ديوانية منتدى الشبكة الكويتية

[VIP]

اذا طلبت قبل ماتزوجها بالطريقه هاذي تعرف انت بأن ليس لديها القدره على أعمال البيت يعني راح (( تفشلك ))
المفروض الابتعاد الزواج قسمه ونصيب تلقى من ياخذها
واللي مافيها خير على بيتها مافيها خير على أهلك أقصد (( والدي الرجل ))

الحل الوحيد والاقوى هو القانون يجب في قانون ردع للمشكله مثل اللي قال عنه رولز عندهم

[بنت السويدي]

صح كلامك يا vip

حتى لو وجود خدامه بس وحده تكفي للضروره طبعا

ومثل ماقال vip اذا كان وجود خادمه فالبيت لازم مراقبتهم من قبل الاهل


صح كلامك vip انا معاااااااااااااااك بكل كلمه قلتها

[Nathyaa]

ياجماعه انتو شنيتو حرب علي المرأه


الخادمه ضروريه للبيت


بس طبعا مو بالكثره


يعني وحده تكفي


انت يارجل تزوجت امرأه وليس خادمه


يعني مثلا اعطيكم مثال للزوجه اللي ماعندها خادمه


وهذي حاصله اما عيني


انا بتكلم عن مثل بسيط


جارتي عندها 4 اولاد ومتزوجه وتشتغل وماعندها خدامه


تدرون اشلون يمر الوقت عليها


الساعه 6 الصبح تصحا من النوم وتسوي الريوق وتصحي اولادها وزوجها وتلبسهم

وتريقهم وتلبس وتوديهم المدارس وتروح الدوام


الظهر ترجع البيت تعبانه تحط الغدا وتغدي الزوج والاولاد بعد الغدا تغسل المواعين الي الساعه 3 العصر بعدها تقعد تدرس العيال الي الساعه 7 المغرب


بعدين تحط الغساله تغسل الملابس وبنفس الوقت تطبخ الغدا لباجر تسويه من الليل وتحطه بالثلاجه وباجر الظهر تسويه حار اول ماترجع من الدوام


اتخلص شغلها الساعه 11 بالليل


والله ياجماعه انها ماتدري عن زوجها وهاملته

اتقول ماقدر ماعندي وقت


تنام علي طول


طيب هل هذا صحيح


ليش يعني مو انسانه هي


اليس للزوج حق عليها


دائما في مشاكل زوجيه


الزوج يقول انا ابي اقعد معاج اطلع معاج عطيني من وقتج


البنت ماتقدر اتقول ماعندي وقت


طيب هالتصرف صحيح يعني ؟؟؟


الخادمه ضروريه بالبيت

بس طبعا وحده تكفي


اتمنى ان بينت وجهة نظري

[ROLZ]

نثيه هذي الي قلتي عليها موظفه وعندها اطفال مافيه مشكله لو تستقدم خدامه
الي نتكلم عنها

بنت 20 او 22 ماصار على زواجها شهر ومو موظفه قاعده مقابله الفضائيات وفاضيه للمسايير
وتبي خدامه
وهالنوعيات في المجتمع كثيره وعليكم القياس

--

اقتراحي

تستقدم الخادمه في الحالات التاليه

1- تكون الزوجه موظفه وعندها اكثر من طفل
2- اذا لم تكن الزوجه موظفه يشترط ان لايقل عدد الاطفال عن اربعه
3- يسمح باستقدام الخادمه للزوجه المريضه او المعاقه بتقرير طبي
4- ان لايزيد عدد الخادمات للاسره الواحده عن خادمه واحده فقط

-

عساكم على القوه

[الذهبي]

فقرة جميله ذكرتها نثيه

الخادمه ياقلبي انسانه حالها حالج عامليها زين تحط عيالج بعيونها ضربيها وهاوشيها تنتقم من اعيالج لازم تصيرين سياسيه معاهم

[بنت السويدي]

نثيه نحن نقول وحده بس مب الي يبالغوووون بوجود الخدم فالبيت والبيت مايحتاي لكثرة الخدم فالبيت

بس واذا الوحده قبل لتعرس تتشرط على زوجهات بوجود الخدامه قبل زواجها شو هالتصرف هذا


يعني حتى عيال ماعندها وتبا خدامه شو هالحاله شو تسمينه


اربيعتج الي تقولن عنها لها الحق بوجود خدامه ومن حقها بس نحن نتلكم عن الي توها معرسه ماصار على زواجها الا كم شهر ليش تحتاي خدامه

والاغلبيه يبالغوون بوجود الخدم فبيوتهم

[ROLZ]

يالله حبايبي
اي اضافه ؟؟
قبل لانسكر الموضوع ونختار صاحب الموضوع الي بعده :)

احم
في بالي واحد بخليه يجيب موضوع غصب

[بنت السويدي]

ممممممممممممممممممممم

يلا انا اترياااا

اذا فتحتوا اي موضوع بلغونــــــــــــــي


:)

[Nathyaa]

اوكي انتهينا


تقارب بوجهات النظر


جني عرفت اللي في بالك يا رولز ههههههههه

[ROLZ]

اي نثيه اهو نفسه ماغير


-




-





-





-




-


الزعيم

تم ارسال رساله خاصه له لاختيار الموضوع التالي