مسابقة الشبكه الكويتيه للإبداع "مسجاتك ... بتغير حياتك"

[miss roro]

مرحبا ..

طبعا آنا توني أدري عن هالمسابقه ..

ولو كنت أدري من قبل جان شاركت فيها بكل حماس والله ..

مادري متى آخر يوم حق المسابقه ؟

أرجو إنكم إتفيدوني ..!!

وشكرا

..

[Nathyaa]

اتوقع اليوم اخر يوم


يمديج ياقلبي تشاركين

[مونايا]

انشا الله راح احضرهم وارسلهم

[miss roro]

مرحبتين حلوين لأحلى الحلوين
((سامحوووني عالتأخير ))

..

1- رسالة حب

أحباب مستحيل أنساهم
في وسط قلبي سكناهم
وعيوني وروحي فداياهم
حبايب وشنو دنيتي بلياهم

..

2- رسالة لوم وعتب

لي عزيز غاب عن سمعي وشوفي ..
ماهقيت إن الزمن يعسر عليه كلمة ((إشلونك)) ؟

..

3- رسالة اعتذار

إن كنت مقصّر بحق الأحباب ..
"آسف"
ترى ظروف الوقت عله..
منتوا من النبض قراب
ياللي غلاكم محد قد وصل له..
يوم أشوفكم
كل جرح بي طاب..
لو بيدي أشيل ماي عيني..
وأحطكم محله..

..

4- رسالة شوق وفراق

إشتياقي لك غريب
إسأل إحساسك يجيب
إنك النور لحياتي
إنك لجرحي طبيب
إنت شوقي
إنت ذاتي
إنت قلبي
إنت عيني
إنت نبضي بالحياة
صار حبي لك جنون
بس لك عندي سؤال ؟
بعد كل اللي قريته آنا لقلبك من أكون ؟

..

5- رسالة حزن

قليل البخت"مايضحك" لو ضحك ما يسمعونه..
وحزين القلب"مايفرح" وإذا فرح يحسدونه..
ليش إحنا "لاعطينا" تنجرح راحة إيدينا..!!
وليش إحنا"لاخطينا" تنقلب الدنيا علينا .. :(

..

6- رسالة تهزيء

عند الكرامه أبيعك وإنت خابرني ..
ماعمر أحد راح من كيفه وترجيته ..
إن كان قصدك هجر .. روح وإهجرني ..
أخوي اللي أهو أخوي لا صد عني ما ترجيته ..

..

7- رسالة غدر وخيانة

ياخاين إنت قلبي جرحته
وطبعك دوم الأذيه
ليه بالخيانه ذبحته ؟
وهو دوم لك صافي النيـّـه ..

..

8- رسالة ذات طابع إسلامي

حان الآن موعد "دعائي"
حسب توقيت "المحبه في الله"
في منطقة "القلوب الطاهره" وما يجاورها..
أسأل الذي فوق سابع سماء..
والذي يراك ويعلم سرك ومستقرك ونجواك..
أن يجعل ((الجنه مثواك))

..

9- رسالة إنجليزية

I LOVE U SO MUCH
MY HEART IS SURE,AS TIME GOES ON I LOVE U MORE,UR HAPPY SMILE,UR LOVEING FACE ,NO ONE WILL EVER TAKE UR PLACE

..

10- نكتة

سودانيه إسألوهاعن شباب الكويت .. قالت :
والله محترمين .. كله ينادوني يالخــاله :D

..

وبس ودمتم سالمين وشكرا
تحياتي لكم فردا فردا
miss roro

(( حتى ولو فشلت .. يكفيني شرف المحاوله )) :)

..

بالتوفيق للجميع ..

[66khaled]

يعطيك العافية ومشكور على الرسالة بس للاسف وقت المسابقة انتهي ان شاء الله مرة تانية

[وداد]

النتائج طلعت ولا لا
موجنه امس المفروض تطلع؟

[miss roro]

لا أحد يَرُد :d

هل من مُجيب ..!! :(

..

[King]

اي خلص وقت المسابقه بس شكلهم قاعدين يقيمون المواضيع والنتيجه بتطلع بوقت قريب جدا طولو بالكم شوي :)

[وداد]

لا انا مستعيله
عشان اعرف راسي من ريولي
بخطط وين بصرف 150 دولار هههههه

[miss roro]

ههههههههههههههههههههههههههههههههههههههههههههههههههههههههااي

وداد والله ضحكتيني :d

يبا واللي يعافيج إذا ربحتي عطيني ياهم .. حدي امفلسه :d