عندما تغيب الثقه !!!!! هل تستمر الحياه

[ROLZ]

[align=center]نثيه حتى بالسعوديه صدقيني اعلاميا للحين على فكره قبل 20 سنه بس اسالي الي عايش وسطهم ... وظائف للبنت ولاتقتصر على الصحه والتعليم .. الحين فيه بنوك... شركات .. بورصه .. اسهم.. عقار ... تجاره حره باسمها... بالاضافه لبعض الدوائر الحكوميه الي تتطلب وجود بنات مثل الجمارك ... ماعاد فيه فكره ان البنت مقيده ولا شي .. مثل ماقلت لكم الخوف علينا احنا بنتقيد كرجال :a54:[/align]

[Nathyaa]

تمام هذا رد للاخ مشعل

ان البنت ماخذه حريتها ومافي شي يربطها

[مشعل]

انا اقول راي يا اختى نثيه طبعا انا معاك وضدك في نفس الوقت وتحتلف الحرية بين المجتمعات يعني عندنا في السعودية البنت مقيدة جدا وحتى بعد العائلات ما زالو في العهد القديم

هلا وغلا اختي نثيه نعم قلت ان عندنا في المملكة ما قلت في المجتمعات الاخرى

انت تتكلم بالنسبه للدوله اللي انت عايش فيها بينما انا اتكلم عن الوطن العربي ككل

نعم اختى هذا الى اقصده من كلامي وانا في البداية حدد وقلت عندنا في السعودية اما باقي الدول فالامر يختلف من كل دولة واخرى

اما بالنسبه للكويت والبحرين وقطر وعمان والامارات ومصر والجزائر وتونس والمغرب ......الخ من الدول العربيه البنت ماخذه حريتها كااااااااااااااااامله في كل شي

اختى الفاضلة نثيه لو لاحظتي بعد قلت بعض المجتمعات عندنا هم الاكثر تحفظا والبعض هناك بعض الحريات مثل ما قال اخوي رولز

يعني عندنا في السعودية البنت مقيدة جدا وحتى بعد العائلات ما زالو في العهد القديم

هنا خطا مطبعي طبعا تسببت فيها خطا جسمي مني وهي بدل كلمة بعض كتبت بعد ههههههه

يعني الى اقصده هناك عوائل في المملكة تعتبر الفتاة مثل الرجل ووصل الى بعض الاعمال الرجالية من تجارة واخرى

وهذا الى كنت بزيد في كلامي

وحقيقةهنا اشكر اختى نثيه على مناقشتها الجميلة والمتابعة للجديد والمشاركات الاضافية مما يجعل المشاركة مستمرة وهذا الذي يجعل هناك نقاش جميل ورائع

والشكر طبعا يرجع ااساس الى اختنا الغالية تهاني لطرحها الموضوع

مشعل

[Nathyaa]

علي راسي يا مشعل

انا معاك ان في بعض العائلات لين الحين متحفظين علي البنت حتي بالكويت

في بعض العائلات بالكويت بقمة تحفظها علي البنت لدرجة ان البنت لا تسوق ولا تشتغل يعني في تقيد بحريتها

بس انا اتكلم عن الاغلبيه عندهم حريه

ولك قاعده شوااذ

يسلمووووو مشعل

[g6waa]

الحياه راح تستمر اذا غابت الثقه شي اكيد

لكن ,, بيصير لها طعم مختلف

طعم مر.. قد لا يتقبله الكل ,,

وخاضه كثرة الاسئله والاستجواب وغيرها ..

لذلك تعتبر عدم الثقه الشي القوي الذي يزعج ناس وايد ..

واعتقد وايد بتكون هناك حساسيات بين الاشخاص

وراح تغيب الخصوصيه..

اللي تعتبر شي مهم في حياة الانسان الشخصيه

g6waa

[Nathyaa]

اختلف وياج

لان اذا غابت الثقه خلاااااااااااااااااااااااااااااااااص

الموت يكون افضل

[g6waa]

شكووووو الموت نثيه ؟

انا ماتكلم عن الحب

اهو ماحدد ولا قال حب

انا تكلمت عن ثقه الاهل

ماقلت ولا كتبت كلمة "الحبيب" في ردي على الموضوع يا قلبي انتي ..

انا اتكلم عن ثقة الاهل في البنت اهو ما حدد لنا ..

عشان جذي انا تطرقت لهذي الجانب

g6waa

[Nathyaa]

منو ياب طاري الحب ؟!!!

انا اتكلم عن الثقه

وفعلا اذا ماكو ثقه بالوسط اللي انا اعيش فيه عيل ليش اعيش

تخيلي انج في بيت بين اهلج وهم مايثقون فيج

شنو يكون شعورج ؟