[poem=font="Simplified Arabic,6,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
آخر الاحـــــــــــــــــــزان ..........
تعالي نجدد الفرحه ونكتم آخر الاحزان
تعالي نغني للفرحه بكل طاروق ولحونه
تعالي ننسى ماضينا وذكر الهم والاشجان
تعالي أسكني قلبي وصيري فيه مفتونه
ونمسح دمعةٍ هلّت من الفرقا على الاوجان
نبدل حزننا فرحة مع الايام مضمونه
غلاك اللي وسط قلبي ترك يا منيتي نيشان
رميتني بسهم حبك وركز في أخر أركونه
ولك صوره معي دايم أشيله داخل الاعيان
تصور لك آهاتٍ للجروح وفيك مرهونه
وشوفي كيف تتلاعب بقلبي لوعة الازمان
وشوفي جروح وجداني وشوفي كيف مكنونه
تعالي ننسى هم وغم وننسى آخر الاحزان
تعالي غني للفرحه بيوت الشعر موزونه
............ الندامــــــــــــــــــــه ..............
جارت الايام من جور الدهور
ليت منهو ينظر الحال ويراه
ليت رب البيت يصلح لي الامور
ويستريح القلب من شدّة عناه
ليتني ماطحت في ذيك البحور
ليتني اعرف صوابي من خطاه
ليتني قنعان في ذيك العصور
واحسافه راحت ايامي وغلاه
كنت جاهل كانت ايامي سرور
كانت الامواج تاخذني بهواه
كنت ما اسمع من العقيل شور
ماحسبت الوقت يكشف لي خفاه
أحسب الايام في عيني زهور
أصبحت اشواك تاذي من وطاه
واحسافه كانت ايام وشهور
وأنطوت ايام من عمري معاه
الندامه ماتفيد اهل الغرور
ليت منهو سامعٍ قول أقرباه
تقبلوا تحياتي اخوكم \ مسك شمر
[/poem]
08-06-2005, 05:31 PM
آخر الاحزان .... + الندامه
المواضيع المتشابهه
