تزيين الكيك ( الجزء الثاني )

[Nathyaa]

[frame="1 80"]

تزيــين ( 2 ) الكيـك










بنشوف بالجزء الثاني هذا
مقادير وطريقة لكريمة الخاصة لتزييـن الكيك اللي اتحجيت عنها بالجزء الأول
وهي أحسن كريمة لتغطية الكيك
لأن هالكريمة سهلة باستعمالها لتزيـين أي نوع من الكيك

لكن

لي بغينا نستخدمها لتغطية الكيكة
لازم اتكون متماسكة ورخوه بعض الشي .. يعني باردة اشوي
لأن لكريمة ان ما كانت متماسكه لي الوقت اللي نبي نستخدمها فيه
ماراح تعطينا الشكل اللي نبيه للتزيـين لانها بتكون ذايـبه

والحين بذكر مقادير هالكريمة


نص كوب شورتنبنج

نص كوب زبدة " طرية اشوي "

" ملعقه وحده من الفانيلا السائلة "
ولازم اتكون موملونة لأن اللون يغير لون الكريمة

اربعة اكواب سكر أبيض بودرة

ملعقتين حليب سائل


نخفق الزبدة والشورتينج عدل بالخفاقة الكهربائية
نضيف الفانيلا
وبالتدريج نضيف السكر مع الاستمرار بالخفق على سرعة متوسطة

وبعد مانحط كل السكر بتصير لكريمة صلبة وجافة

وبعدها نضيف الحليب معلقة ملعقه كل مرة ونستمر بالخفق
لين تصير لكريمة خفيفة وطرية اشوي
ولي خلصنا نحفظ هالكريمة بعد ما نغطينها عدل بالثلاجة لي وقت الإستعمال

.. عند إستعمالها نخفقها عدل مره ثانيه قبل ما نبتدي بالتزيـين فيها
ممكن تكون متماسكة اشوي
لكنه بالنهاية أضبط لعمل أشكال التزييـن عالكيكة

لي حبينا نستعملها لتغطية الكيك ابشكل كامل مثلا
نضيف ثلاث أو أربع ملاعق صغيرة
من ال
corn syrup

أو حتى اشوية نقط من الماء ونخفقهم مع لكريمة علشان اتصير رخوة اشوي


على فكره
لي بغينا نمسك الكيس الشمعي اللي بنحط لكريمة داخله وهو اللي تكلمت عنه بالايميل الأول
لازم نمسكه ابشكل مستقيم
يعني لي بغينا انسوي مثلا نجوم عالكيكة لازم نمسك الكيس بشكل مستقيم
مثل الصورة






لازم إتكون الزاوية 90 درجة
لكن لو ميلتي إيدج هالنجوم ما راح تطلع عدله

وبوضح ان علشان ما تلصق لكريمة بيدج لي ضغطتي عالكريمة غطي أصابعج بشوية نشاء


اوكي والحين انشوف اشكال لطرق التزييـن عالكيك



كريمة الأرنب







عن طريق استخدامنا لرأس رقم
A2
واللي وضحتهم بالصور ابايميل الجزء الأول
أول شي نقوم فيه اهو عمل دائرة للرأس
و
ونضغط اشوي علي وسط الدائرة علشان انواسي السطح
و
برؤوس رقم 12
نلصق الأذنـين برأس الأرنب مع مدهم في نهاية الطرف لكل أذن
وبعد جذي نستخدم الرأس 3
ونسوي نقط للعيون و الأنف والخدود
وطبعآ ما ننسى تميـيز كل جزء انسويه ابلون مختلف عن غيره
علشان توضح معانا الصورة أكثر وهم يعطيها شكل احلى





شرايط الورد






عن طريق استخدام رأس رقم 104
انسوي ربطة عند اليمين بعدها عند اليسار واخرها شرايط في الوسط




شكل الجزر






برأس رقم 3
نقوم بعمل كيس التزييـن ونضخ لكريمة بقوة
مع عمل تعرجات خفيفة علشان تاخذ لكريمة شكل الجزر
وعند الطرف أرخي الضغط علي كيس لكريمة
وخلي طرفها مدبب مثل الصورة
و بستخدام رأس رقم 233
وبكريمة بلون أخضر أسوي أوراق الجزر


شكل الدب






برأس رقم 12
نسوي دائرة كبيرة لجسم الدب
وبصبعج وهو عليه اشوي من النشاء علشان ما تلزق لكريمه ابايدج
ضغطي اشوي اشوي على وسط الدائرة
لين يستوي السطح
وبرأس رقم 3 أنسوي الرأس والأطراف
بنفس الطريقة السابقة
مع ملاحظة أن يكون رأس الدب أكبر من الأطراف
واخر شي برأس رقم 1 أنسوي لعيون والاذنيـن


.... يتبع الجزء الثالث والأخير[/frame]

 

 

[~*~عاطفية~*~]

يا سلام عليج يا نثيه

تسلمين يا قلبى على الموضوع

[Nathyaa]

الف شكر علي التواصل والمرور العسل