أربع أمنيات لأربع نساء أوربيات

[Nathyaa]

مياو :

انا بتكلم عن نقطه نقطه اوكي وابي اسمع ردج علي كل نقطه

النقطه الاولي :

شنو تقولين علي الايه اللي تقول

بسم الله الرحمن الرحيم ( وقرن في بيوتكم ولا تبرجن تبرج الجاهليه الاولي )

بانتظار ردج علي النقطه الاولي

*********************************

عقلية متخلفه لدرجه ان نعتبر الرياضه هي تشبه للرجل !

جمله مالها داعي ياقلبي

[الذهبي]

عن إذنكم

قطوة : في خوش نادي صحي لرفع الاثقال والحديد

أنصحج فيه

هذي عقلية ؟

( جميل جداً النقاش والإثارة جميلة عندما تكون بحدود )

ولي عودة

[Nathyaa]

علي راسي الذهبي

بس اشرايك بما طرح من كلام في الموضوع

احترم رايك واقدره

بانتظار اجابتك واجابت قطوه

[الذهبي]

أنا تعليقي للموضوع وبإختصار عميق بمعاني جميع الجمل التي رأيتها "

أحمدوا الله على نعمة الإسلام

فالإسلام لم يظلم المرأة ولن يظلمها
ولكن عندما نطبق معنى الإسلام بحذافيرة دون التطرق لميول خارجية تؤثر على مجتمعنا
فهنا يهنئنوننا بما فعله إسلامنا

وأريد أن أنقل لأختي قطوة بأنها يجب عليها أن ترى حقوق الإسلام للمرأة ولا ترى حقوق المرأة عند الغرب
فالغرب قد عادوا بأدراجهم لحقوق المراة المسلمة عندما رأوا فوائد التقيد بصفاتها بجميع حياتها اليومية .

**

وإذا تبيني أرد على نقطة معينة أنا حاظر

الذهبـــــي

ولي عودة عندما تريدون ذلك

[Nathyaa]

الله عليك

كفيت ووفييت

اتمني من الاخ قطوه قراية ردك وانا متأكده انها راح تقتنع

لان الانسان بطبيعة خلقه عنده مخ يقدر يميز

[بقايا الليل]

الاسلام كرم المراءة بسورة النساء

مشكورة على المشاركة

[Nathyaa]

خير الكلام ماقل ودل

ماشاء الله عليك يالغالي

تسلم علي مرورك وعلي ردك اللي يسكت جميع الالسنه اللي تطالب بتعرية المرأه

[g6waa]

..

تسلم علي مرورك وعلي ردك اللي يسكت جميع الالسنه اللي تطالب بتعرية المرأه

اول شي يسلموا على المناقشه ,,

مافي اي احد عربي يطالب بتعرية المرأه العربيه وانا اول وحده انفي هالشي .

شنو تقولين علي الايه اللي تقول بسم الله الرحمن الرحيم ( وقرن في بيوتكم ولا تبرجن تبرج الجاهليه الاولي )

اقول لج اذا المرأه ماعندها من يكفلها ؟ لا ولي امر وعندها اولاد ؟

من يكفلها؟

تقعد في منزلها ليما تموت من الجوع ؟

الانسان اذا اشتغل معناه محتاج للمال

ولولا هالشي ما شفتي العالم تقعد من الصبح وتتعب وجودها لكي تحصل على المال

ولتخدم المجتمع نفس الوقت وما تكون زياده عليه .

شي ثاني تبرج الجاهله معناه ملابس ترف وبذخ مكياج وكل هالنواحي اشياء فرعيه ترفيهي يتففنون في انفسهم (Entertainment)

اوكي ما قلت لج لا في هالشي

بس مو الكل يروح الشغل جذي

على فكره الايه الكريمه ماقالت لا تشتغلون ولا تعملوا

وقرن في بيوتكم

يعني ظهور المراه غير مستحب ابدا امام الرجال والافضل لها منزلها

بس مو معناه ان ماتظهر يعني محتاجه تقعد بالبيت وماتسوي شي ؟

من يلبي لها احتياجها ؟

يعني ميصير تلبس لباس محتشم اللي قال عنه الاسلام الوجه والكفين ؟

ميصير تروح بعد الشغل جذي؟

غريبه يا نثيه تمنعين المراه من العمل ؟؟؟؟؟؟؟؟؟

عقلية متخلفه لدرجه ان نعتبر الرياضه هي تشبه للرجل !

وهذي ليش مالها داعي ؟ بالعكس اذا اعتبرنا الرياضه هي تشبه بالرجل فهذي شي خاطئ

واذا حرام ممكن ايه قرانيه تبين انه حرام ؟

بتقولين جدام الرجل تتفصخ وتلعب مثلا؟؟؟؟؟؟؟؟؟؟؟

بقول لج في نوادي كثيره مالها صله بالرجل البنات يروحون ويسوون مسابقات

ودورات تدريبيه مالها اي علاقه وبالرجال ..

وأريد أن أنقل لأختي قطوة بأنها يجب عليها أن ترى حقوق الإسلام للمرأة ولا ترى حقوق المرأة عند الغرب فالغرب قد عادوا بأدراجهم لحقوق المراة المسلمة عندما رأوا فوائد التقيد بصفاتها بجميع حياتها اليومية .

الذهبي اي حقوق اللي انت تتكلم عنها واللي انا عارضتها ؟؟؟؟؟

ماتكلمت عن حقوووووووقها انا ولا عارضتها ابداا

بالعكس الاسلام كرمها عن جميع النساء في جميع الديانات

وفعلا الغرب قلدوا العرب في بعض النقاط وانا ابدا ماعارضت هالشي

بس في اشياء غريبه انا بينت لكم وجهت نظري فيهااا

لانها غير معقوله

ميصير اقتنع براااي كاتب الموضوووع بدرجة 100%

يمكن نثيه تقتنع بكلامه او انت او اي احد

بس مو معناه ان نتناقش فيه

لان يقول كلام غير منطقي

قطوة : في خوش نادي صحي لرفع الاثقال والحديد

الذهبي لو مرأه عايشه في مجتمع غربي

هذي مرأه مسلمه

وماعندها احد يحافظ عليها هناك

واهي مضطره للعيش هناك

تعتقد ان اشتراكها في نادي نسائي لتدريبات بسيطه مايفيدها ؟

انا ماقلت لك اتصير ander taker

لآ

قلت لك تشد عودها يعني تقوي نفسها لتستطيع الدفاع عن نفسها

على فكره المجمع الغربي مو نفس هني

هني اتشوف الريايل عادي يمشوون وجايفين خير

بس هناك حتى النساء يتعرضون ويعتدون على النساء وعلى الرجال حتى

ولا احد يسوي شي

وهذي حصل جدااااااااااااام عيونا في فلوريدا

مرأه سووده تعدت بالضرب على ثنتين بيض ولا احد قرب يمهم ولا ساعدهم


ليما طلبوا الشرطه وياااااااااات

بعد ما كل شي راح

والمراه يسيل منها دم من الكففه اللي ياتهاا

ولا احد تدخل حتى انااا لان شي غير طبيعي همجيه في الاعتدااءااات

لان الانسان بطبيعة خلقه عنده مخ يقدر يميز

اكيد الانسان يا قلبي يقدر يميز يعرف ان الرجال والناس مو سواسيه

ومو الكل مثاااااااالي

وعمل المراه المحتاجه ليش حرام ولا يحررها من دينها

سؤال نثيه ؟

هل عملك حررك من دينك ؟

هل ممارسة الرياضه تحررك عن دينك ؟

عن دراستنا تعرينا وتحررنا عن دينا الاسلامي ؟

ماعتقد هالشي ..

شنو تقولين علي الايه اللي تقول بسم الله الرحمن الرحيم ( وقرن في بيوتكم ولا تبرجن تبرج الجاهليه الاولي )

وابيج اتقولين لي الايه هذي وضحت ان المراه المحتاجه لا تعمل ؟

او اي شي بخصوص العمل ؟

الرسول قال : **وقل اعملوا فسير الله عملكم ورسوله والمؤمنون **

وابيج بعد اتقولين لي شرايج في هالحديث الشريف ؟

وخاصه على المراه وبالتحديد المراه المضطره ,,

بأنتظار الرد انتي والذهبي ..

_______________________________________




راح اثبت الموضووووووووع لان فيه مناقشه حلوه

كل موضوع قوي وفيه مناقشه قويه


والكل يشارك فيه راح اثبته ..

بأنتظار مشاركاتكم قلبووو


وردك يا الذهبي ورد نثيه تسلمون ..

[Nathyaa]

يعطيج العافيه

اولا :

احنا نتكلم عن المرءه المسلمه وانتي دخلتينا بالغرب

مالنا شغل بالغرب

ثانيا :

بالنسبه للايه ( وقرن في بيتكم )

انتي تقولين هذي الايه معناها ان اذا تبي تطلع المرءه لازم تكون محتشمه ههههههههههههههه

وهالتفسير غلط

وقرن في بيوتكم يعني قعدوا في البيت نص صريح

ثالثا :

الحديث اللي ذكريته **وقل اعملوا فسير الله عملكم ورسوله والمؤمنون **

قال المؤمنون وليس المؤمنات

رابعا :

بالنسبه لكلمة عقليه متخلفه

انا اللي كاتبه الموضوع وهذي وجهة نضري انا مو المجتمع

[g6waa]

..

بالنسبه للايه ( وقرن في بيتكم ) انتي تقولين هذي الايه معناها ان اذا تبي تطلع المرءه لازم تكون محتشمه ههههههههههههههه

يا قلبي انتي انا ماقلت لج هالحجي شكلج ماقريتي كلامي

انا كتب لج فووق هالكلام

يعني ظهور المراه غير مستحب ابدا امام الرجال والافضل لها منزلها

بس قلت لج لو اهي محتاجه انها تطلع وانتي تعارضين هالشي

ما يمنع الاسلام انها تخرج بلباس الاسلام المحتشم

شكووو لوووووووووول

ادري ان لازم قعد بالبيت بس قلت لج اذا اهي محتاجه تطلع تلبس لباس المراه

واللي كتبتيه بالضبط انا ابدا ماكتبته ماقلت لج الايه معناها انها تطلع محتشمه

واضح كلامي فوق فديتج امواااح ..

وعلى فكره انتي مارديتي على اسئلتي ..

سؤال نثيه ؟ هل عملك حررك من دينك ؟ هل ممارسة الرياضه تحررك عن دينك ؟ عن دراستنا تعرينا وتحررنا عن دينا الاسلامي ؟

الحديث اللي ذكريته **وقل اعملوا فسير الله عملكم ورسوله والمؤمنون ** قال المؤمنون وليس المؤمنات

شكو مؤمنات ؟؟؟؟؟

كلمة اعملوا حدد من فيهم ؟

ماوضح

قال النبي عليه الصلاة والسلام

اعملوا اذا عملتوا الله يسر عملكم والرسول والمؤمنين

ماقاااال : وقل اعملوا ايها المؤمنين واضح كلام الرسول يا حبوبه ..

بالنسبه لكلمة عقليه متخلفه انا اللي كاتبه الموضوع وهذي وجهة نضري انا مو المجتمع

اول شي انا مادري انج انتي اللي كاتبته

انا اعتقدت انج ناقلته واهو مقال واحد كامل وتابع للقصه اللي فوق

وكاتبهم كاتب واحد

واعتذار صريح يا قلبي ,,

وعلى فكره كلمة تخلف مو معناها تخلف عقلي ولا خلقي

تخلف بالعربيه هو تفكير قديم غير متطور

شعب متخلف يعني شعب قديم غير متطور

على فكره في مؤسسات صناعيه Manufacturing-plant تسمي مؤسسات الدول الناميه العربيه بالمؤسسات المتخلفه يعني غير متطوره وقديمه ..

هذا قصدي عن وجهة المجتمع اللي يتكلم عنها الكاتب

مدري انج انتي اللي كاتبته افتكرته موضوع كامل لشخص واحد ..

احنا نتكلم عن المرءه المسلمه وانتي دخلتينا بالغرب مالنا شغل بالغرب

نثيه انا اعطيج يا قلبي امثله عنهم مثل ما انتي عطيتيني امثله عنهم

وكل اللي قلته وبعد اتقولين عن الغرب

عطيتج مثال واحد عن الاعتداءات

والباقي عن العمل للمراه المحتاااااااااااااااااجه

وللاسف انتي مو حاوله تفهميني ..