دنياك يا صاحـــــــــــــــــبي

[مسك شمر]

دنياك يا صاحبي ماتكشف انواره = ماتعلم بغيبها لو كنت تطلبها
لو كان كلٍ سألها يعرف اخباره = كان المقادير ياسيدي نجنبها
مير المصيبه قدام عينك ثواره = دنياك هذي حقودٍ لا تلاعبها
توريك من خيرها وتلحقك بأشراره = قبلك تراني على يدي مجربها
تغريك بأسراجها لو كشفت أنواره = ترميك في ظلمةٍ حاذر لا تقربها
كم واحد خلته يرحل عن دياره = يرحل عن الدار من شدة مصايبها
وكم من زعيم نزل من منصبه وداره = وكم من خسيس استلم عالي مناصبها
وكم من شجاع تضعضع وانطفت ناره = دار الدهر فيه والعادات خربها
قال المثل ترى دنياك دواره = تدور مثل الكره في يد لاعبها
يا هيه لا تفتخر في مال وتجاره = لا بد من حفرة تصير بها
هناك ما تنفعك يا صاحبي اعذاره = ولا تنفعك الدنيا لا كثرت مكاسبها
حاذر يا صاحبي ترى دنياك غداره = اتبع دروب المرجله واعمل بواجبها
هذي نصيحةٍ للضايعه افكاره = نصيحةٍ من صميم القلب كاتبها


تقبلوا تحياتي اخوكم // مسك شمر

 

 

[Nathyaa]

صح لسانك لاهنت والله

يطول لنا بعمرك يارب

[ROLZ]

صح لسانك يامسك شمر
لاهنت

[~*~عاطفية~*~]

صح لسانك والله روعه

[ملسونه وعنيده]

صح لسانك ولا هنت يالغالي


وين الغيبه ؟؟

لاتحرمنا تواصلك

[نوووف]

كم واحد خلته يرحل عن دياره
يرحل عن الدار من شدة مصايبها

وكم من زعيم نزل من منصبه وداره
وكم من خسيس استلم عالي مناصبها

وكم من شجاع تضعضع وانطفت ناره
دار الدهر فيه والعادات خربها

قال المثل ترى دنياك دواره
تدور مثل الكره في يد لاعبها





الله الله الله


صح الساااانك مليووون




لاهنت يامسك شمّر



بانتظار جديدك

[القلب الكبير]

صح لسانك يعطيك العافيه