يالمغازلجيه بذمتكم ما انقلبت الايه؟؟

[توفيق]

بسم الله الرحمن الرحيم والصلاة والسلام على سيد الانبياء سيدنا محمد وعلى اله وصحبه اجمعين

موضوعي هالمره جدا حساس وموجود بكثره وصاير موضه؟؟؟ مادري هل اسمي هالشي استهتار.. جرائه زاييده ولا حقاره من الشخص الي راح اشير عليه بأصبع الاتهام ولا قلة ادب ولا نقص بالشخصيه؟؟؟؟


في الماضي كنا نسمع عن الغزل العفيف .. الي يكون بأبيات الشعر ولا يحصل البنت الي يحبها عند بئر مثل سوالف عنتر وعبله ولا قيس وليلى ومن هالسوالف البريئه جدا...



تقدم فينا الزمن وصارت التقنيات .. واخترعوا اشرطة الكاسيت؟؟ في هالفتره بداية الثمانينات واول التسعينات .. موضة قط الشريط.. يعني واحد على نياته مب قادر يتزوج... يسجل صوته ورقم بيتهم بالشريط ومقطع من محمد عبدو المعازيم .. ويحذفه على راس وحده؟؟ ويتكلمون بكل برائه ويصير زواج ..ليش لا؟؟؟



بس مع الالفيه الحين والطفره المعلوماتيه الهايله الي صايره مع الدمقراطيه والحريه في طرح الاراء والحريه الشخصيه الي ممكن تزيد عن الحد ... اصبحت في مجتمعنا اشيا عجيبه وغريبه؟؟؟

ياعالم انقلبت الايه ؟؟ اصبح الرجل اهو الي ينخش عن البنات.. يعني مثلا ؟؟ اليوم الخميس تجي البنت (البعض) من المدرسه ولا الجامعه ولا الدوام و حتى المطلقات والي متزوجين خرفان؟؟ يقعدون طوول العصر ويسون جدول الطلعه وانواع الكشخه ويزهبون الماقطع السنعه للبلوتوث والتضبيط؟؟؟ واذا جات حزة الطلعه اكشخو بالمكياج العجيب المخيف الغبي؟؟ والبسو هاذي العبايه المخصره.. وصايره كمن موضه على هالعبايات وكتابات مدري من وين؟؟ اتحداك تلمسني .. ليس للاستخدام الادمي .. واشيا مهوله ومب طبيعي؟؟ الوحده فيهم تجمع لها الشله بسيارتها الي اخر موديل وتطلع مع ربعها بالستي ؟؟ يقعدون بالكافيه بين الشباب ويتضحكون بصوت عالي ومشغلين البلوتوث واخر وناسه..واذا شافو شب وسيم .... الحقوه جيش؟؟؟ والله العظيم هالشي موجود الحين .. موو الرجال يلحق البنت ؟؟؟ البنت تلحق الرجال وترقمه ؟؟؟ شنو هاذي التربيه شنو هاذي الجرئه ؟؟ ومن اول مكالمه مستعده تروح وتجي معاه وتبدله بدقيقه مع واحد احلى ؟؟هاذي الي تسوي هشكل وصاير عندها شي روتيني انها تطلع مع ناس ماتعرفهم ومن اول مكالمه... أي نعم انتي يالبنت الي يخصج هالحكي ؟؟ ماتستحين ماوراج رجال يلشطج بالعقال لحد ماتقولين ربي الله... شنو بيكون موقفج اذا جا بيتكم رجال على نياته يخطبج .. واسئلج السؤال المعهود بليلة الدخله؟؟ شنو بيكون ردج لا انا بنوته بريئه وما عرف هالسوالف ولا عمري كلمت حد ولا قط لمسني حد وطالعه من بيت ابوي وعبايتي على راسي ؟؟ وانتي ماخليتي شي الا وجربتيه؟؟؟ متأكد الواي فاي وشديد الاكد ان ياما وياما بنات افقدو زهرتهم من طيشهم وقاعدين في بيوت اهاليهم وعاجبتهم عيشة العزابيه ومن حضن الي حضن... وبايعين الدنيا بلي فيها... بس شالفايده ... الرجال ماعليه عيب من هالاشكال وذنبه عند ربه... بس البنت الي عيبها يركبها من ساسها الي راسها وسمعتها تظل معاها الي وقت دفانها... واخر الكلام ... يالشاب لاتقص عليك البنت واذا بخاطرك شي روح تزوج ابرك لك ترى مامنها فايده ولا فيها خير ولا تنفع للزواج الي اطلعت معاك وحبكم اوله وناسه واخرتها شك في بعض وانتي يالبنت لا تحسبين اذا طلعتي مع شاب بياخذج؟؟ ترى راح يحفص عليج مثل ما حفص على غيرج.. في زمنا هذا كل شي تحول واكيد القادم اعظم




وناطر ردكم.. واعذروني على الصراحه الزايده... لان الي يشوف شي ويسمعه لازم مايسكت

 

 

[Nathyaa]

للاسف كثرت هالظاهره بين بناتنا

وشبابنا بعد مايقصرون

يعني خطأ مشترك بين الاثنين الا من هداه الله

وانا اقول ان ضعف الوازع الديني وضعف التربيه هي السبب

لو كل ولي امر انتبه على عياله ماراح يصير اللي قاعد يصير الحين

بنت عمرها 15 سنه عندها موبايل وتطلع بروحها مع صديقاتها وماترجع الا بالليل

وين اهلها ؟؟؟

وين الرقابه

نسوا حديث الرسول صلى الله عليه وسلم

كلكم راعي على رعيته

قبل على ايام اهالينا كانت البنت يخفرونها يعني ماتشوف الشارع الا اذا تزوجت

اما الوضع الحين تغير

صارت البنت تطلع وتسافر وتسهر مع صديقاتها

وبهذا المناسبه احب اني ارسل رساله الى كل ولي امر

انتبهوا على عيالكم

انتوا مسؤوولين يوم القيامه عنهم

راقبوا تحركاتهم اسألوا عن اصدقائهم

كثروا الجنوس من الصنفين

قمنا نسمع عن جنس ثالث ورابع والله يستر من الحامس والسادس

يعطيك الف عافيه يارائع على الطرح المهم

الله لايحرمنا منك

موضوع يستحق التقييم

[توفيق]

تسلمين نثية على مشاركاتك وتقيمج للمواضيع المهمة.

[سحر الشرق]

حنا بزمن أصبح المرفوض مسموح وميسر لهذه الشريحة التي ذكرتها
بسياق مقالك.أخي الكريم
فالحرية الزائده وقلة الحياء والتهاون والتساهل تفجرت لواقع ملموس
نراها فتدمي لها الأعين
الوضع أذن محتاج للتوعية والأرشاد والأهتمام من قبل الأسره والمجتمع
فلنقل للشباب والفتيات كما تدين تدان
وتذكرواا رقيباً في السماء لاينام
والله يهدي الجميع .

[آسيل5]

وناطر ردكم.. واعذروني على الصراحه الزايده... لان الي يشوف شي ويسمعه لازم مايسكت.

وش اللي تبينا نسويه ياتوفيق غير النصح والارشاد.ماعندنا الا الخرابيط والكلام , وهم عندهم التكنولوجيا والاعلام وشتى انواع الاسلحة الفكرية.

شكريا