كويتي
هلا وغلا بهالطله خيوووو
نورت المقال :)
شوف انا بمشي معاك خطوه خطوه
ليش مقومين الدنيا
ليش الكل يتكلم وكانا الحكومه
عدوه للشعب
|
ابي اسألك سؤال بكل مصداقيه
هالاشياء اللي قاعده تصير بالكويت من تجمع برتقالي وازرق وبنفسجي وفسفوري هل كانت موجوده ايام ابونا جابر الله يرحمه ؟؟؟
هل كانت نظرتنا نفسها ام تغيرت ؟؟
ماهي الاسباب اللي خلت نظرتنا تتغير ؟؟؟
مافي دخان من غير نار
هذي ردة فعل طبيعيه من الشعب لتمادي الفساد والبوق اللي قاعد يصير بالديره
وللاسف الحكومه قابله بهالشي وللاسف بعد ان في بعض من الحكومه قاعدين هم يبوقونا
انا ماقول الكل
انا اقول البعض
ثانيا انا اشك بكلام الدكتور
الطبطبائي مع اني احبه
|
للعلم ان اللي ثار الفتنه هو سكرتير العيار والطبطباي برئ من اي جمله حاولوا انهم ينسبونها له
هذا اذا كان التشكيل حسب ما سمعته
وايضا مجلس الامه قويه
بتشكيلته القويه
|
وهذا اللي احنا نتمناه
انا بعرف الحكومه ليش ماتحركت للرشاوي وشراء الاصوات اللي قاعده تصير ؟؟
ليش ساكته ؟؟ شنو الهدف من ذالك ؟؟
الا تتوقع اخي الكريم انها بسكوتها قاعده تساعدهم
الحكومه تبي يصير لها صوت قوي بالمجلس علشان جذي سكتت عن شراء الذمم
انا بصراحه كل ما ادخل منتدى
اشاهد الكلام عن الحكومه
وكانها حكومه وضعت لقمع الشعب وقتله
|
كلام سليم وعاقل
بس ياترى شنو السبب ؟؟؟
لماذا بهالفتره بالذات اللي قاعدين نتكلم عن الحكومه ؟؟
ليش ماتكلمنا عن الحكومه قبل تقريبا سنتين او اكثر
لابد من سبب جوهري
والسبب مكشوف للكل
ذبحونا بوق ونهب وفساد منتشر بكل مكان
هذا ناهيك عن المناقصات اللي قاعده تروح لثلاث عوابيل بالكويت بس
لاعبين فينا لعب
والله والله احنا مانبي اكثر من جذي
الكره بملعب الحكومه الحين
لازم تبين لنا حسن نيتها اذا كانت فعلا قاعده تحارب الفساد
|
كل يوم نسمع عن لعبة الاستجواب
|
الحكومه ماتبي الاستجواب
في بعض من اعضاء الامه رتبوا الاوراق لاستجواب احمد الفهد وفجأه انحل المجلس :)
مو من المصلحه استجواب واحد من العايله
واذا انت تتكلم عن الصراخ انا معاك موقاعدين نوصل لشي
بس ان شاء الله املنا كبير في المجلس وان شاء الله نحقق اللي ماقدرنا نحققه
ما بخصوص وزير الداخليه
فكل شي بهل بلد على وزير الداخليه
|
طبيعي كل شي بيده وهو المسؤول الاول والاخير
هذا واجبه ومن صميم عمله
ونحن كشعب نطالب بالكثير والكثير
هذي بلدنا ياجماعه
هذي ارضنا وارض عيالنا وعيال عيالنا
احنا الحين بسنة 2006 ماعندنا ماي صرنا مثل سيلان
عيل بسنة 2020 شراح يصير
اكيد راح نلقى عيالنا وشبابنا يشتغلون عمالين وصباغين وشيالين قمامه مع احترامي للجميع
هذي هي الكويت اللي هي اغنى الدول ؟؟؟!!!
وين فلوسنا ؟؟؟؟
ليش موقاعدين يحاسبون اللي قاعدين يبوقونها
وين المديونيات ؟؟
وين الحسابات الللي بسويسرا ؟؟؟
كل واحد باق من الديره وانحاش ليش ماتتعقبونهم والا لانهم من عايلة ال .......
كويتي صل على نبيك
ادري انفعلت بس اللي قاعد يصير بالكويت مسخره لابعد الحدود
ولابد من وقفه جاده وحازمه
ولازم الحكومه تبين لنا مصداقيتها
واما بالنسبه لوزير الداخليه
ماشاء الله مومقصر كلش مسوي اللي عليه واكثر كل يوم مداهمات والقاء قبض دعاره ومخدرات
مانسا انه يمسك المتعاطين
بس للاسف انه نسى انه يقبض على المرتشين والبواقين اصحاب الروس الكبيره
نعم نلتمس له العذر لانه نسى وراحت عليه
ومثل ماتفضلت هذا قصور منه
بس نسيت تقول انه هالقصور راح يخرب الديره
انا ماقدر اكمل بصراحه لان الضغط صار مليون
هههههههههههههههههههههههههههههههههههههههههه
خليني اشرب فنجان قهوه واروق شوي
كويتي عزيزي
ابي ابين لك نقطه صغيره
انا كويتيه واحب ديرتي وابوس ترابها بعد وانا احترم حكومتي لان من فتحت عيوني ومن تأسست الكويت وهي لعايلة الصباح
الله يحميهم لنا
بس شخص عن شخص يفرق
اين زمان عبد الله السالم ؟ اين زمان صباح وزمان جابر ؟؟ الله يرحمهم
شوف الفرق ياكويتي بعيونك
عبد الله السالم اللي دفع فلوس الدنيا لبريطانيا وقال لهم تعالوا دافعوا عن البلاد انا مابي شباب الكويت يدشون حرب قاعد يدفع فلوس علشان يحمي شبابنا
وبين ,,,,,,اللي يوم ......طلع المقيمين وكشت بابناء البلد
لان ابناء البلد مامنهم فايده بس المقيمين هذا وراهم اقتصاد البلد
ياجماعه اسمع باب الشقه ينطق
ماوصيكم على بنتي هههههههههههههههه
ديروا بالكم عليها لين اطلع من السجن
اي هين
هذا اذا طلعت :)
09-07-2006, 08:20 PM
المواضيع المتشابهه
