حـــكـــمة أمـــي
لوسمحتي يافلانه ممكن اسال بس سؤال
مدري اتوقع فهمتي هالسؤال وقصدي زين
=
انتي لو شفتي ملاك بيوم دش روحج وقال
انا كلي بس عشانك انت واللي تطلبين
=
شنهو ردج وادري انها ماتجي الا بخيال
بس الفقير ان ضل عمره ماحلم اصبح دفين
=
قالت افهم مالي ابحب الشباب وهالمجال
قلت ماهو حب هذا اصبري بس تفهمين
=
ردت وقالت تكلم والصبر طول وطال
وانا ادري شنهو قصدك بس مابيها تزين
=
قلت والله يافلانه واللي صور هالجمال
ضاعت اسالتي جميع من لمحتج تضحكين
بس اذكر علمتني امي يوم انه جهال
انه كلمه حب بس يحتكرها الوالدين
هي صاجه امي ولا في بعدها جم مجال
ولا عمدا طوفتها بس لاتفتحلي عين
=
طالعتني ببتسامه وجاوبتني عالسؤال
جاوبت ناظر عيوني وانت تفهم يالرزين
=
جنها هالنظره تقول انتو كلكم يارجال
مابكم واحد يصون الحب لو مرت سنين
=
حبكم لو طال عمره فوق هامات الجبال
تهدمونه تهدمونه وينكم والحب وين
=
ثم قالت وش طلع ناتج جوابي بسؤال
قلت ابشري وصبرج عليا بس علج تفهمين
=
اثنتين كلمه بداها امرؤو القيس وقال
حبو حيث ماردتم لوعشقتم اثنتين
=
وقلت لحظه اصبري بس وافهمي شنهو المقال
قالت افهم وشهو افهم انه حبك لثنتين
=
قلت لازم هالمحبه تنقسم ولا محال
القسم لاول لامي والقسم لاخر دفين
=
وانسحبت من القاء وجت تركض فالمحال
جنها صاح القلب فيها وانتثر باقي الحنين
=
وقالت اصبر لو سمحت ممكن اسال بس سؤال
قلت حقج يافلانه بس حقي لاتجين
=
قالت انته تعرف اللي جابني لجلك وحال
خل قلبي في يدينك واحتفظ جانك امين
=
قلت ولله ماتفارق ايدي قلبج ياغزال
لو يجي يومي واموت بيحتضن قبري ثنين
03-09-2005, 01:41 AM
حكمت امي
المواضيع المتشابهه
