كيف تحافظ على ايميلك من السرقة؟

[Nathyaa]

[frame="9 80"]



اقدملكم 27 نقطة في غاية الاهمية لحماية الايميل من السرقة





1 \

يجب ان تكون كلمة المرور طويلة جدا - وليس 5 او 7 خانات فقط

والافضل ان تجعلها بما يقارب

20

خانة وذلك في الياهوو اما الهوتميل للاسف فلا يدعم اكثر من 16 خانة






2 \

يجب ان تحتوى كلمة المرور على خليط من الرموز والارقام والحروف


تكون سمول وكابيتل يعنى تشكيلة كويسة



مثال

SFDH~297fj=-ZP%









3 \


يجب ان لا تكون كلمة المرور بسيطة بمعنى انك لا تتبع الطريقة الابجدية

على الكيبورد بطريقة تسلسلية - لازم تكون بطريقة عشوائية



مثال

QWERTYUI&123ASD





4 \

لا يجب ان تكون كلمة المرور عبارة عن ارقام تسلسلية او ارقام عشوائية فقط

لان انت ممكن تشوفها صعبة لكن مع وجود البرامج المختصة تبقى

عملية اكتشافها سهلة جدااااااااااا


مثال

123456789






5 \

لازم تكون كلمة المرور مختلفة عن اى معلومة حقيقية مختصة بيك يعنى

زى رقم الموبايل او البلد او المدينة لان زي ما الواحد شايف تلقى كاتب

اسم البلد وتاريخ ميلاد وهكذا






6 \


لازم تكون كلمة المرور بعيدة تماما على الكلمات المشهورة سواء اماكن

او اشخاص عارف ليه؟لانها اول حاجة ممكن تخطر على بال اى حد عايز

يخترق وكمان فى برامج مختصة بالموضوع ده






7 \

لازم يكون عندك ثقة بالشخص اللي بتراسله لان ممكن بعد فترة يبدأ يكشف

ويجمع معلومات عنك ممكن تفيده فى اختراق الايميل بتاعك علشان كده

المعلومات الشخصية لازم تكون سرية تماما ومش لأي حد






8 \

اوعى تخلى كلمة المرور باسم مزود البريد اللي بتستخدمه حتى لوضفت كلمة

غير معروفة او اسمك لان ده برضه بيدخل فى دائرة تخمين المخترق







9 \


لازم تغير كلمة المرور من فترة لتانية..ليه؟.. الموضوع ده علشان ممكن

يكون اصلا فى عملية اختراق والمخترق متربص لكل موضوعاتك وبيتابع باستمرار

على امل شىء مهم وده منتشر..وبالتالى لازم تخلى بالك من الموضوعات

اللي انت بتشوفها على ايميلك واللي ما بتشوفهاش وركز فى

الموضوع ده لان لو اكتشفت ان فيه رسالة انفتحت وانت ما فتحتهاش يبقى

فيه حد تاني بيستخدم الايميل بتاعك







10 \

كفاية عليك بريد واحد او اتنين بالكتير اوى وتخلى كلمات المرور مختلفة تماما

لان كترة الايميلات بتخليك تتكاسل وعلشان تفتكر تروح عامل باسورد

واحد لكله او بعضه وفى الاخر تلقى اللي بيتسرق منك بالجملة







11 \

انصح كتابة كلمات المرور على ورقة او اندكس لو فيها صعوبة فى الحفظ

وابتعد تماما عن حفظها فى الكومبيوتر باى شكل من الاشكال







12 \

شوف بقى لو بتشارك فى المنتديات والغالبية كده دايما تعمل ايميل

جديد للمنتديات وتخليه للاختبار وتبعد عن الايميل الاساسى بتاعك

لان المشاكل كتيرة فى المنتديات وما تستقبلش فيه معلومات مهمة






13 \

شوفوا بقى النقطة ده مهمة جداااااااااااااااااااا لما تستخدم المسنجر لازم

يكون عندك ثقة فى الشخص اللي بتتكلم معاه علشان لو اتكلمت معاه بالصوت

ممكن يحدد رقم الاى بى بتاعك عن طريق برنامج

كراكرز علشان يوصلك مباشرة فخلى بالك وطنش حتى لو كانت المحادثة نصية

واوعى تدخل على بريدك من المسنجر لان فى ناس كتير بتحفظ كلمة

السر مباشرة وفى برامج لموضوع المسنجر والاحسن لك انك تستخدم

موقع البريد الاساسى لانه بيقدم دعم فنى كبير وحماية اكبر نسبياً







14 \

دايما خلى ايميلك الاساسى على مواقع غير مشهورة لان اغلب البرامج

والهاكر مسخرين نفسهم للمواقع المشهورة رغم مستوى الامن العالى اللي

فيها زى الياهو والهوتميل

ممكن تجرب مزودات خدمة جديدة زي مكتوب وجووجل







15 \

ابعد تماما عن المواقع الشخصية فى الدخول للايميل بتاعك لان فى مواقع

كتير بتقدم الخدمة ده كخدمة مرور وبالتالى ايميلك والباسورد بيتخزن

فى الموقع







16 \

عطل خاصية جافا سكربت علشان الخاصية ده بتستخدم فى اعادة ادخال

معلوماتك للمستفيد وهى رمز بيتكتب مع الرسالة وطبعا الموضوع ده منتشر

وناس كتير عارفينه








17 \

دايما خلى بالك من موضوع خاصية الاكمال التلقائى فى كلمات المرور

بمعنى انك لما تجى تكتب اول حرف من ايميلك تلقيه بيظهر لك وده

معناه انه متخزن فى الجهاز هو او الباسورد وده خطر جدااااااااا


وعلشان تتفادى الموضوع ده فى الاكسبلور روح على الادوات - خيارت الانترنت

محتوى الاكمال
التلقائى وشيل كل علمات الصح اللي فيه كلها

واوعى تستخدم الخاصية دي فى المسنجر او الياهو بوضع

علامة صح فى البرنامج جنب عبارة : تذكر بياناتي








18 \

الايميل بتاعك ضاع الله يعوض عليك وما تحاولش انك ترجعه ليه لان البرامج

المستخدمة فى الاستعادة يا جماعة اغلبها فيها تروجانات وممكن تقع فى

الفخ بتاعها وابعد عن المواقع اللي بتدعى امكانية اعادة

كلمة المرور عشان مفيش اساسا برامج بترجع الايميل المسروق لازم تكون

فاكر بياناتك وطبعا اللى بيسرق الايميل على ماأعتقد يعني بيغير البيانات

دى فانت بقى حاول ان ايميلك مايتسرقش باى طريقه







19 \

لما تنتهى من تصفح الايميل بتاعك دايما اعمل

SIGN OUT

وخصوصا فى مقاهى الانترنت







20 \

عدم ارسال روابط مواضيعك عن طريق المسنجر علشان تحافظ على

خصوصيتك فى المنتديات







21 \

تجنب فتح المرفقات المجهولة اياً كانت مغرية لانها ممكن يكون

فيها تروجانات مخصصة للبريد وطبعا انتم عارفين الكلام ده وممكن تكون

مرفقة ضمن برامج الحماية







22 \

لازم يكون عندك ثقة فى المنتدى اللي بتشارك فيه لان فى ناس كتير

بتخلى كلمة المرور الاساسية فى البريد الخاص بها نفس كلمة المرور

فى المنتديات وبالتالى ممكن يكون المنتدى غير امن







23 \

شوف بقى فى حالة استيلاء اى حد على ايميلك عليك باتباع الخطة التالية

وهى تدمير الايميل الخاص بك عن طريق برامج كتير موجودة بتقوم بارسال الاف

الرسائل وبكده حتصعب عليه مهمة ملاحظة الرسائل المهمة اللي فى

بريدك نتيجة الكم الهائل من الرسايل وتخلى عناوين الموضوع

متشابهة تماما مع المواضيع المهمة








24 \

فى حالة انك عرفت اللي سرق البريد بتاعك طنشه بقدر الامكان علشان

ما يزدش تمسكه بيه ومتحاولش اثارته وحاول معاه بطريقه سلسه انه

يرجعلك الايميل







25 \

فى حالة اردت استعادة بريدك وتمتلك كلمة المرور والبيانات الخاصة به تاكد

من المسؤول عن البريد - يعنى من الصفحة الرئيسية الخاصة بالمساعدة








26 \

دايما اعمل عملية مسح نهائى لمحتويات البريد ولو كان فى شىء مهم احفظها

فى مكان امن زى

- فلوبى سى دى او تشفيرها -

والسبب فى كده انه فى حالة الاستيلاء عليه حيلقى ان البريد لا قيمة

له وبالتالى سوف يعيده ولا يهتم به ان شاء الله







27 /


تأكد من تحديد عنوان ايميل بديل او ثانوي للايميل بتاعك وكمان اجابة

السؤال السري علشان لو نسيت كلمة السر او حبيت ترجعها او تغيرها

ح يبعتهالك على الايميل البديل








" اللهم هل بلغت .. اللهم فاشهد "
[/frame]