للشباب خااااص ممنوع مشاركة البنات

[Nathyaa]

خوش طبخه عجيبه يا ابو اكساااااااااااااااااااااات

بس نسيت تقول شي

قبل لاتصب الشاي بالاستكانه لازم تخض المطاره عدل علشان ماينزل الشاي خفيف

ماشاء الله عليك يا ابو اكسات وبانتضار طبخه من طبخاتك العجيبه

[غفران-الامارات]

الله يهديج يا نثيه اتعرفين ان الفضول قاتل عن الحريم ..انا وحليلي صار لي اربع ايام كل ما ادش المنتدى اشوف العنوان ما ادخله بس خلاص طفح الكيل قلت عاده اليوم بدشه وبشوف شو اللي فيه...صراحة موضوعج وايد حلو وانا ايدج ع كلامج كله صح ..صدق ان الرياييل طباخين والنعم فيهم

[xKuwaityx]

:a74: بنات ياحبكم حق التلصق....P:
انا عندي خوش طبخة ... انشالله قريبا بحطها :)

[غفران-الامارات]

انا قلت بحصل طبخة يديده...الله يسامحك..دخيلك حطها بسرعه ..لاني ابا اطبخ حق ريلي..حاشرني يقول لي تعلمي الطبخ وانا وحليلي ما اعرف

[Nathyaa]

هههههههاااااااااااااااااي

ناطره طبختك علي نار يا ابواكسااااات

انا اتوقع طبختك اليوم اشلون تسوي القهوه ؟؟ صح هههههههه

[kuwait]

[align=center]نقدم لكم اليوم طبخه جدا لذيذه
(مكرونا اسبقتي)
1-كيس مكرونا سبقتي
2- لحم مفروم ويفضل طازج
3-بصل مقطع
4-طماط مقطع
5-ملح
6-بهارات
7-فلفل اسود
8-مكعب ماجي
9-دهن
10-فطر مقطع
11-معجون الطماط
12-جبنة مازارولا
طريقة التحضير:
نحط السبقتي بجدر مع ماي وملح ونفوحه بعدها نشخل السبقتي ونخليها على صوب
انييب الحم المفروم ونغسله عدل من الدم والزفره
ونطبخه بروحه ليمن تطلع منه الزفره لانه الحم الني يكون في زفر من الدم
انييب الحم نحطه بجدر ونحط فوقه دهن نحسمه الحم
بعدين نحط فوقه البصل المقطع ونحسمه معاه
بعدين نحط الملح والبهارات والفلفل الاسود ومكعب الماجي والطماط المقطع
والفطر المقطع ومعجون الطماط ونسكر الجدر عليه لمدة ربع ساعه لين ينضا الحم والاغراض اللي حطينها
بعدين انييب المكرونا السبقتي اللي شخلناها قبل شوي ونحطه فوق الخليط السحري اللي احنا سوينا قبل شوي
لمدة دقيقتين نقلب فيه شوي شوي
بعدين انييب صحن بايركس
ونحط الخليط كله بالصحن
ونرش من فوق جبنه مازارولا
ونلفها بقصدير وندخله الفرن لمدة عشر دقايق
وبس وبعدين انطلعه من الفرن ونسوي هم هم هم بالهناء والشفاء
وانشاءالله تعجبتكم طبختي تحياتي لكم
الشيف ابو هياااااا[/align]

[Nathyaa]

اسبقتي مره وحده يعني مو اسباجتي ههههههه

بس بصراحه طبخه عجيبه ماشاء الله عليك طباخ يا كويت

اي بعد ابي مواهب الشباب تطلع انا

[xKuwaityx]

طبعاً اليوم معاكم الشيف بوإكسات مع طبخة جديدة... هالمره الطبخة شوي صعبة و معقدة و مو اي واحد يعرف يسويها يبيلها تركيز شوي :)

المقادير:
طماط - بصل - زيت زيتون - ملح - خبز ايراني - بيضتين.



الطريقة:
1- خلو الشغالة تقص و تضبط البصل و الطماط قطع اصغيرة ... ولا من صجكم بتقصون انتو؟! ;)

2- حطو الزيت على نار هادية.

3- كسرو البيضتين و حطوهم فوق الزيت.

4- بسرعه.. حطو الطماط و البصل و شوية ملح فوق البيض.

5- الخلط جيداً لمدة خمس دقايق.

6- طفو النار.. و حطو كل إلي بالمقله بصحن.

7- و ابدأ الأكل مع الخبز الإيراني ....وبالهنا و الشفا!

ملاحظة: الطبخة هذي تتوافق مع طبخة الجاي :a63:

[Nathyaa]

الله عليك يا بواكسااااااات

تسلم ايدك علي الطبخه الحلوه العجيبه

بس بهالطريقه البيض يحترق والبصل لين الحين مانضج

فاحسن طريقه انك تطبخ البصل والطماط اول وبعدين تحط البيض فوقهم

هههههههههااااااااااااااااااي

اعزائي المشاهدين والمشاهدات هذا كان طبق البيض بالطماط والبصل من الشيف ابو اكسات واوعدكم باللحلقه القادمه يقدم لكم الشيف طبخه جديده

بانتظاااااار احلي طبخاااااات

[بنت السويدي]

هههههههههههههههههههههههههه

نيثووووه شكلي رزه فهالمنتدى بس عذرووني لان الفضووول بيجتلني لازم اتابع الشباب يوم يطبخوون خخخخخ

ابا اعرف شي واحد الشباب مايعرفون يطبخوون الا البيض والطماط ومايعرفون الا يسون الشاي غيرواا يسوي اكلات يديده اسبشل ماقد حد سواها قبل قصدي اخترعواا شي يديد ويعطيكم الف عافيه شباب المنتدى لاغير وهني على قلبكم