شوفوا شيعلمون عيالهم خلف الله علي عيالنا !! !!

[Nathyaa]

 

 

[بقايا الليل]

هههههه
هههه
ههه
هه
ه
ولكن فيهم بطل عالمى وتمارين قاسية عليهم حاليا وبعد فترة ستزول كل الالم

ويعانق الذهب والمجد لبلدة ..

يسلموا على الصور

[جمايل]

زين يفكرون انهم يخلونهم محترفين من ها العمر بس ودي اعرف

ايذا من الحين يدربونهم على الرياضه متى يعيشون سنهم متى يلعبون

مثل باقي الاطفال متى يحيون طفولتهم؟؟؟؟؟؟؟؟؟؟؟؟ مو ظلم هذا؟؟؟


يسلمووو على الصور

[Nathyaa]

بقايا :

اي صح هي الالام مدتها بسيطه بس بعدين النتيجه تصير رائعه


ميرسي علي المرور يا محترف

[Nathyaa]

جمايل :

بالعكس هذا مستقبلهم ياقلبي

اتحسبينهم مثل عيالنا دلع وترف وماما اكل وماما روح العب وماما اشرايك اشتري لك بلاي ستيشن وهالسوالف

لا ياقلبي

هذول يفكرون بمستقبل عيالهم صح

يسلمووووو حبي الابدي علي مرورج العسل

[بقايا الليل]

ابطال العالم فى الجمباز الصينين

وتمارين يجب تكون من الصغر وبشكل يومى

اذا بلغ من العمر 18 يعتزل

الرياضة هذى تعتمد على الصغار

[جمايل]

لا كن هذولا يبتدون يدربونهم من عمر الخمس سنوات

ومو تدريب عادي لا تدريب مكثف يعني قاعدين يسرقون

منهم احلا ايام طفولتهم لو كان الطفل فيه موهبه تبي تطلع

من صغره وهو راح يقولون دربوني بس انهم اطفال ويجبرونهم

على التدريب لا حرام وبعدين يانثيه ياقلبي حنا صج اعيالنا مدلعين

بس الدلع مامنع الموهبه عند الطفل يعني الي عنده هوايت الرسم

يمارسها من صغره وهوايت الرمي من اشهر الهوايات عندنا وصار

فيها محترفين عالميين بس مارسو ها الهوايه هاذي بشكل طبيعي

مو بضغط من الاهل وتدريب مكثف عليهم اخر شي بقول لا الرياضه

ولا التحجج بسمعه البلد لهم اي حق انهم يسرقون احلا ايام الطفوله

بها السن ولا لهم اي حق انهم يسرقون البسمه على وجه الطفل

[بقايا الليل]

هلا جمايل

كلامج صحيح ولا اختلف معاج ..

ولكن هذى دول فيها الفقر شديد ودول شيوعية

عندهم كل شى لدولة ...

الحمد الله بنعمة الاسلام

[جمايل]

الحمدالله والشكر له


انا هاذا الي بوصله يابقايا اليل

هذولا اطفال محرومين من اجمل ايام حياتهم

اطفال يستعملونهم لصالح الدوله وحارمينهم

من ابسط شي من حقوقهم الي هو العب والضحك

بعتقادك ها الدوله هاذي تستحق الثناء والا النقد على الي قاعده اتسويه؟

[Nathyaa]

ياحياتي انتي ماتقارنينهم مع عيالنا

احنا الحمد لله عايشين بخير ونعمه

الياهل ينولد مني الحكومه قطت عليه 50 دينار شهريا غير المساعده الماليه لطلاب الجامعات غير المساعده اللي ياخذونها اذا يبون يتزوجون والبيت اللي يستلمونه

يعني عيالنا ظامنين مستقبلهم عايشين برافهيه

علشان جذي نخليهم يعيشون طفولتهم صح

بس هذول يا قلبي من عمره سنتين تلقينه يدور بهالخرقه اللي رابطها علي وسطه ويطر بالشارع

عدل كلامك بقايا