كيف تتخلصين من معاكسات الشباب ...

[بنت السويدي]

[align=center]السلام عليكم ورحمة الله وبركاتة

كيف تتخلصين من معاكسات الشباب ؟؟

وايد بنات يعانون من هالمشكله

فحبيت اني احط موضوع يتكلم عن هذي المشكله

هالمشكله يتعرض لها وايد من البنات

طبعا والكل يعرف لما تروح البنت السوق تشوف وايد من الشباب في السوق بس يتصيدون

طبعا حركاتهم معروفه

بس حبيت اقول كيفيه حلها بسرعه من غير مشاكل

1- ان تلتزم البنت باللباس المحترم والمحتشم

لان معظم الشباب لما يشوفون هالبنت محد راح يتجرأ ان يتعرضلها

2- ان تكون البنت مع أخوها او أبوها لان الشباب يخافون من هذه النقطه (اذا غازلها وشافه الريال الي معاها راح تصير مشكله فيتجنب هالشي)

3- ان تكون البنت مع امها لان الشباب يلقبون على الام (جيمس بوند)

الاخطاء التي يقع معظم البنات فيها

1- انها اذا كانت مع اهلها في ممشى او اي مكان تروح تمشي بروحها طبعا هالشي عادي ومن حقها لكن اذا لاحظت اي شاب يمشي وراها المفروض تنضم مع اهلها

2- انها اذا لاحظت شاب يلحقها مع اهلها ماتترك اهلها وتمشي بروحها عشان بس اتكلم شاب وتقول له بس ذبحتني (هذه الملاحظه شفتها في ممشى المركز العلمي ) طبعا هذا غلط فادح قولي حق ابوج او اخوج او اي ريال وياج و شوفيه شنو راح يسوي

3- اذا كان الشاب جرئ وكلمها فعليها ان ما ترد عليه ولاتهتمله وجنها ماشافت شي

4- اذا قط لها رقم لا تاخذه مهما كان او كانت الاسباب

5- طبعا معروف بالبنات انها تتأثر بالكلام العاطفي فيلجأ الشاب الى العبارات الكاذبه


هذا طبعا شويه من اللي يسوونه الشباب لكن هم البنت عليها ان تحرص على نفسها وتصونها

والبنت اللي في الوقت الحالي مصاحبه تأكدي ان قاعد يلعب ويتسلى فيج واذا يقولج ان يحبج ويبي يخطبج ومن هالخرابيط هم يقص عليج لو يحبج صج جان مارضى عليج ان تكلمينه بالتلفون وتطلعين معاه اللي يحب ايي من الباب موبالخش والدس واتمنى ان كل بنت تكون حريصه على نفسها وتحط ابالها اول شي مراقبه ربها وسمعتها وسمعت اهلها ولو هالشي موغلط جان سوته جدام اهلها والناس لكنه غلط واكبر غلط واهي عارفه هالشي عشان جذي تسويه من وراهم

وتأكدي ان الشخص اللي قاعده تكلمينه عمره مايرضى على خواته ان يسوون اللي انتي قاعده تسوينه لان يخاف عليهم ومايرضالهم هالشي اختي سألتي نفسج مره ليش الشباب يتحرشون بالبنات لاتعتقدين ان حبا فيج لا لمجرد المتعه والتسليه ونطري لما يمل منج وبعدين ولا جنه يعرفج فلا تنطرين هالشي يصير

أختي الغاليه صوني نفسج وحافظي عليها كثر ماتقدرين ترى ان فات الفوت ماينفع الصوت ولا ينفع الندم وتاكدي ماكو ريال يفكر ان يتزوج وحده كان يكلمها من قبل او لها سوابق

فديروا بالكم يابنات على نفسكم

وديروا بالكم من حفر الشيطان والشباب

واتمنى ان تتقبلون نصيحتي بصدر رحب [/align]

 

 

[Klly4you]

بل بل كل هذا منا
هههههههه

[جمايل]

يسلمووو بن سويدي على ها النصائح

والله يكفينااا شر ضعاف النفوس


ويعطيج الف عافيه

[VIP]

والله طلعنا شياطين لهدرجه ههههههههههههههههههههههههههه

ابليس انا طبعاً الكامات انتي دشيتي قلبي وانتي مشاء الله عليج أيه من الجمال صدقيني انا قصدي شريف
اصابعج مو سوى وغيره من الكلام هذول اللي يقولون اعمارهم اقل من 21 سنه هههههههههههههههههههه
اما احنا غير...

[عسوووله]

يسلمو اختي على الموضوع الحلو بس شباب اليوم ما يخافون لا من الابو ولا الام ولا الاخو يعني مالهم شغل منو معاج بس نفس ماقلتي اهم شي تلتزم باللباس المحتشم وتكون البنت محترمه نفسها وهذا اهم شي واشكرج اختي

[Nathyaa]

هههههههه والله شياطين

بس علي فكره الشاب مايرده لا ابو البنت ولا اخو البنت اللي يرد الشاب البنت بنفسها ثاني شي عمر اللبس ماتدخل بشخصية البنت والله عز الله السامع لو صخله تمشي لابسه عبايه وتضحك هم بيلحقونها

يعني مو لبس البنت اللي يخلي الشاب يلحقها بالعكس اللي يمنع الشاب انه يلحق البنت شخصيتها ونضرتها ومشيتها وكلامها واسلوبها مو لبسها

يسلموووووووو قلبي علي الموضوع

بالنسبه ل vip والله كلامك صح كل ماتكلم واحد قال انا غير الظاهر نازل من القمر

[بنت السويدي]

Vip ==========> :mh2578: عبطنك

:a58:

[بنت السويدي]

:mh93: يا ViP

[g6waa]

تسلمين يا قلبوووووووووو

خوش نصايح لووووول

فديتج ياقلبووو

g6waa

[Nathyaa]

شنو يعني عبطنك