سفر + بنات الخليج ! (( حوار خاص بين اراء الفتيات ))

[بنت الامارات]

السلام عليكم ورحمه الله وبركاته

اكيد الكل يعرف ان الفتيات الخليج لو سافرن الى بلد اجنبي
للاسف الشديد
يخلعن العباه بحجه االظروف اللي تصير
نعم ممكن نسامحها لو خلعت العباه
لكن ليش بصراحه اللبس الغير متحشم
ممكن اعرف اخواتي السبب لو في اصلن سبب
وممكن اعرف اراء خواتي الاعضاء
اسفه اخواني لكن لا اريد اقتحام رجالي :a75:

 

 

[بنت السويدي]

تسلمين عالموضوع بنت الامارات

اول شي عادي لو عقت العبايه مافيها شي
بس المهم تكون لابسه لبس محترم

بس اذا لبس مب محتشم هذا كلام ثاني

يمكن هي على بالها انه محد راح يعرفها وتاخذ راحتها

وشي اكيد راح تاخذ حريتها لا ن محد بيكون يطالعها قصدي انه تتحشم جدام العرب وعيال الخليج وعيال الاجانب عادي ليش تحتشم خخخخخخخخخخخخخخخخخخخخخ

والله بنات مشاكل

[~*~عاطفية~*~]

وانا بعد اتفق مع سوسو

العبايه عادى اذ قطتها ما فيها شى

اما بالنسبة للبس غير محتشم فهذا علشان يمكن ان محد يعرفها وبعدين مثل ما قلتى ان دوله اجنبيه محد يقولها شى وعادى عندهم ،،

وفوق هذا حريه شخصيه

ويسلمووووووووووو على الموضوع

[بنت الامارات]

اشكرج اخت بنت السويدي لكن
اذا عادي تعق العباه عند الاجانب ليش اساسا
تلبس العباه جدام عيال العرب والخليج !
العباه مش مشكله وبعدين انا اعرف وايد حريم ما يلبسن عباه
هناك لكن يلبسن جلباب ومافيها مشكله بالعكس حتى شكلا مرحب ومحبب في الاسلام ولا يعقد ولا يكره لفكره الاسلام
وبصراحه ثمره الحشمه والستر تظهر وتبرز في بلاد الشرك
هذي العباه مش مشكله لكن لبس للي تلبسه بنت الخليج مشكله
وشي ثاني كل الجرايم والاغتصابات ماطلعت إلا من هذي البلدان
لا تغتر في نفسها وتنسى انها وين ما راحت مطالبه
بالستر والحشمه

على العموم اشكرج بنت السويدي لأبداء الرأي

[بنت الامارات]

اخت مس نايت اشكرج
هي وين ما راحت يجب عليها الحشمه ويلتزم عليها وين ما راحت تنقل صوره الاسلام
وهذي مش صوره مشرفه للاسلام الله يهدي قبل فوات الاوان ان شالله
والله يبارك فيكن ويسترنا دنيا واخره ان شالله

[Nathyaa]

هذي انسنه مريضه وماعندها ثقه بنفسها


اللي يسوي شي لازم يكون مقتنع فيه


يعني البس عباءه او لبس حاشم بديرتي وبرا ديرتي افصخها


هذي قمه بالمسخره


هذي انسانه انا اعتبر ماعندها ثقه وانها مجبوره علي الحشمه


وانها لبست اللبس الواسع ارضاء لاشخاص معينين ولييس ارضاء لله


ياجماعه احتسبوا الاجر في كل شي


ومااظن العباءه راح تمنعها من انها تستمتع بالسفر


انا ارفض رفض تام هذا النفاق


اما انها تتستر لوجه الله في كل مكان او زمان


او انها تفصخ


اما انها تنافق هذا شي مرفوض


اشكرج قلبي علي الموضوع

[بنت الامارات]

اشكرج انتي على وجهه النظر للي نالت اعجابي
اشكر المبدأ واشكر خلق نثيه الرائع
مشكوره والله يستر علينا دنيا واخره

[جمايل]

انا اسميه ضعف ايمان وانها كانت محتشمه بديرتها علشان العادات والتقاليد مو علشان خايفه من ربها


وهذا الي خلااها تفصخ العبايه ولبس المحتشم لاان بلخارج مافيه عادات وتقاليد وطبعا هذا الشي

بنظرها هي بس البنت المؤمنه الي ايمانها قوي يكون احتشامها ولبسها لخوفها من الله لان ربي

بيشوفها وين ماكانت بس للاسف فيه بنات ايمانهم ضعيف وهذا الي شوه سمعت البنت العربيه

بدول الاجنبيه

ويسلموو على طرح الموضوع