا محني عمي والله ماعيدها اهع اهع اهع ( يبكي طبعا ) .
وفجاءه مد كومار يده في جيبه واخرج مايقارب ثلاثون ريالا واعطاها لاخونا العامل .. لا ويقول له بكره يزي بدري كلاص( يعني بكره تجي بدري خلاص )
مسكين العامل هذا حامل مؤهل الكفاءه المتوسطه .
وطبعا يا خواني طلع كومار هو صاحب المحل واخونا الشاب عامل عنده!!!!!!!!!! .
شوفوا بالله يا اخواني تساهل البلديات وتساهل مكاتب العمل عندنا في الخليج مستخسرين على الشباب بسطة خضــــار وسواقة تاكسي ... هل البلديات ومكاتب العمل عاجزين عن تسفير من يعمل بمحلات الخضار ؟؟؟؟ هل وزارة المواصلات ومكاتب العمل عاجزين عن تسفير سائقي الاجرة والليموزينات ؟؟؟؟
وهناك مافيا اسواق وبالذات في مدننا الكبيره في الخليج ...مافيا هنديه مافيا باكستانيه مافيا بنغاليه لا وهالحين فيه مافيا جديده لنج مافيا حلوه بصراحه مافيا شاميه بالزعتر ومافيا لبنانيه مع فتوش وتبوله ( لكان خيو عيوني الك ). يااااااااااهووووووووووووووه يا مكتب العمل يا بلديات يا مواصلات اصحوا شوفوا الشباب راحوا وطي . والله شبابنا طيبين والله حلوين والله وطنيين .
تقولوا فيه شباب مايشتغلوا ... امنا بالله فيه كلامكم صح بس تراهم نسبه بسيطه والاكثريه طيبين وبيشتغلوا .. تقولوا مافيه وظائف .. نقول لكم معليش انتوا غلطانين انتم اعرف الناس كم عدد العماله اللي تشتغل عندنا اكثر من 10 ملايين عامل يمكن ونسبه كبيره منهم لهم اكثر من عشر سنوات في بلادنا كحد ادنى ......
سامحوني ولا هنتــــوا
21-12-2005, 12:08 AM
المواضيع المتشابهه
