انسحاب من الاداره

[kuwait]

سلام عليكم

مشكورين عالثقه اللي عطيتوني اياها
وانشاءالله اشوف المنتدى اكبر واكبر

واقدم انسحابي من الرقابه وكلي حزن
لعدم قدرتي على تولي هالمنصب
حاولت اني اعطي المنتدى حقه ولكن ما قدرت بسبب الضغوطات النفسيه
ومشاغل الدنيا والوقت. والرقابه مسؤوليه وانا شايف نفسي ما اقدر عليها
وافضل اني اكون عضو

وارجو من الاداره
يشيلوني من الرقابه
ويرضون فيني كعضو عادي
وارجو من الاداره الموافقه على طلبي

ولكم تحياتي

ابو هيــــــــــــا

 

 

[الذهبي]

أخي كويت

نحن دائماً قلقين لأقسامنا فيوماً واضحة جهودنا به ويوماً تقل قدرتنا على رقيه

وبالعكس أخي العزيز أراك منتداك الفرعي من أجمل أقسام منتدانا العزيز

لكل شخص أيامه وأشغاله ونحن كذلك ولكن نتمنى أن الله يقدرنا ونخرج بالصورة الحسنة

أتمنى بأن تتراجع لقوتك الجبارة لهذا القسم الممتع

ولكل تحية : أخيك الذهبـــي

[Nathyaa]

الله يعطيك العافيه يالغالي

كل انسان تمر عليه ايام يكون متضايق او مشغول او يمر بضغوطات نفسيه خارجه من ارادته

وصدقني احنا بهالمنتدي اسره وحده

واذا ماوقفنا وياك بضيقتك وبمشاكل عيل مافينا خير يالغالي

احنا اهلك وسند وعون لك

وانشاء الله تعدي الازمه اللي تمر فيها وترجع لنا بالسلامه

وانا موجوده راح اسد مكانك الي ان تنتهي الضغوط النفسيه اللي تمر فيها

انا راح انقل الموضوع منتدي المحذوفات لاني متأكده انك راح تتراجع عن قرارك في يوم من الايام

عطني نفسك فتره للتفكير

وانا كلي امل ورجاء انك تتراجع عن فكرتك

[kuwait]

انا افضل اني اكون عضو عادي

[kuwait]

افضل اني اكون عضو عادي لعدم قدرتي على اعطاء المنتدى حقه

[الذهبي]

أتمنى بأن تتراجع لقوتك الجبارة لهذا القسم الممتع ولكل تحية : أخيك الذهبـــي

أتمنى بأن تتراجع

كويت شايفني ألحين قنبله بقسمي قسمي صارلة جم يوم سكة

بس شنو كل واحد يمر بطقوس نفسية عدل

وعندي أمل كبير بإذن الله راح أردله وأخليه أقوى قسم بالمنتدى

عندي أمل خل عندك أمل عزيزي

[ROLZ]

اتمنى تغير رايك اخوي كويت
هم بنفس الوقت اقترح يكون فيه ازدواجيه في الرقابه كمراقب رئيسي ونائب له
يعني مثلا ممكن يكون كويت مراقب منتدى الالعاب والذهبي نائب له ويكون الذهبي مراقب منتدى القضايا العاطفيه وكويت نائب له وبكذا يتوزع الجهد
اشكركم حبايبي

[g6waa]

.. بالعكس كويت

انا اشوف ان منتدى الالعاب من انشط المنتديات الموجوده

ومستحيل يطوف يوم واحد ماتشوف اي مشاركات فيه

وبالعكس منتدى مستمر ومتحرك ومتجدد كل يوم

واكثر المشاركات والدخول موجود فيه


وعلى فكره منتدى الالعاب هو المنتدى الوحيد

شوووف اقوول لك الوحيد

اللي مواضيعه قابله للتجديد والمشاركه بفعاليه

حتى لو لم يتمكن اي عضو من كتابة موضوع فيه


وأبيك اتفكر في رايك مره ثانيه لان طلبك غريب

انت مجهودك واضح بمنتداك

ومرتب وحتى الالعاب مستمره

والحمد لله ما شفنى عليك اي اهمال

بالعكس دايم مهتم ومتواجد بل متواصل كل يوم


اعتقد طلب غريب يا كويت لانك جدير بالمراقبه ومراقبتك فعاله وكل شي ساير مضبوط

وماعتقد اي احد راح يسوي اللي انت سويته وطورته في منتدى الالعاب

بهذا الاشراف والمراقبه المنتظمه..

[Nathyaa]

هم بنفس الوقت اقترح يكون فيه ازدواجيه في الرقابه كمراقب رئيسي ونائب له

هالفكره موجوده فعلا بس مو بالوقت الحالي

يعني ان شاء الله عن قريب العاجل راح يكون فيه المناوبه

وبعدين يالغاليين انا موجوده اي واحد يمر بظروف صعبه اتمني انه يدز لي رساله وانا راح اباشر قسمه اول باول


شوف ياكويت المراقبين اشكثر متعلقين فيك اتمني انك ماتخيب املهم

[VIP]

يعطيك العافيه اخوي كويت المشكله اللي اشوفه انه طلب غريب منك وانت من أنشط الاعضاء فعلاً لاحظت عليك
الايام اللي طافت عدم تواجدك بالمنتدى وهذاك السبب كنت تمر بوعكه صحيه والحمدالله عدت على خير اما الان
اذا عندك ظروف تمر فيها ما يمنعك انك اتنازل عن المراقبه اذا بغيت اتغيب عن المنتدى بسبب ظروفك
احنا موجودين ان شاء الله راح انسد مكانه اللين توصل بالسلامه والاخوان والخوات فيهم الخير

أتمنى التراجع... وأتمنى لك التوفيق