[align=center][frame="1 80"]الصراحة الشعراء حيل مصخوها .. والله مايصير
مايتغزلون الا بالنحيفات وعلى قولتهم غصن البان وغصن (علك)
ويتغزلون بالشعر الطويل والشعر الناعم ؟!! طيب واللي شعرها (عكش) وكشتها الله لا يوريكم؟ شتسوي لازم تحرق شعرها بـ (السشوار) عشان ترضون؟!!
المهم ابشركم الغيمه بدت (تنقشع) يابنات. والتف لكم احد الشعراء بقصيده روووووووووعة
.
يعني اذا وحده فيكن لها نية تسوي (رجيم) ياليت تبطله؟
لأن تعرفون كل شي ولله موضه. ومدام هـ الشاعر كتب قصيده اكيد كثير من الشعراء بيلحقونه. مثل الصينيين كله تقليد ... وعسى ماواحد يقول شي زين الا عشرين واحد صفطوا وراه.
بتركم مع قصيده الشاعر الرائع حمد السعيد:[/align]
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
للزين قالوا من قديمٍ علامات
عينٍ و مبسم والجسم والرشاقه
لكن كسر هـ القاعده هـ المتينات
من واقعٍ ماهو كلام وبلاغه
اللي محلهين ولو هن ثقيلات
دايم خفاف الدم.. وفيهن لباقه
الله ياهن ياجماعه لطيفات
وعلى الكلام الحلو فيهن طلاقه
ماهو ضروري بالرشاقه رشيقات
وزود الوزن ماهوب يعني اعاقه!
صحيح بعض اللبس يعني اهانات؟!
الوزن بالضيّق ..عديم العلاقه
بس مو ضروي يلبسن (استرتشات)
يازينهم واللبس واسع نطاقه
لا بارك الله فيك يالضيق بالذات
ترى السعه مرات تعطي اناقه
قالوا الرجيم اليوم هم البنيات
قلت الرجيم ادري.. يبي له فراغه
وقالوا الرياضه! قلت ماهن مريضات
للسكري لا مامعاهن بطاقه
قابلهن الله بلا رجيم و رياضات
بهدي لهن مني من الورد باقه
هن دفء هذا المجتمع.. هن رقيقات
هن ملح..هن سكر لذيذٍ مذاقه
هن لا سألتوني عن الحب بسكات
بقول هن فيهن عن الحب طاقه
ماهو كلام اللي كتبته واشاعات!!
انا اربطتني مع متينه علاقه[/frame][/poem]
25-12-2005, 11:39 AM
المواضيع المتشابهه
