عجبني هذا الموضوع وحبيت انقله لكم

[البطل أبيــــها]

كيف نخلي من هالمنتدى الافضل ؟!!






عجبني هذا الموضوع وحبيت انقله لكم عشان تستفيدوووووووون





ماهوالمنتدى ؟!!
المنتدى هو بيتك الثاني وفية اصدقائك واخوانك يشاركون معك في المعرفة وفي المزح ويزعلون لزعلك ويفرحون لفرحك

وفي هالوقت كثرت المنتديات وصار هناك سباق للمنتديات وكل عضو يتمنى أن منتداه هو الأفضل ويتفاخر بين اصداقائه بهذا الشئ

فكيف نجعل منتدانا هو الأفضل ؟؟

الحل بسيط








اول شي (( تشجيع الأعضاء الجدد ))


هذي هي البداية وأنت أكيد تتذكر أول يوم جيت فية للمنتدى وكتبت موضوع وكم تمنيت يرد علية الكل
وبتشجيعنا للأعضاء الجدد فنحن نحثهم على الأبداع فمنهم سيخرج لنا كتاب رائعين في الأدب والشعر وكتاب متميزين في الصرقعه أو في أي مجالات آخرى
والعضو الي دايم يكون الأول في الترحيب " حبيب وقلبه طيب "







ثاني شي : (( قبل لا تكتب أي موضوع في أي قسم معين لازم ترد على موضوعين اوثلاث او اكثر ))
وهذا شئ مهم مررره .. لأن هذا تواصل بين الأعضاء وتشجيع لهم وأي عضو يفرح بكل رد على موضوعه ويحثه على الأبداع أكثر فاكثر وأنت أذا رديت على موضيعهم الكل بيرد على موضوعك إذا كان يستحق .
والعضو الي دايم يرد على المواضيع يسمى " محبوب الكل "








ثالث شي : (( تشجيع المواضيع اللي يكتبها اصحابها ))

أن تكتب أنت موضوع بجهدك أفضل مليون مره من نقله أو نسخه من منتدى ثاني فالمستفيد الوحيد هو صاحب الموضوع اللي كتبه بجهده ولأنه موضوع حلو فالكل ينسخه وينشره في كل المنتديات ..أكتب فكره أو معلومه أو انقل من كتاب او مجلة اللي يستاهل النشر
والعضو الي دايم يكتب مواضيعه بنفسه " هذا نشيط ومتميز "










رابع شي : (( الكلمة السحرية ))

وهي أنك تكتب كلمة ( شكرا على هذا الموضوع ) كلمات شوية ماراح تتعبك او تنقص من قدرك او كبريائك المزيف .. كثير مانشوف مواضيع عدد قرائها فوق السبعين او الثمانين ومن هذولي فقد يرد على صاحب الموضوع واحد او ثنين وأكثر الأحيان تجد الموضوع ما فيه أي رد ..!!
يعني أنت تبي الكل يرد على موضوعك وأنت يابعدي ماتكلف على عمرك وتجامل صاحب الموضوع .. اجل وشوله تشارك وتتعب عمرك
ويسمى العضو الي دايم يشارك ويحث الاعضاء على المشاركه " ياحبي لك "










خامساً : (( محاربة الشلل ))

وهذا أكبر خطر يهدد أي منتدى وكثير من المنتديات هرب منها اعضائها لهذا السبب والحمد الله ان منتدانا مافيه .. وشلل هي أنو يتفق الأعضاء ويقولون ( احنا والله شله ارتحنا لبعض ومانبي واحد جديد يدخل بينا .. والاتفاق هو ترد على موضوعي ارد على موضوعك ) ويروح فيها الضعيف ( العضو الجديد ) مايعطونه وجه لين يمل وينسحب من المنتدى .. لا ومن زين الطبايع بعدها بفتره يقلبون على بعض ويصير كل واحد يكتب موضوع ولا يرد على الثاني .. وخلاص انتهى المنتدى وصار ممل والاصرف انه يتقفل
ويسمى العضو الي كذا " قريح الطواعين "






سادس شي : (( التواصل بين الأعضاء ))

التواصل بين الأعضاء في الأفراح نهنيهم وفي الأحزان نواسيهم ( عاد تخيل نفسك مريض او مسافر حتى أهلك مادروا عنك .. وتجي للمنتدى ولكل مشتاقين لك ويسألون عنك .. أكيد بتشقق من الفرحه ومحد قدك )
ويسمى العضو الي دايم يسأل عن الاعضاء .. " ياطيب القلب وينك "










سابع شي : (( التقليل من المواضيع المنقولة ))

بعض الموضيع مهمه ويجب أن تنقل وتنتشر في كل المنتديات .. لكن مسألة انك تشوف اي موضوع يعجبك وتنقله لا ويمكن يكتب عشر مواضيع في اليوم ( تخصص قص ولصق ) هذي شئ يطفش ويجيب العمى والصمرقع ( وشوله اشترك في منتدى !! .. اجل اقرا جريده او مجله او اتابع الاخبار في التلفزيون اصرف )
ويسمى هذ العضو .. مخربها








ثامن شي : (( لاتصير خفيف وثقيل ))

يعني يجيك عضو يكتب كل يوم عشر مواضيع وفي كل قسم يمحط له ست مواضيع من زود الفضاوه .. ويالله يالله نرد على نص مواضيعه ولا نلحق
وهذا يسمى العضو .. " الغثيث "








تاسع شي : (( التقليل من المشاكل وحوادث السيارات ))

يعني ثنين مقاريد تهاوشوا وقلبوا المنتدى فوق تحت ونقسم المنتدى وكل واحد معه عجرا وجيب الفزعه
( ياخي بينك وبين اي عضو مشكله او رده ماعجبك او لك ملاحظة .. ارسله على الخاص وتفاهم أنت وياه بدون مايدرون الأعضاء )
ويسمى العضو المشكلجي .. " بالعربجي "







عاشر شي : (( خلك ذرب يالمطفوق ))

يجي عضو ويتعب ويكتب موضوع جاد ومهم ويتوقع ان بيرد علية ويناقشة الكل بعدين يجيك ذاك العضو الي مايدري وين الله حذفه ويرد رد .. الموضوع في شمال في العليا وهو يرد شرق في الصمان .. ويخرب الموضوع او يقلبه تشات
( المواضيع الجاده والمهمه تحتاج الى رد جاد والمواضيع المصرقعه يرد عليها برد مصرقع او مهبول )
ويسمى العضو الي يرد برد في جهه والموضوع في جهه .. " حويل الدجة

واخر شي ...

المنتدى مو بعدد اعضائه .. بل بترابط اعضائه كلأسرة الواحده وكما قال الرسول صلى الله عليه وسلم (( مثل المؤمنين في توادهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى )) وقولة علية السلام (( المؤمن للمؤمن كالبنيان يشد بعضه بعضا ))

 

 

[بنت السويدي]

وااااااااااااااااااااااااااااااااااااااو

يا سلااااااااااااااااااااااااااااااام عليك يالبطل

موضوع 100%

ماشالله عليك صدقت بكلامك

تسلم و يعطيك الف عافيه

[البطل أبيــــها]

عيل شون عيل
افاااااااا عليج
وانتي اللي مئه بالمئه
والله يسلمج ويعافيج
وشاكرلج على المرورالمتواصل للمواضيع هام

[g6waa]

يعني يجيك عضو يكتب كل يوم عشر مواضيع وفي كل قسم يمحط له ست مواضيع من زود الفضاوه .. ويالله يالله نرد على نص مواضيعه ولا نلحق
وهذا يسمى العضو .. " الغثيث "





.. كلام عدل 100%

لكن في هذا فأنا اخالفك الرأي

بالعكس كثرة المواضيع في الاقسام

تدل على نشاط القسم وتنوعه

هل نكتب المواضيع للردود فقط ؟

هل نكتب قليل من المواضيع لكي نريح الاعضاء في الردود ؟

هل نقلل المواضيع لكي نجعل فرصه للرد ؟

بالعكس صديقي

المواضيع الكثيره تدل على التواصل الفعال

وخاصه المواضيع المتنوعه والمفيده والحلوه والمسليه


المواضيع الكثيره تجذب الاعضاء للمنتدى

لانها ترضي جميع الاذوااق وترضى جميع الميووول



انا لا اكتب في المنتدى كي اقرا كلمة "شكرا"


بل انا اكتب كي انفع المنتدى

وانميه والبي جميع ميول الاعضاء


وشكرا مره اخرى على تواصلك عزيزي ..

[g6waa]

.. مواضيك حلوه

وارجوا ان لا تزعل من النقاش المفيد والفعال :) ..

[Nathyaa]

الله عليك موضوع اكثر من رائع بصراحه



بس نقطة اختلاف بسيطه



وانا مع قطوه في انقادها علي نقطه وحده



يعني يجيك عضو يكتب كل يوم عشر مواضيع وفي كل قسم يمحط له ست مواضيع من زود الفضاوه .. ويالله يالله نرد على نص مواضيعه ولا نلحق
وهذا يسمى العضو .. " الغثيث "



دائما وابدا نسعي للرقي من هذا الصرح الرائع



تم التعديل علي روابط الصور

بليز استخدم السيرفر الخاص لرفع الصور حتي نجد سرعة بالتصفح

[لاجئ سياسي]

مشكور ياخويه على الموضوع

وصدقت في كل شي قلته

واهم شي الاخلاص للمنتدى وللأعضاء

صدقني اخوي ان شاءالله بيكون هذا المنتدى من افخم عقارات الشبكه العنكبوتيه

بس الهمه ياشباب الله يعطيكم العافيه
مشكور يالغالي والله يبارك فيك

[البطل أبيــــها]

القطوه ليش انتي مكبره الموضوع اذا مو عاجبج
لا تردين ولا تناقشي
لا تعليق
شاكرلج على المرور مو طالعه من قلبي

[البطل أبيــــها]

لاجئ العفو
والله يسمع منك انشاء الله

يعطيك العافيه على الرد جميل
وشاكرلك على المرور نورت الصفحه بمرورك