الحمد لله تعالى ربنا بيعطيني كل شئ ( هام جدا )

[أمير الحب الحقيقي]

السلام عليكم ورحمة الله تعالى وبركاته

-لو سمحت ممكن أسئلك سؤال ؟

-اتفضل يا أخي !!!

-كيف أعرف ان الله تعالى يحبني ؟

-بص يا اخي الموضوع مش اوي كده انا عارف ان ربنا بيحبني

-طب انت عارف ربنا بيحبك ازاي ؟

- عارف وخلاص

- طب ما تقولنا علشان احنا كمان عايزين ربنا يحبنا

-أه أصل مفيش حاجة طلبتها من ربنا ألا وأعطاني أياها يبقى بيحبني ولا لأ ؟

- لأ

-لأ ليه يعني هو لو ما بيحبني كان أعطاني ؟

-أه ربنا بيعطي اللي لا يحبه

-قبل ان أبسط لك المسئلة ..تعرف أبليس ؟

- أه أعرفه ومين مايعرفش أبليس

-أبليس ربنا بيحبه ولا بيكرهه ؟

- بيكرهه طبعا

-طب أبليس طلب من ربنا طلب واعطاه اياه

{قَالَ أَنظِرْنِي إِلَى يَوْمِ يُبْعَثُونَ } {قَالَ إِنَّكَ مِنَ المُنظَرِينَ } {إِلَى يَومِ الْوَقْتِ الْمَعْلُومِ }

يبقى ربنا بيحبه كده ؟؟؟

معنى ذلك ان مش شرط انه أعطاك يبقى بيحبك

مش شرط انك كل ما تدعي ربنا يعطيك ما تريد يبقى بيحبك مش شرط


قال أبن القيم في كتاب مدارج السالكين في شرح أياك نعبد واياك نستعين

(( واياك ان تظن ان استجابة الله لدعائك لكرامتك على الله بل قد يستجب الله دعاء

العبد لهوانه عليه وسقوطه من عينه فيعطيه ليطرده عن بابه ))

يبقى موضوع الحب يرتكز على هو سبحانه وتعالى أعطاك علشان يقربك ولا علشان

يطردك ؟؟؟

يعني أيه يعطيه علشان يطرده ؟؟؟

مثال :-

واحد قاعد يدعي يا رب مليون جنية يا رب مليون جنية ومطلوبش حاجة تانية ابدا

وربنا غضبان عليه . يقوله خد ومسمعش صوتك تقول يا رب ولا اشوفك في بيت من

بيوتي .

خد المليون جنية وفتح شركو وبقى رجل صاحب شركة ومش فاضي بقى لا صلاة

ولا ذكر ربنا وتقوله ايه الاخبار ؟

يقولك خلاص انا مش عايز من ربنا حاجة تمام اوي كده.

يبقى كده غضب ولا رضى ؟؟؟

يا رب اتزوج الفتاة دي يا رب اتزوجها ...وبعد ما يتزوجها ينشغل بها ويعشقها

وينسى حقوق الله تعالى عليه.

يارب اشتغل الوظيفة دي وبعد الشغل ينشغل ويحاول انه يثبت وجوده وينسى ما عليه

يا رب أشفيني وبعد الشفاء ورفع البلاء تجده يفجر ويطغى.

يقى مش معنى انه سبحانة وتعالى اعطاك او استجاب دعائك يبقى بيحبك

- يعني معنى كده لما ربنا بيعطيني يبقى بيكرهني ؟؟؟

- لااااااااااا انا مقلتش كده ....لاااااااااااااا ..... انا بقول

لو أعطاك ما يبعدك عنه ويشغلك عنه يبقى بيكرهك

ولو اعطاك اللي يقربك منه ويوقفك بين يده ويزيدك ايمان يبقى بيحبك


قال شيبان الراعي لسفيان الثوري:-

يا سفيان عد منع الله عطاء فإنه لم يمنعك بخلاً ولكن منعك لطفاً


يعني ايه ؟

فتاة مثلا تقول انا الان عندي مثلا 35 ولم اتزوج وادعي ان يرزقني بزوج ولم يعطني

فنقول ذلك عطاء ..كيف ؟؟؟

ان شاء موقنين ان الله تعالى كريم اذا اراد ان يعطي من يريد الاولاد اولاد فيعطيه

مليون ولد ومن تريد زوج يعطيها .فانما أمره ان يقول للشئ كن فيكون

طب لماذا لم يعطي ذلك او ذاك ؟؟؟ نقول لطف

بمعنى :-

العلماء تقول ان الطف نوعان :- لطف ظاهر ولطف باطن

الظاهر هو :- مثلا انت ماشي مع الزوجة والاولاد وانشغلت مع الزوجة وفجأة وجدت الولد بيجرى نحو العربيات وسيارة قادمة مسرعة وضغطت فرامل فجريت انت واخذت الولد من امامها ..ده لطف ظاهر انت عارفه

الباطن هو:- اللي انت لا تعلمه ولا تعلم كنهه ولا تعلم الحكمة منه


من ناحية اخرى الناس في الابتلاء ثلاث مراتب :-

1: الصبر ( حبس القلب عن التسخط وحبس اللسان عن الشكوى ) وهذا فرض
2: الرضا ( وهو ان يكون المرء راضي عن ما ابتلاه الله تعالى به )
3: الشكر ( وهذه اعلى وهي ان يشكر المرء الله تعالى على البلاء )


احد الاشخاص كان مبتلى بمرض السكر فقال لاحد المشايخ أعظم نعمة أنعم الله

تعالى علي بها مرض السكر.

لماذا يا اخي ؟

قال الرجل :- لن منذ ان ابتليت بمرض السكر أضطر أقوم ليلا لأدخل الحمام

فكل ما اقوم ادخل الحمام أتوضئ وأصلي ركعتين وارجع انام تاني وبعد ساعة ادخل

الحمام ( دورة المياه ) فأصلي ركعيتن وارجع انام تاني( وهكذا )

فهذا البلاء في حقه نعمة ( البلاء جعله يقوم الليل )


عد منع الله عطاء فإنه لم يمنعك بخلاً ولكن منعك لطفاً


قال ابن الجوزى :-

((عبد الله اذا رأيت سربال النعمة يتقلص عنك فحسن ظنك بالمنعم فأنما رفعه عنك

لئلا تتعثر))...


بمعنى :- أن الله تعالى أذا أخذ منك النعم شئ فشئ فهذا لكي لا تقع فيها وتنشغل بها

عنه فتسير في الطريق الصح ..

كريم سبحانه وتعالى يخاف عليك فهذا ظنك بالله تعالى.


اخيرا :- متأسف اطلت عليكم

وأقول باختصار كيف اعرف ان الله تعالى يحبني ؟؟؟


قوم بأحضار ورقتين واكتب في الاولى ما يحبه الله وفي الثانية ما يكرهه الله

وتبدأ تكتب ربنا بيحب فيك أيه ؟؟؟ انت فيك أيه يتحب ؟؟؟

واحد او واحدة يقولوا شكلي حلو .

وبعدين عايزين نتكلم جد ...

قال صلى الله عليه وسلم :- ان الله لا ينظر الى صوركم ولا الى أجسامكم ولكن ينظر الى قلوبكم واعمالكم ( او كما قال صلى الله عليه وسلم )


طب ربنا بيكره فيك أيه ؟؟؟؟؟؟؟ أقولك .

ان ما تحبه مقدم عن ما يحبه الله تعالى..( ربنا شايف فيك ان اللي بيحبه انت كسلان عنه وان اللي انت بتحبه بتجري عليه )

والأخطر من ذلك :- ان تحب اللي بيكره وتكره اللي بيحبه سبحانه وتعالى.

كفاية النقطتين هذين كده صح ؟؟؟

الخلاصة هات ورقتين واكتب فيهم واطلع انت بالخلاصة.

كلمة اخيرة :-

انت مرتبك كام في وظيفتك ؟؟؟

انظر الى الله تعالى عندما تقول سبحان الله وبحمده تغرس لك نخلة في الجنة

وقال الرسول صلى الله عليه وسلم

ما من نخلة في الجنة الا وساقها من ذهب ( او كما قال )

شفت بقى انت الثانية من عمرك تساوى كام ؟؟؟ يعني ساق النخلة يعمل كام كيلو ذهب ؟

هنقول 100 كيلو ذهب ! يبقى الثانية من عمرك بـ100 كيلو ذهب

شوف بكام جرام الذهب مش الكيلو يعني الجرام مثلا بـ 80

يبقى 100 في الجرام في 1000 يساوي 100000 جرام في 80 يساوي 8000000 = 8 مليون جنية

مين بيقدرك في الدنيا دي غير ربنا سبحانه وتعالى عما يشركون ويصفون .


هذا كان من احدى حلقات برنامج أسرار المحبين في رمضان للشيخ محمد حسين يعقوب مع بعض التصريف مني

والسلام ختام

 

 

[Nathyaa]

اللهم افتح لك ابواب الجنه ويجزيك عنا كل خير

[OK]

جزاك الله خير الجزاء أخى الفاضل

[أمير الحب الحقيقي]

السلام عليكم ورحمة الله تعالى وبركاته

مشكور جدا جدا جدا يا نثية على هذا الدعاء وربنا يباركلك في الدنيا وفي الاخرة يا رب .وربنا يرزقنا واياك وامة محمد صلى الله عليه وسلم الجنة برحمتك يا رب العالمين.جزاك الله تعالى كل خير والف شكر لك على مرورك .

مشكور اخوي أوك على دعائك وربنا يوفقك فيما يحبه ويرضاه فهو تعالى اهل التقوى واهل المغفرة


تسلموا