السعوديه & الكويت (التصفيات المؤهله لكأس العالم)

[ROLZ]

السعودية بتلعب مبارتين في ارضها لو تعادلت اقل شي مع كوريا في كوريا وعطت الكويت التعادل في الرياض ان شاءالله الفريقين رايحين المانيا
وترا اتفاقيات الفرق مو غريبه كذا مره ذقنا مرارتها من سنة 82 لما اتفقت المانيا مع دوله ثانيه ناسيها وطلعوا الجزائر
وقبل جم سنه طلعوا اعتقد المغرب بلعبة اتفاقيه بين البرازيل ودوله ثانيه
يعني هالمره لو نتفق ونتاهل كلنا لكاس العالم ماعتقد فيها شي بالعكس انا ودي والله يتفقون
مشكورين حبايبي

[الذهبي]

حبيب قلبي التعادل من صالح كوريا ياعمري وإذا تعادلو الكويت والسعودية تصعد السعودية معاها والكويت راح يستريحون بالكويت :)

أتمنى كل التوفيق لهم الاثنين ودول الخليج كلهم ..

صراحة أنا أبي البحرين تصعد قبل السعودية والكويت مشرفين للكره

[العابر]

اضمن لك اذا فازت الكويت على كوريا راح يتأهلون مع السعوديه

[الذهبي]

غالي يالعابر

(( بس إذااااااا ))

إحنا نتمنى

بس مشكلته مشكله منتخبنا

وأتمنى له الخير وين ماكان والله يوفقه يارب .. الازرق

[المؤدب]

سلااااااااااااااام

بالله عليكم اذا هذا مستواهم هنيه كيف اذا راحو المانيا وقابلو الفرق اللي عليها الكلام وش تتوقعون

حنا مانبي تأهل وبس نبي فريق يستاهل يتأهل مو يروحون تكملت عدد

واتمنى التوفيق للجميع

[الذهبي]

عدل كلامك نبي وخاصةً فريق خليجي بالذات يشرف الكره

أنزين صعد الكويت أو السعودية على سبيل المثال

وبأول مجموعه لهم طلعوا الأخريين

شالفايدة

وشالفايدة اذا غلبوا الكويت أو السعودية بنتائج 5 / 0 أو 6/0 أو 10 / 0

إستفدنا شي

بالعكس يضحكون علينا الغرب ويقولون هذولا مو مال كره هذول مال يلعبون تيل بس

عدل كلامي ولا مو عدل ؟

[المؤدب]

يابه كلامك عدل وهذا اللي حنا خايفين منه

انهم يتأهلون ويجيبون الفضايح في المانيا

والله ياليتها على 6 او 5 الموت ان جا فيها من العشره وانت طالع

[ROLZ]

بالعكس
انا اشوف ياخوان التأهل هذا يعتبر انجاز
تصنيفك ضمن احسن 32 فريق بالعالم هذا بنفسه شي طيب
اما نتائج المباريات لكل حادث حديث على قولتهم
والمباراه وضروفها
لوعة الخساره والخروج من التصفيات اقسى من الخروج من البطوله اذا وصلت لها
اسمه وصلت وهذا شي طيب

[الذهبي]

أوكي وصلنا

ياما فرق وصلت .. ودخلت التاريخ بالفشل والفضيحة

أنت تبي تكون نايم وكافي خيرك شرك

ولا تبي قاعد ومزعج الناس ..

[ROLZ]

النظره بالمناسبات هذي ماتكون للنتائج والله ياذهبي
الوصول مثل ماقلت لك يكون هدف تعريفي بالدوله
يعني مثال لحد سنه 1978 لما لعبت تونس بكاس العالم الي بالارجنتين ماحد كان يعرفها
بس لما لعبت الكل عرفها وبدا الاعبين التوانسه يحترفون برا وبدا التعريف فيهم ومنهم الي لعب عندنا بالخليج.. بعدها مافيه دوله خليجيه كانت وقتها معروفه لحد مافازت الكويت سنة 81 بكاس آسيا وعقبه تاهلت لكاس العالم وقتها انعرفت الكويت بالنسبه لعامية الناس وخصوصا الاوروبيين سنة 82 في اسبانيا رغم انها انهزمت من فرنسا 4/1 الا ان المرحوم الشيخ فهد الاحمد قالها كلمة جئنا لنوصل كلمة الكويت للمحفل العالمي وكان يقصد في كلامه لنعرف الناس بنا وماقال لنكتسح الفرق ... اذكر قبل كم سنه فيه دوله ماكنا نعرفها احنا بالخليج الا من خلال كرة القدم واهي مكاو الي صفت معانا بكاس العالم وكانت تهزمها الكويت والسعوديه بالسبعات والثمانيات اذا تذكر بس بالنسبه لنا احنا عرفنا ان فيه دوله اسمها مكاو
هذي وجهة نظري يالغالي
واسف على الاطاله