البدر انا معاك بكلامك بس تره انا خذيتها او بالاحرى فهمتها بطريقه ثانيه
(تتركه يستمتع برجولته لا يحب الرجل الفتاة التي تقيد حريته وتطلب منه تناول الطعام الذي تحب ولا تدعه يذهب على أصدقائه، بل تأخذه إلى اجتماع صديقاتها.)
يعني انه ماتقيده في رياييل يحبون يطلعون بين فتره وفتره قهوه طلعه حداق مع ربعه الخ.. موتقعدله لاتطلع وتمنعه وتنكد عليه وبالاخر يطلع غصبا عنها او يضايق منها ووو, تاخذه الى اجتماع صديقاتها عاد ماعتقد المقصود اهني جاي الضحى يمكن الموضوع منقول على اساس هالجمله في بعض البلدان عادي عندهم بس احنا كمجتمع متحفظ يمكن مانرضاها بس انا اللي فهمته انه ممكن يتعرف على صديقتي من خلال زوجها اهو يقعد مع ريلها وانا معاها وحتى طلعاتنا او سفراتنا ممكن نكون مع بعض موشرط عاد اطقها سوالف مع ريلها او تصير سمردحه بس يصير نوع من التعارف البسيط اللي هو معرفه بين عائلتين والعكس صحيح رفيج ريلي وانا اتعرف على زوجته نفس الشي واذا تشوفها من زاوية عيوني تره هالشي فيها فايده من خلالها تعرف زوجتك تماشي اي نوع من الحريم -يعني مراقبه بدون ماتنتبه من بعيد لبعيد- بس طبعا يكونون الكل نعم الاختيار والصداقات.
وطبعا لما تتوطد العلاقه بين الاسرتين شي طبيعي بيكون في سلامات وحوارات خفيفه تجمع الاطراف كلها باحترام خاصة عالعشا مثلا او واحنا قاعدين
موالمقصود تروح الديوانيه وتلعب كوت بوسته او جنجفه او هاند والخ
انا من الناس اللي قريت الموضوع بتلقائيه وفهمتها من هالزاويه بس طبعا كل انسان وله وجهة نظر من ناحية وايضا البيئه تختلف من ناس لناس
عندك مثلا مع احترامي للبدو طبعا هذا الكلام اللي انا قلته مرفوض رفض تام
عشان جذي لكلا منا وجهة نظره
وسلامتكم
09-05-2006, 05:02 PM
المواضيع المتشابهه
