وفاة متهم داخل نظارة الحجز بالإدارة العامة للمباحث الجنائية، من المسؤوول ؟

[VIP]

نعم صحيح يالحيران وشكراً على توضيحك قد يكون فعلاً مثل ماذكرت والله أعلم

[Nathyaa]

ميشيل

معقوله ؟؟

طيب اشلون جذي يطقونه ويتسببون بوفاته ؟؟

مو من حقهم

في شي اسمه محاكمه

احنا مو قاعدين بغابه

اوكي ممكن انهم يطقونه علشان يستخلصون منه بعض العلومات

اما انهم يموتون الريال فهذا شي مو من حقهم

عيل خلونا نسكر المحاكم شنو فايدتها

لاحول ولاقوه الا بالله

وبعدين الريال ماثبتت عليه الجريمه لانه كان بالجنائيه يعني ماراح لين الحين المحكمه

الله يهدي بعض شرطتنا :(

اسعدني مرورك ميشيل

[Nathyaa]

ليدر

كلامك على عينمي وراسي

وهذول فئه لابد من حرقهم

بس مو من حق الجنائيه انهم يطقونه لين الموت احنا مو بغابه

وانت ذكرت

نحنوا بالكويت لا الحبس مدة معينه وغرامه ماليه وقدرها ... ومن ثم يخرج ويعيد الكره وهكذا !! ماذا استفدنا ؟؟

احب اصحح معلومه ماي بوس

ان تاجر المخدرات بالكويت يعدم

وقد تم تنفيذ حكم الاعدام في كثير من الاشخاص بالكويت

أنا أشجع وزارة الداخليه على ذالك بالعكس ولا أقف ضدهم بمثل هاذهي الفئه الفاشله بالمجتمع

.



ليش عيل حاطين لنا محاكم ؟؟؟

باي حق يموتون الريال ؟؟

هل من صلاحياتهمم الطق بهالطريقه البشعه ؟؟

الممفروض من اهل الميت انهم يطلبون بتحليل لجثه ومعرفة سبب الوفاة

حتى يحاسب الممسؤوول

وبعدين بقولك شي شنو مهمة المحاكم هني


اسعدني مرورك ماي بوس

[Nathyaa]

الحيران

هذا مو أول ولا راااح يكون آخر واحد يموت من أثر التعذيب

هذا اتهام خطير

وليش ساكتين عليهم

ليش مايحققون معاهم

امبيه وين قاعدين احنا

لاحول ولاقوه الا بالله

طبعا الموضوع راح يمر مرور الكرام على موتت هالريال

لاحسيب ولارقيب

الف الف شكر لتواصلك

[VIP]

عزيزتي Nathya
التهمه المنسوبه له تعاطي المخدرات
والمتعاطي والبائع أثنينهم على خط واحد
المدمن اذا سار في الشارع وشاهده زميل له وقاله انا اتعاطى وطبعاً زميله يكون على طريف مثل مايقولون بالعاميه
وضحك عليه وعطاه من المخدر وذهب زميله باليوم التالي وقاله عطني من اللي امس طبعاً راح يقوله مثل ما نشاهدهم بالافلام يبيلها فلوس يقوم زميله ويعطيه الفلوس ويذهب المتعاطي ويعطيه من السم اللي عطاه بالليله الماضيه ....
طيب
انت يالمتعاطي من وين أتيت بهذا السم من فلان وفلان من اتيت بهذا أيضاً من فلان
بالأخير أصبحوا تجار فيما بينهم يعني يا أختي المفروض الحكم عليهم واحد
دربهم واحد درب الهلاك الله لايوفقكم جميعا ,
لوثوا البيئه بمصائبهم دمروا أسر ضيعوا شباب حسبي الله ونعم الوكيل
يستاهلون اللي يجيهم من وزارة الداخليه انا ما اقدر اصرح بأن وزارة الداخليه مذنبه ولا تستطيع الضرب المبرح لأجبار المتهم على الأعتراف ولاكن أعتقد والله اعلم بهاذي الفئه الظرب بهم حرام أعدامهم أفضل علشان التاجر يلجأ لمنو يبيع سمه اذا نفذوا المتعاطين يتوقف عن البيع
كلامي ليس بخطه ولاكن نقول لافات الفوت ما ينفع الصوت .

[kwety]

اختي نثيه
احب اشكرج على هل نقل
للموضوع
لكن احب اوضح لج شي
ان رجال الامن لا يستخدمون الدرل
اثناء الاستجواب
حتى يفتحون ثقب في بطن المتهم
ثانيا
انا الي فهمت من الاخوان انه متعاطي
لزم اول نعرف المتعاطي
المتعاطي حسب ما نشاهد ونسمع
انسان ضيف بهذا المجتمع لا يملك شخصيه يوصف بوصف يفتخر به
بانه شرذمة هذا المجتمع من اجل حقنه من المخدرات يبيع اغلى ما يملك
وليس اغلى ما يملك فقط يسهل في نهائية اغلى ما يملكون اناس ذوا غربه لهم
او ناس بعيدين عنهم نهايته معروفه نهايه سعيده لديه اما عند مصافط احد
المستشفيات او تم تكريمه بالقائه باحد حاويات الزباله اعزكم الله
ثالثا
يجب ان نحلل هذا التعريف
انسان ضعيف
اي انه لا يملك شخصيه يمشي وره اراء سفهاء المجتمع
وصفه بانه شرذمه
اي مكرومه من المجتمع مطارد من الجميع حتى اكله اذا اطر به الامر ان ياكل
من الزباله اعزكم الله من اجل شراء المخدرات اي انه نكره بالمجتمع
يبيع اغلى شي لديه
اي انه يبيع شرفه ويبيع شرفه حتى خواته وزوجته ولا اتمنى ان احد يقول
هذا كلام غير صيحيح لاني راح اعرف انه اصلا ما يعرف هل ناس
وايضا لو تتابعون قضايه الخطف رغم قلتها ولله الحمد بالبلاد
لوجتم بان 99 بالمئه من مرتكبيها هم من هذه الفئه
من هذه الشرذمه الفاسده
نهايته السعيده
لا احتاج ان اعلم الناس هذه المعلومه
الكل يعرف هذه النهايه الموت بجرعه زائده
تم ياخذه اصحابه ويرمونه باحد مواقف المستشفيات
الا اذا كان هذا الميت بالجرعه الزائده يحبونه اصدقائه
ويودون تكريمه
بان يقومون بحذفه باحد حاويات القمامه
اي الزباله اعزكم الله
كتكريم له وتكريم للصداقه وتكريم لاحلى اوقات التعاطي السعيده
رابعا
من شجعه على التعاطي
المجتمع هو الذي شجعهم
الناس تصرخ من اجل وفاة تاجر مخدرات اثناء مطارده
او اثناء التحقيق
اين حقوق الانسان
اليس للمتهمين حقوق
المتهم برية حتى تثبت ادانته
وكانه الفحص الطبي لا يبين بان هذا الشخص متعاطي
وعندما ياتي هذا المتعاطي ويخطف بناتهم
يصرخون اين الامن اين الدوريات اين المباحث
كيف يترك هذا المتعاطي يعبث بالامن
يعني الناس ما يعجبهم اسلوب الامن في تضيق الخناق على هل شرذمه
ولا يريدون ان هل شرذمه ياذونهم
ويريدون ان رجال الامن يمشون على طريقتهم
انا اتمنى بان وزارة الداخليه تمشي بس شهر
على طريقة الناس وتعطي رجالها راحه نفسيه
عن هل تصرفات لاني كلي ثقه بان الناس
راح تروح عند مبنى وزارة الداخليه
وتحتشد هنا وتطالب الوزاره بالعوده الى اسلوبها السابق
وطبعا لون هذه الحمله راح يكون اللون الاحمر
يعني البرتقالي نبيها خمس
الاحمر نبيها دم
انا اريد ان اسالج اختي نثيه
هل اانتي ترضين ان احد ابنائج
يجلس مع شخص متعاطي
طبعا لا
لكن هل انتي تعلمين
ان من يجلس ابنج معاه او مثلا البقاله
الي يشترون منها ابنائج من هو صاحبها
ايضا طبعا ما تعلمين
اختي نثيه
انتي تريدين ان يصادق ابنائج افضل الناس
ويسيرون بطريق امن بعيد عن هذه العواصف
بعيد عن اسلاك او قاذورات تملأ المجتمع
بعيد عن شرذمه همه الوحيد كيفه يوفر المال
ليغرز نفسه ابره وياليت الابره يديده
ابره مستعمله اي ان تاجر المخدرات
يستخسر المال لشراء ابر جديده
فهو يعلم بان من يشتري المخدرات ليتعاطه
هو عباره ان مخلوق غذر
لو كان ثمن هذه الابره ان ياكل من الزباله
عزكم الله لما تردد بالاكل
كل هذا تريدينه
هذا كله لا ياتي بتعامل ناعم مع هذه الشرذمه
ياتي باستخدام العنف مع هذه الناس
الناس هذي ما راح تعترف وتكشف عن اصدقائهم
الا بالدوس وتكسير الراس
عادي هذا الشاب جم انسان مات من سبته
جم عايله ضاعت من سبته
نسيت هذول مالهم حقوق
بس المتهم له حقوق

العوايل
نار تاكل حطبها
مالنه شغل فيهم
اهم شي الشرذمه اهم الي لزم ندافع عنهم
هذول الي راح يرفعون اسم الكويت
والي راح تطلع الكويت من احسن الدول في التعامل مع الانسان
مفهوم حقوق الانسان يطبق بالخطئ
الشرذمه لا يعتبون من سلالة الانسان
حتى تجمعونهم من الحقوق المزيفه
الي اهي حقوق الانسان
ناهيج اختي ان حقوق الانسان تطالب
بعدم تنفيذ حكم الاعدام بالقاتل
ناهيج بان هل كلمه اته بها الغرب
وزرعها بعقول بعض الناس
المطالبين بحقوق الانسان
الغرب قديما الذي كان يعتبر المرأه شيطان
الغرب الذي كان يقسم المرأه
الى قسمين
النصف الاول شيطان
النصف الثاني انسان
عندما اتى الاسلام ضمن حقوق المخلوقات كلها
اي انهم ضمن ليس فقط حقوق الانسان
بل ضن حقوق المخلوقات كلها
هم يقولون المرأه ليس لها كرامه
ولا لها قيمه عند المسلمين
لو كنتي اختي نثيه ام اجنبيه
وكان ابنج كبير فالعمر
لرماج بالشارع
اما وانتي بنعمة الاسلام
تضربين ولدج لو كان كبير لا يتكلم
بل يقوم ام تربي ابنها
انا اسف دخلت في موضوع ثاني
بس حبيت ابين حقوق الانسان
الي يتكلم فيها بعض الناس
والي وصل فيهم الامر الى
المطالبه بوقف عمليات الاعدام
اي ان القاتل له حق والمقتول ليس له حق
اي حقوق يمتلكه شخص مدمن
على تعاطي هذه المواد
اختي تعتقدين جم شخص تعلم التعاطي من سبة هذا الشخص
انا اشد على يد رجال الامن بكل قطاعاتها
وليس فقط المباحث انما جميع قطاعات
الامن واطالبهم بتضيق الخناق على
اسوء فئه فئه اعزكم الله غذره
ولو كان عن طريق استخدام قوه
غير مشرعه بالقانون
اتمنى ان وجهة نظري ما
تاخذ باني انسان احب العنف
لكن انا انسان احب اجلس بالبيت
وانا مطمئن عارف بان لم يتجراء احد
بالدخول علي وقتلي وسرقتي من اجل
شراء جرعه من المخدر لكي يدخل
هذه المواد الى جسمه الغذر
والف شكر لج اختي نثيه

[Nathyaa]

ليدر

انا معاك 100 %

وهذول موتهم اشرف لهم

بس في جهات مسؤوله لمحاسلتهم

ليش عيل حاطين محاكم

المشكله مو في تعاطيه ولا تجارته

المشكله في تصرف الجنائيه معاهم

اوكي تبون تطقونه علشان يعترف طقوه بس و تذبحونه

احنا و بغابه :)

[Nathyaa]

كويتي

كفيت ووفيت اخي الفاضل

اولا

شرف لي تواجدك بمتصفحي

ثانيا

نخش بالموضوع بس اول شي اشرب فنجان قهوتك وروق شوي

بسم الله

انا معاكم ان هذول حثالة البشر

وحرام نسمينهم حثاله لان الحثاله اشرف واطهر منهم

وانا اشد على يد وزارة الداخليه في محاربتهم واطالب باعدام كل تاجر ومتعاطي بعد

بس في شي اسمه قانون

ن ناحية حقوق الانسان هذا شي مرفوض العين بالعين والسن بالسن كما امرنا الله

ولكم بالقصاص حياة يااؤلى الالباب

جمعية حقوق الانسان مفروضه علينا المسلمين احنا بس لان الغرب مايعترفون فيها والدليل مايحدث بالعراق ولمسلمين الفلبين والشيشان وللاقليات المسلمه ولسجن غوانتامو


اذن وصلنا لنقطة اتفاق وهي رفض هذه الجمعيه

بس الشكله بهالموضوع شنو ؟؟


في شي اسمه قانون واظن ان القانون بالكويت حاسم وصارم

مو من حق اي اداره انها تكون سبب في موت شخص اثناء التحقيق معاه

طيب الحين شنوا استفادو يوم مات ؟؟

ماقدروا يستخلصون منه من وراءه ومن هم التجار الكبار

وبعدين تدري شنو يعني ثقب بالمعده ؟؟

هذا من كثر الطق ادى الى نزيف داخلي

لو كل واحد مسكته الجنائيه وطقته لين مات عيل نسكر المحاكم احسن ليش مفتوحه ؟؟

اخي الفاضل

انا معاك ان هذول مال حرق ببانزين والمفروض محد يرأف لحالهم
لانهم اقرب مايكونون للحيوانات عزكم الله

وانا ماادفع عنه

المثل اللي يقول جلب وفطس

بس احنا نتكلم عن دور الجنائيه هني

انا معاهم في الطق

خليهم يطقونه طق لين يتكلم

بس انهم يموتونه ؟؟ هذا شي مو منطق ابدا

الحين الغلط صار على الجنائيه

اخي الكريم بين وقت ووقت نسمع عن اعدام تاجر مخدرات بالكويت

والله ان الشعب كله يفرح لهالاخبار الحلوه ونقول كلنا الله يحمي بلدنيا وعيالنا

بس هم تصرف الجنائيه غلط لان مو من سؤولياتها معاقبة الاشخاص

الانسان مايبجي على موت متعاطي ولاتاجر بالعكس يقول في باله انه ارتاح وريح اهله ومجتمعه في موته

بس لازم تكون الطريقه صح

كلامي يتلخص بجمله وحده للتوضيح

المتعاطي او التاجر يجب ان يقتل ولكن بالطريقه الصحيحه ويجب على الدوله اعدامه امام الناس

طيب ابي اسألك سؤال

الحين الريال مات موتت جلب مكرم السامع

بس هل تتوقع ان الجنائيه اراح يحققون في سبب الوفاة ؟؟

هل تتوقع ان اهله ماراح يحققون في سبب الوفاة ؟؟

الحكومه ماقصرت بهالموضوع كلش

حطت لهم مستشفيات للعلاج وحطت لهم سجون خاصه على مااظن اسمه سجن التائبين وحطت المشنقه للي مايبي يتعدل

طيب انتي يالجنائيه بأي حق تموتين الريال ؟؟؟

شوف لو كان موته في مطارده بالسياره او اطلاق نار انا معاك ان الشرطه لازم تموته في الحال وماتحوله اصلا تحقيق

بس الريال بين ايدهم في هالقضيه يعني متمكنين منه عدل

نفترض على سبيل المثال وان شاء الله مايجي هاليوم ابدا

لو عندك اخو متعاطي وسكته الجنائيه ومات من كثر التعذيب

امانه وبكل صداقيه شنو ردة فعلك هني ؟؟؟

ولاتنسى انه متعاطي وليس تاجر

ممكن يكون التعاطي حشيش او حبوب يعني و شرط ابر وشم

[الجنان]

[FRAME="11 70"]السلام عليكم

أنا براي ان الي سو أكبر خطأ

لأن اذا كانو يبونا يعترف في ألف طريقة و طريقة كي يعترف

فمن يستعمل أسلوب الضرب هذا الشخص ليس لديه حل للمشكلة

الله يكفينا من هالمشاكل يا رب

يعطيج العافية نثيه على هالموضوع

و سلامتكم [/FRAME]

[Michael]

الف شكر لكم طرح جميل واختيار موفق للمناقشه في هذا الموضوع
انا واحد اعرف يشتغل بالجنائيه
ما جبت الكلام من جيبي انا
انا ما قلت من كثر الطق الا ليمن سمعت صاحبي يقول هالحجي
وللعلم فقط الظابط ماله اهو اللي ماسك هالقضيه
مو شرط الدرل اهو اللي يسوي ثقب بالمعده
لمن يستخدمون رجولهم بالطق بمعني اخر شووووووووووووت وعاد تجي هدف ولا ما تجي هدف وللاسف مو سوء حظ المتهم جت هدف اللي سبب نزيف بالمعده
كويتي
اللي افهمه منك يعني هذا مو خطأ من الجنايئه اللي سبب بموت هالمتهم؟؟
اللي اعرف انه رجال الامن يحافظون على الامن والامان بالبلاد وليس القتل
تحت عنوان (طرق الاعتراف)
يعني واحد متعاطي ما اعالجه لا اذبحه احسن
كويتي انت تبي توصلي انه شرطتك ما تغلط ابدا
واللي حصل هذا غلط من اغلاط الشرطه اللي لا تعد ولا تحصى
للعلم فقط ترى اكثر واحد يرقم بالكويت اهو الشرطي هههههه
ادري شطيت عن الموضوع
بس يا عزيزي يا كويتي
ترى هالمدمن اللي تتكلم عنه اللي ماله حقوق على قولتك له الحق انه يعيش
انا معاك انه اسفل السافلين
بس مو شرطتك اهيا اللي تحكم عليه بالموت
ارضى بالواقع ترى اللى حصل هذا غلط
وسلامتكم