كمبوديات ^_^ جم مره ^_^

[Nathyaa]

هااااااااااااااااااااااااااااااي قروووووووووووووووووب

انا كنت اعصر مخي عشان اطلع اي فكره لين لقيت هالفكره
اللي تتكلم عن معدل تكرار الاشياء اللي تصير لنا في حياتنا اليوميه وتكون فعلا محيره
فا اتمنى اني اكون يبتها بالصميم او يم الصميم بشوي لووووووووووول
يلا نبلش 1 2 3 بوووووووووووووم

1- جم مره تقول بدرس حق الامتحان من فتره وكله تدرس حزت الحزه

2- جم مره تقولين بصوم ديني وكل مره تأجلين لين يدش عليج رمضان الياي

3- جم مره تقول خلاص ماني قاز بالشارع واخر شي جنك ماتدري انت بأشارة الحب

4- جم مره فكرت تشيل 100 دينار مو معاشك بس ايدك تاكلك من ينزل المعاش

5- جم مره تطلين في موبايلج حتى لو ما رن بتشوفين في مس كول ولا مسج

6- جم مره نقول نبي نحجز شاليها الخيران ونروح مركز المعلومات وكله مسكر

7- جم مره لحقج واحد حقير ومصدق عمره انه رايح يرقمج

8- جم مره قلت بقوم مبجر عشان اسبح واروح الدوام واخر شي نايم وماخذ طبيه

9- جم مره لي صار عندج استقبال ولا عرس تطلعلج حبه ولا نفره تغث عيشتج

10- جم مره انعزمتي عند رفيجاتج وامج مارضت وجذبتي وقلتي تعبانه ما اقدر اييكم

11- جم مره حطيت موبايلك على الشاحن وبعد ساعه لي ييت تطلع ولا البلاك مسكر

12- جم مره تدور مصفط ولما تلاقي مصفط تدوس تبي تروحله ولا سياره سمارت صافطه فيه

13- جم مره وانت تسولف بالليل مع الصاحبه ويخلص رصيدك واهيا بعد مخلص وتنامون ...خنت حيلي

14- جم مره صبغتي شعرج وطلع ظيم ورديتي صبغتيه مره ثانيه...عزت الله احترق الشعر

15- جم مره نغزتي حق رفيجج عشان يشتريلج كرت واهوا متنح ويستعبط لوووووووول

16- جم مره رقصتي بعرس وكل من زاغ عليج وعلى رقصج وسالوا عنج وماشفتي خطاطيب

17- جم مره شاد حيلك تبي تتغدى في نينو واخر شي طايف لفت المطعم ...من الطفاقه

18- جم مره وانتي بالمسيله قاعده تتشمسين وتشوفين بويه رايحه وراده عليج تخزخز...قطع

19- جم مره وانتي ماشيه والهوى يطير حجابج وتطلع القبعه الداخليه جنج صعيديه ..كاااااااك

20- جم مره وانتي حدج كاشخه عندج عرس وتطالعين نفسج بالمنظره وتقولين ياحلاتي يابخت اللي بياخذني

21- جم مره وانتي قاعده بالمحاضره وطليتي على ريلج ولا اظافرج تخرع واللي يمج مسويه بديكير

22- جم مره تعرفتي على واحد وعجبج ومافي مجال انج تحبينه وتتزوجينه

23- جم مره وانت بالمحاضره تشم ريحه مش ولا بد واخر شي يطلع اللي يمك والمحاضره توها مبشله

24- جم مره وانت تكون حدك كاشخ ومسوي ذيج النسفه ويقولك واحد يالحبيب طمقت المصبغه ورى

25- جم مره وصلج ايميل وانتي مبطلته بكل ثقه ويمج امج او اخوج واخر شي يطلع ايميل مو خوش...فشله

26- جم مره يوصوص عليك مسج الايسكيو وانت بالدوام ومسؤلك يمك يقول شنو هالصوت لوووووووول

27- جم مره دشت عليك مرتك وانت حدك منهمك بالبال توك تقولك شتسوي تقول اكلم رفيجي بامريكا

28- جم مره ييت تبصم حق طلعت الدوام ولا ايدك فيها اكل ولا فتافيت بسكوت لووووووول

29- جم مره حشيتي مع وحده في جنسيه معينه واخر شي طلعوا خوالها....مو بسكم حش

30- جم مره شريتي جنطه من ديور يديده وتروحين الكليه وله ثلث البنات لابسين مثلها تقليد

31- جم مره تكون لابسه دشداشه وقاعد مده ولما تقوم تكون عاضه ووراك سطرت بنات...ابيييه

32- جم مره وانتي بارض المعارض رايحه معرض العطور واييلج واحد خروف ويتلصق فيج...ويعه

33- جم مره وانت كاشخ حدك في مطعم ورعصت الكتشب جان يطشر على ويهك وهدومك

34- جم مره غنيت بالحمام واندمجت عبالك صوتك حلو واخر شي الوالد يزفك ويبي يكسر عليك الباب

35- جم مره كلمت بنت وجذبت عليها وقلت لها احبج عشان تاخذ منها فلوس حق السفره

36- جم مره يقولون ماراح اييون ستار اكاديمي بس جنهم بيون غصبن علينا

37- جم مره تقول بسمع قران بدال الاغاني ومن الحين ناطر شريط نوال اليديد

38- جم مره تقولين لي ضافني احد بالمسنجر ماني ضايفته ومن يضيفونج اوووووكي على طول


39- جم مره تقول ببطل من النت اللي تلف حياتي وبطلع اشوف الناس وليلحين معشش عليه

40- جم مره فزيت بنص الليل بسبت سحب عمال النظافه لدرامات الزباله عبالك مدافع


41- جم مره تقول اليوم بنام مبجر حق الدوام وماني شابك بالنت واخر شي مقعد اهلك حق صلاة الفير

42- جم مره تقولين هالشهر ماني رايحه السوق واخر شي الدبه ماتتسكر من المشتره

43- جم مره قلت بينك وبين نفسك هذا اخر باكيت زقاير ادخنه بس حامظ على بوزك

44- جم مره تصادفك الزحمه وانت على راح الكليه على جسر الغزاني وتتمعن في لاندمارك والجريوي

45- جم مره تحط بالمسنجر انك مشغول او بالخارج واييلك واحد مليق يقولك شتسوي

46- جم مره شفتي صوره واحد بالمسنجر شحلاته ولما تواعدينه يطلع سحت ويقول حاط صورة رفيجي عشان مابي اخسرج.....خنت حيلي والله

47- جم مره وانتي رايحه بتركبين سيارتج وتلاقين ورقه عليها تستانسين عبالج رقم واخر شي يطلع اعلان خدمات طلابيه

48- جم مره وانت تحاسب بالجمعيه يطلعلك بنغالي ملقوف وشاد حيله سلام بابا يبي يدز العربانه....خو كلهم كيسين

49- جم مره تدزين ايميل مشاركه حق اي قروب وتيلج اضافات بالمسنجر من شباب الكويت كلهم

50- جم مره تروحين مكان وانتي مو كاشخه وبدون مكياج ويصادفج واحد حلو وتتحسفين ليش مو كاشخه

51- جم مره طاحت عليك دوريه وانت مطلع الصاحبه ويطلعون الشرطه مطاوعه لوووووووول

52- جم مره كنتي مستعيله ورشيتي عطر في عيونج ونزلت الماسكرا على خدج

53- جم مره تنسين الحجاب وانتي طالعه من الصالون وتحسين رقبتج بارده من ورى ...يالهويــــــي

54- جم مره غسلت سيارتك ولمعتها بالمغسله ومن تطلع يطق مطر ولا يصير غبار....هذا جونا بعد شنو

55- جم مره مره حجزتي حق العمره بس تتفركش السالفه عند باب الطياره ....لوووول عيب

56- جم مره كسرت حساباتك ورحت طاير حق البنك ونطرته لما يفتح واخر شي يطلع يوم السبت

57- جم مره تعبت وانت تسوي براشيم واخر شي ولا سؤال يالك من اللي برشمته

58- جم مره جذبت على الاوادم وقلت انك مسافر واخر شي شايفينك بالمرينا...اوبسسسس

-59 جم مره انا كتبت كلمه اخر شي لوووووووووووووووووووووووووووووووووووووووووووووول

الحمدلله على السلامه خلصنا وانشاءالله اكون خفيفه عليكم ومو ثقيلة الطينه

وسامحونا على القصور وانشاءالله نكون يبنا بعض الشغلات بالصميم

مع تحياتي

 

 

[VIP]

مشكوره نثيه على الموضوع

جم مره قلت بقوم مبجر عشان اسبح واروح الدوام واخر شي نايم وماخذ طبيه

[Q8ya_7anoona]

مشكووووره نثيه على الموضوع
[glow1=33FF66]29- جم مره حشيتي مع وحده في جنسيه معينه واخر شي طلعوا خوالها....مو بسكم حش[/glow1] حده قصه ويه

[Klly4you]

يسلمو على الموضوع الطويل بس حلو
41- جم مره تقول اليوم بنام مبجر حق الدوام وماني شابك بالنت واخر شي مقعد اهلك حق صلاة الفير

[Nathyaa]

«®°·.¸.•°°·.¸¸.•°°·.¸.•°®»[glow1=FF6699]هههههههههه مشكورين حبايبي علي مروركم [/glow1]«®°·.¸.•°°·.¸¸.•°°·.¸.•°®»

[وا ســـطه]

نـــــــــــــــــــــــــــــــــــــثيه
نـــــــــــــــــــــــــــــــــثيه
نــــــــــــــــــــــــــــــثيه
نـــــــــــــــــــــــــــثيه
ارتفع ضغطى وانا اقراهم شلون تصير معاى موكلهم طبعا يعنى بعضهم
اطق وموووت
على العمووووم يسلمووووو خوش موضوع
تقبلى تحياتى..............................

[Nathyaa]

«®°·.¸.•°°·.¸¸.•°°·.¸.•°®»[glow1=FF3399]ههههههههههههههههههههههههااااااااااااااااااااااااااااااي

يسلمووووو خيو علي مرورك[/glow1]«®°·.¸.•°°·.¸¸.•°°·.¸.•°®»

[kuwait]

ههههههههههههههههههههههههههههههه
يسلموووووووو عزيزتي على الموضوع

[Nathyaa]

الله يسلمك

يسلمو علي المرور يا الغالي

[g6waa]

30- جم مره شريتي جنطه من ديور يديده وتروحين الكليه وله ثلث البنات لابسين مثلها تقليد
:mh0011:



g6waa