¨¨™¤¦ كفايـه خسايـر .. كفايـه صدمـات .. كفايـه الفشيلـه ¦¤™¨¨°

[مـــلاك]

بسم الله الرحمن الرحيـم





الازرق والخسائـر (( عنوان لا يتفارقان )) ..,
هذا هو الازرق الذي نفتخر كوننـا نشجعه ..,
هذا هو الازرق والذي نأمل منه الوصول لكأس العالم ..,
في السابق اذا المنتخب دخل أي بطوله كانت كنا ننطر المباراة بفارق الصبر ..,
اما الآن زيـن اذا لقيت ناس يعرفون ان المنتخب يلعب ..,
واذا قلت حق أي شخص اليوم المنتخب بيلعبون مباراة ..,
راح يقولك (( ماكو شغل نتابعهم )) ..,
اي من حقـه يقول جذي ..,
حرام اللي قاعد يصير فينـا ..,
اكثر من 4 شهور ما ذقنا طعم الفوز حتى بالمباريات الاستعداديـه ..,
الكويت x السعوديه ( 0/0 )
الكويت x مصر ( 0/1 )
السعوديه x الكويت ( 3/0 )
الكويت x كوريا ( 0/4 )
الكويت x اهلن الالماني ( 2/2 )
الكويت x فيساس ( 0/0 )
الكويت x الامارات ( فوز الامارات بلنتيات )
الكويتxقطر (0/1)
هذا هو تاريخنـا الحالي ..,
ولازم نعترف بمستوانـا ..,
مستوانا ما يؤهلنا حتى ندش تصفيات كاس العالم في المرات القادمـه ..,
الاتحاد قط اكثر من مليون دولار للازرق على هذه المباريات من معسكرات ومعاشات وكل شيء ..,
بعرف شنو محصلين من منتخب القدم غير الهم والكدر وعوار الراس ..,
طارق القلاف حصل على الميداليه الذهبيه للمبارزه وهو الان في المركز الاول عالميا ..,
ولد الزيد (( ناشئ صغير )) حصل على ذهبيتين ببطوله العالم للتايكوندو ..,
وهؤلاء ما خذو ربع اللي يحصلونه فريق القدم ..,
غلطات المنتخب اليوم تؤكد اننا لم ولن نتطـور في ضوء هذا الاسلوب الذي نلعب فيـه ..,
معسكر سويسرا صار بعد (( حب خشوم )) ..,
وكل هذا عشان المنتخب وبالاخير هذا مستوانا ..,
مع العلم ان الامارات (( مع احترامي لهم )) اضعف منتخب خليجي ..,
اذا مع الامارات خسرنا عيل اذا (( لا سمح الله )) تأهلنا الى كاس العالم ..,
شنو راح يصير فينـا من البرازيل والمانيا والارجنتيـن .. الخ ..

ما نبي كاس العالم 2006 ..,
لازم تشيلون الفريق بكبره وحتى فراش الفريق شيلوه ..,
وجهزو روحكم حق مونديال 2010 من الحين عشان نعرف اللي لنا واللي علينـا ..,
أهني اداري الفريق سعود مشلش على كشخته اليوم بالمباراة عشان يطلع بالتلفزيون ويشوفونه ..,
واهني المدرب على البطاقه اللي كان حاملها ومسمي روحه مدرب الفريق ..,
مع ان ما عنده مترجم وما يعرف يتكلم عربي ..,
الحبيب يتعامل بالاشارات ..

والمشكله انهم من الحين يخططون العقوبه اللي بتكون على نواف المطيري ..,
آنا اقولهم حاسبو روحكم قبل لا تحاسبون غيركم ..,
واذا ما تدرون ترى في خالق راح يحاسبكم يوم القيامه ..

والحلو بالموضـوع ان عقب ما خلصت المباراة ..,
جم لاعب من لاعبينا راحو حق اللقاءات ولا جنه هامهم وقعدو يتكلمون وهم مبتسميـن ..,
اذا هذا منتخبنـا عيل لا طبنا ولا غدا الشـر ..


سامحوني اذا طولــت
ونرد ونقول اللـه كريـم

 

 

[كــتــالــونــي]

قوووووووووووه اخوي ملاك:a61: يعني هذا منتخبنا من زمان نعرفه ونعرف التشكيله قبل لا يعلنونها وكل مدرب يجي نفس التشكيله وانت معاك حق بكل اللي قلته لك شنو بيك مالك غير تقول الله كريم انشالله ربك يفرجها:a77:

[AL_3oooD]

يسلمووووووووووووووووووو اختي ملاك على طرح الموضوع وانا عندي تعليق بسيط

هذا منتخبنا من بعد الغزو ماتغير والادارة على ماهي واللاعببين كبروا وهم متمسكين فيهم وهذا دليل على وجود الواسطة والا يمرون على المنتخب عدة مدربين ماتتغير التشكيلة وهذا سبب طلب المدرب الكبير ماتشا الله الخروج من الجهاز الفني وتقديم استقالتهز... بس احنا هم نذكر على ايم هذا المدرب كان المنتخب يقدم مستويات عاله واولها حصولنا على كأس الخليج التي اقمت في المنامة واحنا ما كنا مرشحين للفوز بهذا الكاس والجدير بالذكر تصريح هذا المدرب ععندما طلبوا منه الرجوع لتدريب المنتخب وكان تصريحه " لن ارجع مدام الذين طردوني موجودين " وهو يعتبر الواسطه طرده له من المنتخب لانهم تدخلوا في التشكيلة وكان من شروط قدومه للتدريب عدم التدخل بالتشكيلة

وانا ارجو اني ما اطلت عليكم

وعساااااااااااااااج على القوة اختي ملاك

[Ronaldinho]

يبه انا بقول شي ولحد يزعل ولا احد يتضايق مني

هذا اتسمونه منتخب هذا ايروح لعب كره بالشارع وايد عليه
يبه منتخب الكويت الحين ولا شي منتخب الامارات ايفوز

ومنتخب الامارات مع احترامي للاماراتين اللي ويانا مايعرف يلعب
انشالله راح ايشيلون هذوول اللي بالمنتخب منهم بشار عبداللــه-بدر المطوع-مساعد ندى- والكثيـر منهم راح ايشيلونهم واايردون الاعبين القدم من جاسم الهويدي وعلي مروي
والكثير منهم

المهم اسف على اطالتي عليكم

قال منتخب الكويت قال احسن له يروح يلعب بالشارع بالكره هذي تفخ الهوائيه اللي اتشوتها تنبط

رونالدينيــوو

[Nathyaa]

سلموووووووووووووو علي الموضوع


بصراحه حرقة دم


بس ياجماعه لاتحملون اللاعبين الخطأ


الخطأ مشترك علي فكره


لااداره سنعه ولا مدربين سنعين


شنو تتوقعون من اللاعبين


كافي نفسيتهم مساكين تعبانه حيل


الغلط من الاداره ومن المدربين


يسلموووووووو علي طرح الموضوع

[AL_3oooD]

انا مع اخوي رونالدينهو بس جاسم الهويدي كبر واللاعب علي مروي اعتزل بس في لاعبين صغار

الادارة المفروض تهتم بالناشئين لان المنتخب الاول راح خلاص وفي لاعبين صغار يلعبون كرة على اصولها

وانا اتمنى اني ماضايقت احد

[AL_3oooD]

يا مراقبتنا في لاعبين يتحملون الذنب لانهم مايلعبون بروح قتالية وانا اذكر مباراتنا مع المنتخب الصيني لعبنا بروح وفزنا 1/0 ومباراتنا مع المنتخب الماليزي لعبنا الشوط الثاني بروح وسجلنا 5 اهداف وتأهلنا وبعدين مادري شنو صار

على العموم انا ارد اقول الاهتمام بالناشئين

[Nathyaa]

اشلون تبيهم يبدعون وهم مهضوم حقهم ؟؟؟



تلقبا الواحد يلعب ويعطي من عمره ويكبر اسم منتخبه واخر ش اذا تعور او صار فيه اي اصابه قطوه بالرازي


حتىي للخارج مايسفرونه



مافي حواااااااااافز لهم اكيد ماراح يبدعون