شبابنــــا .. والشعـر "الطويل" !!؟

[VIP]

[frame="2 80"]™¦..¨..|الٍٍسٍـٍـٍلامٍـٍ عٍلٍيكٍـٍـٍمٍـٍ ورحٍـٍمٍـٍـٍ الٍلٍه ـٍـٍة وبٍـٍركٍـٍاٍتٍـٍهٍـٍ..¦..¨..|™




مسـاكم الله بالخيــر


في الفترة الاخيرة
لاحظنا كثرة انتشار (الشعر الطويل ) لدى الشباب




والغريب ،،
أن حتى اللي عاش طول عمره على الشعر(القصير) صار يطوله !!






ليس ذلك فحسب ،،
بل أصبحنا نرى مالا تستوعبه العين
الاهتمام (المبالغ ) فيه والذي لايليق أن يكون في رجل !
فنرى ( القصات ) المختلفه و(التسريحات) المنوعه بالاضافه الى استخدام (السشوار)
الى أن تصبح العين في حالة (تشويش) بحيث لاتستطيع أن تميز ان كان هذا رجل أم امرأة !!



تـــــرى ،،
ماسبب هذا التغيير المفاجئ .. ماسبب هذا الانتشار ؟
هل أصبح شبابنا أيضاً من تبـاع الموضه ؟! .. كما هو الحال عند الفتاه ؟؟؟


واللي مطول شعره يعترف !!!



ودمتم سالمين [/frame]

 

 

[kwety]

ههههههههههههههههههههههههههههه

مشكور في اي بي

انا مو مطول شعري الحمد لله

يا اخي خل يطولون شعرهم

هذي الحريه يا اخي

بعدين ابوه راضي

لا ويفتخر بولده بعد

هذي النوعيه لو كانت في احد ابنائي

كنت دفنته وزرعة فوق قربه زهور

وبعدين من حق الشباب انهم يتبعون الموضه

يبون يتحرشون بالبنات ويغازلون

الزواج نص الدين

والصداقه يا اخي نص الرجوله ههههههههههههههههههه

وبعدين اشلون يقدر يقعد بالدوانيه عند ربعه وما يسولف عن رفيتجه

هذي طامه وما اعتقد اخوي في اي بي انك ترضى بهل شي

تبي الولد يتعقد

بصراحه انا بعد ما شفة احد الاشخاص مسوي عملية

تجميل في ازالة الشعر طبعا اللحيه وانا بصراحه

غاسل ايدي من الشباب

يا اخي خلك كول

خلك فري

وانا انصحك اخوي بتكبير الشعر

حتى انه يحميك من الشمس

ويساعدك على المحافظه على البشره

مع القليل من كريم الاساس

وشكرا

[VIP]

هاهاااااااااااااااااااااااااااااااااااااااااااااااااااااي

الله يخسك يا kwety
انت تحفه
والله صدقت عمليات تجميل ازالة شعر اللي تحت العين والخدود ومنهم أزاله شعر اللحيه بالليزر حتى لا يخرج مره أخرى ....!!!
هل هذا يرجع الى تربية الوالدين ؟؟؟؟؟
دكتور kwety
أرجوا الافصاح وأعطاء الأباء النصائح عن هذهي القضيه اللذين وقعوا في ظل المشكله

[al7adab]

ماسبب هذا التغيير المفاجئ .. ماسبب هذا الانتشار ؟
هل أصبح شبابنا أيضاً من تبـاع الموضه ؟! .. كما هو الحال عند الفتاه ؟؟؟

سبب هذا التغير المفاجيء يا شباب هو التقليد الاعمى للغرب والمشاهير بالاخص

وسبب الانتشار اهو وسائل الاعلام وهذا متفق عليه دوليا

وبالنسبه للموضه خل الاوادم تمشي على الموضه بس بحدود

يعني مو يخلي شعره مترين فوق راسه يعني سبايكي ولا بنطلون لو ويس ( خصر واطي ) ولا بديات وثري كوارتر ( طبعا فاهمين يعني شنو )

وازيدك من الشعر بيت الموضه مو بس بالشعر الحين قامو يحطون تراجي وياريت على اذونهم لا على الحواجب
واللسان والخشم

والله انهم ناس ما يستحون

استغفر الله

الله لا يبلانا

[kwety]

ههههههههههههههههههههههههههههههههههههه

انا دكتور

هههههههههههههههههههههههههههههههههههه

والله اخوي في اي بي مرفعلي حيل

ههههههههههههههههههههههههههههههههههه

بس هم انا افتخر بعملي

احسن من غيري ناطر التوظيف

مخلص الجامعه تخصص شريعه

يبي يشتغل بالمطار

ما علينا نرجع لموضوعنه

بس احب انوهلك اخوي في اي بي

لنقطه راحة عن بالك

الا وهي مرطب الشفاة

الشفايف

بنكهة التوت

هذا المربط طايحين فيه الشباب

وصعب انك تحصله بالسوق

الا اذا كان عندك معارف بالسوق السوده فهذا شي ثاني

اذا تعرف ضبطني معاك ههههههههههههههههههههه


يحمرون الشفايف

تدري ما يصير اقابل رفيجتي وشفايفي سود من السجاير

فانا انصحك ان كنت مقتدر افتح صيدليه وبيع مرطب الشفايف

بنكهة التوت واذا في نكهة التفاح فلا تبخل على شبابنه

هذول عماد المستقبل والله يستر من هل مستقبل

ياخي تصدق صالي يمكن سبع سنوات ما شفة احد

منحاش من البيت منخش بالبراحه

ثقه الطق مافي

يا خوي اول اذا الزله اطلعة منه

الله من خيازرين تلسع على ظهورنه

ابي بالذمه متى اخر مره شفة واحد يغسل سيارة ابوه

ولا يبدل الدهن

الحياة الحين اخوي او بالاخص التربيه صارة دلع

ولا واحد يصغط بالمدرسه ابوه يشتريله هديه

هذي وين صارت انا اذكر ان نجحنه ما ننطق

واذا صغطنه ما نرجع البيت الا بالليل

بعد ما نتاكد ان البيت بالي فيه نامو

حتى وانت ناجح ماكو هديه

شنو هديه هذا ما نعرفه اول

وبعدين بصراحه يعني

انت الحين تشوف جار ما اقولك يطق جاره ليش ما صليت

ابي بس يكلمه يقوله ليش ما صليت

تدرين ليش ما يكلمه

لانه يدري لو كلم الشاب اللطيف

راح يروح المخفر

لان ابو الشاب اللطيف وبتوجيهات

من النسره زوجته راح يروح المخفر

ويتهم الجار بانه ارهابي ومتطرف

ويحرض الشباب على العمليات الانتحاريه

شنو نقول

اذا نبيل صار بلبل

بالله بالذمه هذا اسم دلع بلبل

والله لو مدلعينه نبيله اشرفله

وبالعكس يفتخر لانه ارتبط اسم الدلع ماله

باسم الفنانه نبيله عبيد

انا انصح الاباء والامهات

بنوع من الشده وتعليم ابنائهم الخشونه

واهم شي الدين

وخل يبطلون من سوالف

هذا ولدي ما يغلط

ترى محتر مامرت علي هل ايام

انا والله ما يذبحني الا ولدي ما يغلط

على العموم الواحد مهمه يتكلم بهل موضوع

ما يخلص

بس بوضح شي

اشلون تبي الابناء رجال بمعنه الكلمه

وابوه وامه مطبقين المثل

:: سكانه مرته::

وشكرا

[بنت السويدي]

الصراحه انا ماعندي اي مانع بالواحد الي يطول شعره بس بحدوود المعقوول


كل واحد وحريه شخصيته


بس في بعضهم حلو عليهم يوم يطولون شعورهم وبعضهم مايتشاهدوون


عن نفسي انا احب الشعر الطويل بس بحدوود مب يبالغ فيه


واكره الواحد يوم يقلد البنات بتطويل الشعر شكلهم يتحدوون البنات بتطويل الشعر

والا بعضهم يترسون هالشعر كله جل وحركاات عجيبه الصراحه

واعندكم بعد البنات الي قصووون شعورهم boy شو تسموونه

عاد الاولاد ارحم من البنات الي رايحات فيها كله وحده تحصلها قاصه غير شكل ومستانسه فالقصه

على شو ماعرف



الله يعطيهم العقل بس


يسلموووووووو vip

[Nathyaa]

تقليد اعمى


ويرجع السبب الاول الي الوالدين


وين الرقابه ؟؟


وبعدين من زينه مطول شعره


ارف


والله شكلهم يلوع الجبد


الف شكر ماي بوس

[بنت السويدي]

نثيه انتي تقولين مو حلو الواحد يطول شعره بس انا اقول في بعضهم حلووو عليهم

ويطلعوون كشخه

بس في بعضهم يطولون شعورهم مب على اساس انهم يقلدوون البنات لا هو مجرد تغير لاغير

وانا ماشوف انه فيه شي لو طول شعره

البعض مب الكل

وانتي تقولين من الاهل صح هالشي بس الاهل مايقدروون عالولد او ماقدروا يسيطروون عليه خاصه اذا كان فمرحله الشباب المراهقه

يمكن يأثر هالشي على انحراف بعض الشباب صدقيني في بعضهم ماينفع وياهم الاهل يعني الي براسه راح يسويه


الزمن تغير مب مثل قبل

[VIP]

بس يا بنت السويدي يطولي بعمرج بحدود المعقول
في ناس شعووورهم واقفه كأنه مخترع وهذا هابين فيه حتى اسم القصه اعتقد (( سبايكي )) اذا انا مو غلطان
يعني شنو تتوقعين منظره شعره واقف فوووق واهو يعتقد انه جميل على القصه والمصيبه الكبرى ينال اعجاب
من يشجعه ...!!!!

[ROLZ]

نعم اخوي Vip
هو تقليد اعمى للغرب من غير اي تفكير
وانا اعتبر هالنوعيات ضعاف شخصية
لان كل من يتبع الغير في التقليد الاعمى لايملك اي تجديد لحياته او مسار واضح لها


يسلمو يازعيم