هذا الموضوع يريد تبرئ من ذنوب الرجال !

[لاجئ سياسي]

اممممممم

عشان نرجع في صلب الموضوع أحب اقولج مشاكل الطلق على مستوى دولة الأمارات بس سببها 90% الحريم

وانا ماقول جيه استهزاء بالحريم او شي لا والله لاني شايف وعارف الوضع

1. أهل الحرمه يكبدوونه عناء الزواج ولي يكلف أكثر من ميتين الف بالميت
2.الزوجه لمجرد ان أخت الزوج متعنطزه بعض الشي او أمه حشريه شوي ماتصبر تقعد اتحن على راسه شوف اهلك او خذ لي بيت روحي..!!<<<<<< تريد اتبريهمن أهله عيني عينك
3. تاكل روحه في الطالعه والنازله وين كنت ؟ ومن اتكلم؟ وليش جاي متاخر؟؟ ماتاخذه بالهداوه او انها اتشوف نفسها اذا كانت مقصره

وفيه أمور كثيره اذا اتكلمنا فيها بندون دواوين منالقصص الواقعيه

هنيه الزوج يقول خلني افتك احسلي وعايش عزابي واذا فكرت في بنت باخذها على طريقتي الخاصه

يرووح يتزوج من الشام او المغرب او انه يتعرف على وحده ويدرسها زين وبعدين يتزوجها او انه أهله يشوفون له بنت ويرتاح لها وياخذها المهم انه يتخلص من اللي عنده ولي كلت روحه من كثر الحنه

مشكوره اختي والنقاش معاج جميل جداً

[بنت الامارات]

مشكور اخوي

وانا لو قلت لك :
* الريال يروح مع ربعه وينسى ان له حرمه يتركها
* لو يا يحاسبها على كل غلطه يعيشها تهديد بتهديد
* يسوي الغلط تتحمل يمكن الطيب اييب نفع !
* امه من طرف لا هذي عمتيه رح اتعود عليها لازم يكونن جيه اول فتره ! لان الام تحس الغيره منها تظن انها بتاخذ الريال للي من قبل هي اختارتها وخطبتها له !
* يطلب منها تتطبخ وهي توها داخله بيتهم ! ليش انتي ولو شفتي يقارنها بزوجات اخوانه !

هذا بعد الزوج 10 بالميه اذا كانت الحرمه 90 بالميه
لكن لحنا تعودنا ان الحريم عقل ناقص والرجل ! لكن ليش تصرفاته جيه ! ثوره غضب او وحده لعبت بعقله !
المجتمع ظلمها الحرمه والرجل كافئه بوحده غير عنها !
ولله الشكوى
الله يكرم كل وحده انظلمت لهذا السبب او غيره ان شالله
واذا الله يرزق الجميع على نواياهم ان شالله

اشكرك اخوي وتحمل ما بدر مني

[لاجئ سياسي]

العفو الغاليه
بس هذا بصراحه مش عذر انها اتقول ريلي اروح عند ربعه او (ربيعاته) وهي ماشافت بعينهم انه ناوي يقصر فيها


انا اعرف ريال كان قاعد معنا وفجأة حرمته سايره تشتكي عند ابوها واتقول انه قاعد مع بنات لا والقهر تحلف ..!!
وكله هذا عشان سمعت في تلفون ربيعي صوت وحده اتقول شعر وفي جو هادي ولي مايشوف التلفون على باله انه صدق وحده تتكلم معنا
قالها وحلف لها انه التلفون وان هذي بنت هي مسجله صوتها وكذااا

لكن من يقول حرمته تحلف انها سمعت صوت وحده اتقول حبيبي يالله؟؟!!!!!

سبحان الله
سيدنا موسى عليه السلام شاف واحد يسرق بعينه فليل والصبح جاء صاحب الحلال المسروق وسألو سيدنا موسى فقالهم انه فلان هو اللي سارق وانا شفته راحو عند اللي سارق ولما واجهو قال انا؟؟ اقسم بالله ماسرقت!! فقاله سيدنا موسى أمنة بالله وكذبت عيناي؟؟!!!!!!!!!!

فمابالج هذي تحلف على شي ماشافته ومش مقتنعه ان زوجها يحلف لها صدق؟؟

الله يعينا بس

[بنت الامارات]

معاك حق اخوي
الله يعني ان شالله
لكن اذا قلت لك اني انا شهاده على هاي القصه
وان الريال ايب الدليل لين غرفته ! محد صغير ما يعرف يميز بين الصواب والخطأ
البنت المسكينه تركته لضميره ! ولا قالت سين وجيم وياليتها قالت له سين وجيم كنا على الاقل وصلنا لنتيجه اما عن الربع لحنا نقول مش انه ينحبس عندها يطلع ويشوفهم لكن يكونون ناس يستاهلون كل هذي القعده عشانهم
النقاش مع اسلوب مثل اسلوبك اخوي ممتع ومشوق

[لاجئ سياسي]

من ذوقج الغاليه

وترا على فكره في هذا الموضوع بالذات يبغي أنصاف من الطرفين

وانا عنصري شوي من ناحية الرجوله لؤؤؤؤؤؤل
لا افا عليج انتي اللي ذوق وانتي أخت وغالي والله

الله يوفقج ويستر عليج في الدنيا والاخره

[بنت الامارات]

اريد اضيف نقطه بنسبه ليا مهمه :
مقارنه بين الزوج العربي والخليجي
العربي يجمع درهم درهم عشان يتزوج
يحسب ألف حساب لكلمه الطلاق
والخليجي بنظري الخدمات توفرت جدامه يعني سهله ياخذ 3 بدل الوحده والطلاق عنده سهل لانه ما تعب وشقا
قلتها بكل اختصار

[g6waa]

.. شوفي اختي بنت الامارات

موضوعج سيف ذو حدين

مانقول ان جميع الرجال مخطئين

ولا انقول ان جميع النساء صائبين

في نساء فعلا الطلاق احسن رد لأفعالهن

وفي نساء مظلومات

واكبر خطأ اقترفوه هو الواج من هذا الرجل

وميصير تحكمين على المجتمع

من قال لج ان نظرة المجتمع واحده بالنسبه للمطلقه ؟

اللحين الناس فهمت وعرفت ان المطلقات هن نساء عاديات

مروا في مشكله وخرجوا منهاا

وانتهى الامر

بالعكس في مطلقات عايشين حياتهم

ومتزوجين وعندهم اسره متكامله

النظره اللي اتقولين عنهاا راحت

وقفط الجاهلين هم يشوفونها بهالطريقه

اشكرك عزيزتي على الموضوع ..

[بنت الامارات]

صحيح الجاهلين للي يشووفنها جيه
والله يبارك فيج اختي الغاليه
ومشكوره على هذي النظره المفائله ولله الحمد على كل الاحوال