الســـلااااام عليكم ورحمة اللــــــــــــــــــه وبركـــااااته
أبي أقــــولكم قصـــــــة عنــى أنــا والصـــرااااحه هـذي القصه تعلمة منــها اشياء واايد
اناااا تخرجة من الثاانويه العااااامه وكاانت نسبتي بالثاانويه ضعيفه والصراااحه كاان طموحي انه يصير مستقبلي حلوو وكنت ابي ادرس دراسه حلوووه وبالنسبه الي نسبتي ماكنت اقدر ادرس بالهندسه وانا كنت ابي شهادة قوويه
ومعاا الأيااام ياني واااحد من الربع وقالي وين بتدرس قلت والله مادري وين اروح متوهق نسبتي ضعيفه ومااقدر ادش بدراسه زينه بالديره قالي تبي دراسه حلووه وشهااده زينه قلت اي علي ايدك جان يقولي اكو دوله اسمهاا اوكرانياا في شباب يدرسون طب اسنان اهناااك قلت انزين جم يبون النسبه قالي مايبون عاادي دراسه بفلوسك وقعدت افكر بالموضوع لما صممة اني اروح ادرس اهنااك وكلمت الولد والوالده والصراحه الولد قالي الله يوفقك والولده رفضة قالي مااتروح وانا صممة عالموضوع وقعدت احااجي الوالده لما وافقة ورحت اناا ساافرت اوكرانيا بمنطقة اوديسيا وقدمت عالدراسه اهناااك قالو دراستنه أول شي لما تااخذ لغه الروسيه الي اهي الغه الأوكرانيه قلت اوكي المهم دشية السنه الأوله قاعد اتعلم اللغه الروسيه وطبعأ اهنااك مايتحجون انجليزي لانهم يستحقرون ويكرهون الأنجليز والحمدالله توفقة وتعلمة اللغه الروسيه 55 من الأميه ونسبه زينه هذي ودشية السنه الثاانيه بداية الدراسه لطب الأسناان وطبعأ كنت من فتره وفتره اتصل علي الأهل وكاانت امي اتوصي علي دربالك ترا انت بمنطقه يعني الوضع مو اوكي فيهاا واحرص علي نفسك ولا تخربط وقلت وانا اضحك يمه شسالفه انا بأوديسيا من البيت لي المسيد ومن المسيد لي البيت طبعأ هذي كاانت ضحكه مني عشان امي تطئمن علي ومعا بداية السنه الثااانيه بعد مااتعلمت نظام المنطقه وقدرت اتفاهم معا الأوكرانين بالحجي قمت اصيع وطنشة الدراسه يعني اناا اقولكم كل شي بفلوس اعطي الدكتور افلوس ينجحني واستانت عالوضع قلت يعني باخذ الشهاده بدون تعب ولا دراسه المهم وبعد الصايعه فاا قمت اصيع اكثر واكثر وكنت اروح دايما للديسكوااات والنواادي اليله والسنتر والمطااعم وذاك اليوم مره بمطعم فخم مطعم تركي بمنطقة اوديسيا اسمه ليله اكل منه دايما عشاان كنت اخااف اكل من مطاعم ثانيه لاني مابي اكل لحم خنازير وماكو الي المطعم هذا الي اعرفه زين لحم بقر وانا قاعد بالمطعم قاعده جدامي وحده اوكرانيه حلوه وجميله يعني فوق مااتتصورون وانا يعني كان عيني بعينهاا واطالعها واهي كانت اطالعني واتصد عني استغربة نظراتي لهاا المهم قمت انا واروح احااجيها وقعدت اسوالف وياه وقلت يعني انا اتمنا اكون صديقج ومثل هالأشياء واهي وافقة وبعدين قمنا نطلع انروح نستاانس بالمدن الترفيهيه مثلا لونا بارك واتاكياا واهي قالتلي انت من اي دوله قلت انا كوبي وامي ايطاليه طبعأ لازم اجذب اهنااك مايحبون العرب واستانت ومره وانا رايح البيت واهي وياي وقعدنه بالبيت وانا كنت ناسي جواز فوق التي في التلفزيون وانا مادري المهم جاان اهي اتقوم وتبي اتبطل التي في جان اتشوف شي فووق التلفزيون جاان تاخذ الجوااز واهي ماتدري المهم بطلة الجوااز وقرت واكتشفت اني من الكويت وقالت انتاا عربي قلت لا جان اتقولي عيل شنو هذا وانا انصدمة لما شفت الجوااز بيدهاا وضحكة وقلت انا كويتي جان اتقولي ليش اتجذب علي قلت انا اصلي كوبي بس اخذت الجنسيه كويتيه تقولي انتاا كريزي انتاا مينون وقعدت اضحك اناا وبعدين مرت السالفه بسلااام وبعدين اربع ايااام ابوي حطلي افلوس بالبنك علي حسابي واتصلة عليها قلت لهاا تعالي البيت ابي اروح انا وياج اتمشي وبعد نص ساعه وصلة البيت وطلعة انا وياااه وقلت بروح البنك قلت اوكي يله وبعدين لما رحت البنت سحبة 3500 أقريفن يعني 300 دينار كويتي واهي اطالعني اتخزني لما شافت للفلوس كنت بدفع حق السكن وحق الكليه وبعدين قمت اشوف اتسوي اتصالات وايد استغربة انا قلت تتصلين علي منو تقولي علي صديقااتي قلت اوكي وبعد اشوي جان اتقولي خلنه انروح حديقة لونا بارك قلت اوكي وكان الوقت متأخر استغربة اناا هالحزه بتروح الحديقة وانا شخص يعني عادي عندي ماقعد اخااتي يعني مافكرت بالخووف ورحت ويااه وصلنه الحديقة والي لقينه الألعاب مصكرينها قلت يله خلينه انرد البيت صكرو الألعاب جان اتقولي خلنه نقعد عالكراسي قلت اوكي مو مشكله وقعده عالكراسي الي اشوف قروب شباب ياين صوبنه المهم اوقفو عندناا وقعدين يقولولي ليش قاعد اهني قلت قاعد عاادي جاان يقولي انتاا عربي قلت اي عربي واعترفة جاان يقول طلع كل الي بمخباتك لا نذبحك انا اهني ضحكة وطالعة رفيجتي ساكته وقامت عني وانصدمة الصراحه وانا معااي 3500 اقريفن يعني مبلغ وايد عندهم المهم قاعد اسب فيهم قلت الي يجيسني اذبحه المهم واااحد منهم مد ايد ايده علي ومديت ايدي عليه جان كلهم يقعدون يمدون ايدينهم علي يعني طقوني طق سنه بساعه ورفيجتي راحت مادري وين راحت المهم اخذ البوك مني واخذو للفلوس واناا تعورت صج وارتفع ضغطي والحين ماكو افلوس بروح البيت شلون جااان اطقها مشي 20 كيلو وانا امشي لي البيت وصلة البيت وعلي طول اتصلة علي واااحد عربي فلسطيني قلت السالفه وياني علي طول وماقصر وياي وداني الطبيب ورحنه المخفر اشتكينه بس المشكله انه بالمخفر بالشرطه ماكاانو يردون علينه مو هاامينهم مطنشين فينه وبعدين اتصلة علي الأهل وقلت السالفه وقالي ابوي الحين اترد الديره قلت ماعندي افلوس ولا عندي شي عشان احجز اقرب طياره جاان يقولي انا اطرشلك طرشلي فلووس ورحت بحجز مالقيت حجز وتوهقة الحين لا بيت ولا شي بس عندي فلوس التذكره ومصروف جم يوم المهم قالي الفلسطيني ليش ماتروح العاصمه كيف واتروح السفاره الكويتيه اهنااك قلت اي والله المهم الحين انا عندي فلوس التذكره ومااعندي فلوس الطيران الدااخلي للعاصمه ويت بتصل علي الأهل عشان يطرشولي افلوس جان يقولي الفلسطيني انا اعطيك قلت لا مشكوره راح يطرشولي افلوس قال مو مشكله بس توصل الكويت طرشلي انت قلت اوكي وحجزت طيران داخلي لي العاصمة اوكرانيا كيف ورحت السفاره الكويتيه وقعدت وقلتهم السالفه وماقصرو وياي كل شي عطووني والصراحه كنت يعني متضايق وايد لي درجة قاعد اقول بس ارد للكويت والله ماراح اساافر اي دوله حتا لو دوله بالخليج كرهت الحياة بره الديره وبعدين حجزولي السفاره الكويتيه ودفعة حق التذكره ورديت يوم 24 /8 وصلة الديره بسلامه والحمدالله والله اول ماوصلة صج يعني قاعد افكر قلت لو ذبحوني اهنااك ماكو احد يدرني عني المهم وهذي قصتي والصراحه يعني تعلمة منها وايد يعني نصيحه الي بيروح يدرس لا يدور خرابيط يجابل دراسته وبس ولا يتعرف علي اي شي كاااااان لانه ديره مو ديرتك لاتثق بإي أحد فيهااا
وانشاءالله الله يعوضني السنتين الي فاتو واكمل دراستي
30-10-2005, 11:23 PM
هــذي أهي قصــتي وتعــلمة الكثيــــــر منهـا
